Is comminchtent à me sortir par les trous de nez à l'météo!

Is ont des satellites, des experts qui ont fait 25 ins d'études après lu bac et résultat, i devot pleuvoir aujord'hu et i a fait bieau.

Ch'est vrai que pindint l'nut i n'a nin arrêté de pleuvoir, mais dins l'journée, que du bieau. Et mi j'osos nin partir in mobylette à cause de l'pleuve.

Donc, je pinse à foutre à luche tous ches savints avec des machines qu'is ne savtent nin s'in servir et m'adrechi à des gins avec des romatiques qui, eux, savtent à coup sur si que le timps i va être à l'pleuve.

Alors, qui qu'ch'est qui a du romatique ichi et qui sait s'in servir pour prédire le timps?

Mi, j'in ai, comme tout l'monte ,mais ch'est surtout quand i va neiger, j'a d'maux dins tous mes oches. Alors, à ch'momoint là, i est in peu tard por faire edl'moto

Ch'est vrai que dins l'Hérault, te ne dos nin être trop souvint imbêtée par l'neiche....

té m'énerfe!

Sus quel site ed météo qu'te vas?
Mi quand j'part in rando j'ai jamais d'surprisse, ch'est du sûr à 90% minme 95.
Faut mète l'nom de l'ville dû qu'té vas.
Pour ti faudra in mète plusieurs, pisse que té roules d'boche sus chés routes.

J'arwettte l'météo à l'télévision, avint ou après les infos. Tchand que j'arwette les infos.

Bon, à part cha je ne sais nin si que je vas réussir à m'indormir ch't'au soir, tellemint que je chus contrarié d'énerver min nain à cause de ses romatiques neigeux.

Ch'est pas là qu'i faut ravisez.
V'là chi un site qui s'trompe pas gramint :

http://france.lachainemeteo.com/meteo-france/previsions-meteo-france-0.php

In devot avoir d'l'orach' aujourd'hui bin in l'a eu.
Pour plus d'pécisions, té mets l'nom de l'ville ou du villach' (pas trop pétit quand minme) et t'auras des bonnes prévisions.

Essaies, té m'diras quoi.

D'après tin site, demain après midi, le seul coin in France d'ùche qu'i a plein solel ch'est pile poil chu min villache. Tout partout ailleurs i pleut.

Je te dirai quo... Suspince...

T'es un minteux, l'matin i y aura d'el pluie intermittente, l'après midi, peu nuageux et l'soir averses ou pluie intermittente.
Avec 17/18° et du vint de l'Ouest et Sud Ouest.

V'là ches prévisions sus tin coin.
A ti d'vire si té sors in mobylette.

Commint cha je chus un minteux?

Je viens d'aller vir tin site. In y cause de pluie ichi et vlà ichi eune photo que je viens de printe par l'cassis de l'cuisine....



Je t'in foutros mi du minteux!

Voyou.

Pour mettre eune tiote chériche chu le gâtieau, ch't'aprème je m'ai préparé à peindre des volets. Je comminche à sortir mes trétieaux et je me dis "oh oh, le ciel i saque eune drôle de guiffe". J'arwette alors du côté du grand ballon: ch'étot noir.

I étot 13h45 et je ne te raconte nin le déluche qu'in a eu.

Du coup j'ai peint à l'intérieur. Ch'est moins bien et cha schlungue!

Ah ouais... ch't'au matin i a fait bieau... i a tché tros gouttes qui se battottent in duel.

Bin t'as eu de l'iau comme j't'avos dis, nan?
Quiques gouttes l'matin et eun' drache ch't'aprèm' bin voilà.

Ouais ch'est cha, peu nuageux l'après-midi cha veut dire drache...

Si qu'i faut interpréter l'météo comme les loroscopes, in n'est nin sortis de l'auberche!

T'aros nin des tiots problèmes de bonne fo tisaute?

Te fais un sacré boyau rouche garchon, ch'est mi qui te le dis. Mi que je chus de l'meilleure fo que te peuches trouver.

Bin voilà, t'as tout compris (pou eun' fos), l'météo cha s'lit pon, cha s'interprète.

