v'là chi un des textes que j'vas dire à s'soir au musée

inne bonne mommére

non! m'fill' y est pos question d'mariache!
t'as bin acor' l'temps d'y pinser
mi, tchand qu'j'étos pus viell" que t'n'ache
jé n'pouvos pos aller dinser!

et si tin père y savot cha
introt' tout d'sut' dins inne bell' rache
j'intinds déjà ses prêchi prêcha
tourn'rot comme in lion dins s'cache!

n'oblie pos qué t'nir in ménache
comm' n'importe quo, cha s'apprind
ch'n'est pos in restant dévant l'glache
qué té l'saras un jour sûr'mint!

t'n'as jomais vu un dé à coute
préparé l'soupe, fait des rinj'mints
ch'n'est pos t'fidjure avec dé l'poute
qui t'in fornira les moyins

et pus après, qui ch'est monhomme?
inne espèce ed jone garchonal
qui n'tint mêm' pos dins ses maronnes
et qui va traîner dins ché bals?

in n'connot mêm' pos ses parints
p'têt' qu'ch'est des gins qu'font des manires
p'têt' inn' famil' de moins' que rin
qu'font des mauvais cops par derrire?

té m'dis qu'ch'est l'fiu à Devlamynck?
Devlamyinck? qui tient l'pichonn'rie?
mais ch'est in grand bonnet du Minck
té m'avos fait des cachott'ries

y a inn' fortune d'vant li ch'garchon
seur qué dins s'majon in s'pourlèque
d'autant puqu' qu'y vintt'ent leus pichons
sins décompter l'pod des érèques!

j'te vos mal dins les harings saurs
ti qu'y est nareusse y faut vire comme!!
mais au fond, p'têt' qu'ch'est mi qu'y a tort
l'argint n'a pos d'odeur in somme!

adan, va mette et' novell' rope,
part' m'acater et pos ailleurs
tros ù quat' z'harings à la daupe
a mou Devlamynck, y sont meilleurs!

et si des fos, oh! par hasard,
té rincontros c'petit june homme
dis qu'y vint , mais pos trop tard
diminche, mingi d'el tarte aux pommes

Maurice TONNEAU

j'en su pas trop poème, mais j'ai pris du plaiji à l' lire.

Mi aussi!

j'ai beaucoup aimé et Paychti aussi merci pour lui

Et t'apprinds cha par tchoeur? Bravo tiote!

Mi je trouve que ch'est un texte qui résume bin les tortillonnaches des boyaux de l'tiête des guernoules...

In tous les cas je te souhaite bin du monte à tin pestaque, et que te passes du bon timps à faire cha que t'aime!

L'argint ,n'a pas d'odeur, cha n'a pas d'importance, mais philosophiquement ,in est mieux loti quand in en a in peu, et plus, ch'est encor mieux, mais pas trop, in n'serot pas quoi in faire! Les parints d'el file, is ont tout compris! Asteur, i faut imaginer la suite!

té s'ra parti au momint qu'ej va écrire l' texte camanette mais comme dit intre gins du spectaque" m...."

merci tertous
cha s'a bien passé.....meume si j'ai eu un tiot tro à un momint..
d'autant pus que je n'ai un deuxième à dire assez long aussi, je l'mettrai su ch'forum quand que j'arai l'temps
rebelotte à s'soir, m'file all s'ra là et elle prindra des photos que j'f'rai suivre.

Vivemint!

AUJOURD'HUI NOUS FÊTONS LA 2ÉME VIE DE MON HOMME, IL FAIT UN TEMPS SPLENDIDE.
ET [/b]CARPE DIEM [/color]

Bin j'comprinds qu't'as pu avoir un trou d'mémoire ! pace qu'i faut l'dire un texte comme cha ! mi j'ai fais l'essai de l'lire à vox haute, bin déjà j'ai bafouillé d'sus certains mots, alors apprinde cha par coeur, câpieau Camanette...
T'as mis combin de timps pou l'savoir ?
J'vas essayer d'l'apprinde, infin au moins l'premi strophe
In tous cas j'attinds l'deuxième texte avec impatienche

pistouille2 a écrit:

AUJOURD'HUI NOUS FÊTONS LA 2ÉME VIE DE MON HOMME, IL FAIT UN TEMPS SPLENDIDE.[/color]

Cha li fera deux vies avec l'même femme?

Te l'as pris in otage ou i est vraimint accro? Ch'est pour de rire hein...

In tous les cas, profite du bieau timps, ch'est nin le cas pour tertous...

Bonne journée et bon amusemint à tous les 2. Attention au solel, i tape fort!

vraimint un biau poème
merci camanette
ya des bons poètes aussi dins l'59
Maurice Tonneau est d'Tourcoing!!

J'aros du m'in douter!!!!!

n'in profite z'in pas batisse

Bin min ginre...

Je ne chus nin sectaire, mi. Du momint que ch'est 59, ch'est bon.

Chu d'accord

ej sus obligé d'en pas in rajouter parce que comme j'el disot par ailleurs ej su marié avec eune 59 .i suffit qu'ale lit s' que j'écrit ej su bon pour l' divorce et comme ale fait très bien à minger ej va l' garder un tiot peu.

Cha, pour faire du bon minger, i n'a nin miux qu'eune 59.

Je connos même des ritaux qui sont d'accord avec cha. Ch'est dire...

in fort bieau poeme raconté par eine 62,heureusemint qu'in est là pour raconter ches poemes ed ches 59,et pour ech minger, ej péfère ech' ti là de m'mère..

Ch'est là tin problème: t'as nin eu l'occasion d'essayer eune mère du 59.

Ch'est pour de rire hein ch'duc...

un rital des ritaux, ché comme cha qu'in dit batisse?

méfie te i z'ont l' coutiau facile.
désormais ravisse à l'euleton quand on viendra sonner à t' porte .
j'en dit cha, j'en dit rien j'en fait que du préventif.

nounours-94 a écrit:

un rital des ritaux, ché comme cha qu'in dit batisse?

Exactemint.

Te vos qu'i ne faut nin désespérer des 62....

Là, ch'est ti qui m'as donné le bâton pour buquer chur ti