J'souhaite eun' " Bonne Fête " à tous ches André et ches Andrée

Ch'étot hier?

Mi je n'd'ai vu un - brièvemint - jeudi au soir. I va bin. J'aros su que ch'étot s'fiête l'lindemain j'y aros fait eune baisse chu sin front! Je me chus continté d'in faire eune à s'sainte femme....

Merci, Marcel, (j'réponds pour tous chés André(s) )



Bn, ici, ch'est l'matin qu'in s'est rindus compte ed'l'évèn'mint, Quand Thérèse alle a ravisé su ch'calendrier si in avot pon d'rendez vous à mon de ch'méd'cin...



Ch'est vrai que dins l'temps, in n'passot pas toutes chés fêtes sans bajoter à droite à gauche, et vrai aussi que la fin d'l'année alle étot riche in évèn'mints, y'avot l'ste catherine, l'st Nicolas, Ste Barpe, même l'st Eloi, et in arrivot tout droit dins Noël et nouvel an, ché marchands d'cartes postale y faijot'tent fortune, et y'avot toudis de l'poudre d'inluminure sur chés tables tellemint qu'in n'archuvot, des cartes postales aveuc des bouquets d'fleurs et des photos d'jonne filles (ou d'garchon, ch'étot suivant...)

Enfin, tout cha cha a bien cangé, in s'demande pourquoi....

Et cha n'arviendra pu, chest la vie....

Te vos, Batisse, t'auros couqué à l'maison, t'auros eu drot à un tiot déj' au champane (in concurrence aveuc tin chargemint d'caméon)



Enfin, merci à cheux qui n'ont pas confondu l'St André et L'st Innochints...!

28 déchimpe. Ch'est déjà noté garchon.... 2 jours avint l'st Roger, et 2 jours après l'st Etienne, que ch'est le patron des martyrs, et que donc ch'est m'fiête à mi.

Hé bé ! y vaut cor miux intinte cha qu'ête sourd... pauff garchon, si j'avos l'timps je t'plaindros.

L'St Parfait ch'est quand?

L'18 avril pardi!

Et un tiot peu avint, le 24 février, ch'est l'st Modeste, que cha devrot être dins mes prénoms.... Ch'est nin juste (14 juillet).

te parles si que mi je l'sais quand qu'ch'est la st Parfait (ou putôt la sainte parfaite!!!)

Mi j'pinse que si in faijot un concours du pu biau prénom, j'jueros in hors concours, tout cha pour nin porter ombrache à tartous...

si j'm'inscriros in vrai, tout l'monte y déclarerot forfait... alors...