Et pis t'sais ch'est pas à un kilomète près.
Bon l'prochinne fos qu't'es pas sûr, té prinds t'carette pou aller t'prom'ner ou alors té finis ches peintures.

mister mtéo
quand tu dit qu'il fait beau.
mister météo à glagla qué frigo.

Loumarcel a écrit:

Bon l'prochinne fos qu't'es pas sûr, té prinds t'carette pou aller t'prom'ner ou alors té finis ches peintures.

Si je ne chus nin sur? Ben bravo!

Pour aller m'promener, je ne prinds jamais m'carette. Donc, si que je prinds m'carette ch'est que j'ai des séquos ou des quelqu'uns à transporter ou que je dos aller quelque part et qu'i pleut ou neige ou fait verglas.

Pour les peintures, ch'est déhiors, autint que possipe. Donc, si que je ne chus nin sur, in principe je me linche dins eune autre séquo.
Je dis cha mais ch't'au matin j'étos tout plein de courache, i simblot qu'i arot fait bieau, j'ai sorti tout min bazar (de peinture...) et je me chus linché. Là dessur i a tché des gouttes que je ne sais nin d'ùche qu'elles venottent. Du coup, vu que le ciel i comminchot à me faire peur, j'ai ringé un tiot peu min garage et j'ai fait m'peinture là, avec l'porte ouverte in grand.

Et i n'a pus pleut.

Ch't'aprème je lave eune mobylette, tellemint que j'in ai honte. Cha, cha pourrot faire qu'i pleut....

t'as essayé eune guernoulle dins in bocal, avec une équelle ?....

I faut un grind bocal!

Et quo que je devros faire avec l'équelle? Rintrer et sortir du bocal? Ch'est cha?

Faut surtout pon t'tromper dins l'choix del'guernoule....

Ti que t'as l'air de t'y connaître, à quo que je dos faire attintion?

Ch'est importint qu'elle a du romatique?

ouais....

Ah bon?

Bon, ch'est nin de tout cha, mais l'météo elle comminche à continuer à me faire tourner bourrique.

Ouais, bon, cha va là-bas dins le fond hein, je vous ai intindus marmoner dins vous dints...

L'autre jour, in allint porter le vierre à l'benne à vierre, je m'ai rindu compte que l'hayure elle déhutot grammint chu le trottoir. In est in copropriété, mais j'armarque qu'i n'd'a surtout un qui s'attaque à l'verdure... pourtint in ne peut nin dire qu'i a cha dins ses gênes.

Donc je m'a dit "batisse, i va falloir coper là-dedins avint d'avoir eune lettre de l'mairerie". Jeudi je ne pouvos nin à cause de nous virée in mobylette. Hier je m'a battu avec le tableau de bord de m'n'auto. Reste aujord'hu. Mais vu qu'à l'météo is ont tertous dit que le timps i serot bin fraique aujourd'hu, batisse i s'a dit youpee, cha sera pour l'semaine prochaine!

Ouais, ben i fait bieau et je vas y aller quind même... Youpee

Météorologue, ch'est un boulot de minteux.

parèle ichi.....ch'l'hayure all comminche à printe des allures d'forêt vierche
hier après midi , j'ai eu l'timps d'tondre m'pelouse...euh pardon, m 'pâture, m n'homme y rintre pon trop tard d'l'usine....j'y dis: "profite pour faire ch'l'hayure...in s'in r'va vinderdi pour eune semaine, cha s'ro bien qu'cha seuche fait avant"
"j'sus mate "qu'y m'dit, "j'f'rai cha d'main".....bin ouais pis aujourd'hui y pleut....
j'sus dins un lotiss'mint dù qu'ché gins ché des soyeux pou leus gardins....in fait un tiot peu "tache" si vous veyez cha que j'veux dire
mi, j'ai eu y a deux ans eune lettre d'la mairie in rintrant d'vacances dins m'boite aux lettres qui dijeot que "suite aux plaintes des riverains y fallot que j'queupe mes apes "
ché vrai qu'y fallot l'faire, mais y a aucun voisin qui est v'nu m'vire avant pou me l'dire bin gintiment.....j'précise que j'sus dins l'quartier d'pis plus de 25 ans..... achteur je m'mefie d'tout l'monte .....ché bonjour-bonsoir.