cha y est, in arqueminche comme au bon vieux temps, ichi ch'étot l'rubrique "bonne année", et nous arvlà arpartis dins l'vaisselle!
in va s'faire tirer les orelles

Et incore, nousautes in est raisonnapes, nous réponse elle a un rapport avec le messache d'au-dessur.... mais je ne sais nin si que t'as eu l'occasion de t'in rinte compte: i a l'énergumène boyau rouche basque qui rondoule dins les sujets et li, pour foutre le bouvaque, i n'a nin sin maître.

I serot capape de mettre l'arcette du lapin à l'pourette de perlin pimpin ichi après...

Fais comme mi, baisse tes orelles, tout i peut arriver avec ch'ti-là!

j'étos là , sache comme ..... inne guernoule à faire min tiot courrier, quand que j'vos qui a un nouvieau messache dins m'boîte à é mile.
j'clique sur acoute ichi, j'vos t'réponse, et pis in bas : vous ne pouvez réponde, ch'est la meilleure vlà qu'Roger i m'arconnot pu !
j'sus arpartie dins l'site acoute ichi sans passer par m'boîte à é mile.

Bref, in s'in fout complètemint, j'arviens à l'recette du lapin j'ai pas core été vire si elle i étot ? quo qui attind Minloute pou l'mette à li l'honneur ! (ch'est un espécialiste) mais SANS POURETTE l'recette, in fera un référendum pour ceusses qui in mette ou ceusses qui font cha nature !

Sur ce j'vous souhaite un bon appétit, j'artourne à min boulot d'guernoule, à l'cuisine après cha in s'in va danser, et p'tête à t'aleure !

Dis Batisse t'as d'si longues orelles que cha que te peux les baisser ? Mi j'baisse em tiete mais j'arrife pas à baisser foque mes orelles.

Matante a écrit:

Dis Batisse t'as d'si longues orelles que cha que te peux les baisser ? Mi j'baisse em tiete mais j'arrife pas à baisser foque mes orelles.

Ah bon? Ch'est un minque t'intrainemint alors... t'essayeras à l'usine l'semaine prochaine in pinsint à mi.

Sale gamine

Bon, j'arcomminche m'réponse à m'copine La Clo au sujet des arcettes à l'pourette de perlin pimpin.

A m'mote qu'elle a été confisquée in route. Si jamais elle réapparaît vous n'd'aurez deux pour le prix d'eune.

Donc je dijos qu'is sont à ch't'heure deux boyaux rouches à cuisiner à l'pourette de perlin pimpin, vu que Marie-Claire elle s'y a mis.

T'as vu s'n'arcette de s'légindaire tarte au libouli? Celle de ch'site-ichi? Je t'arcomminte l'section "crême" d'ùche qu'elle fait un mélinche "au choix" intre cha que s'grind mère elle mettot et 50% de pourette industrielle.

Si jamais un jour elle me présinte de s'fameusse tarte au libouli, je deminte à vir l'poubelle!

Bon, l'section "crême" elle fait se poser des question, mais l'section "pâte" elle n'est nin miux, vu qu'elle "pinse qu'i faut inviron 500 g de farine" et je te passe les détals.

Je ne me rappelle pus de tout cha que j'avos mis dins min messache qui n'a nin paru, mais je sais que cha finissot par: incore eune que s'n'homme i a du mérite.

Donc je vas finir parel: incore eune que s'n'homme i a du mérite! plus l'icône avec les deux tiêtes qui se font des baisses.

pour ech paté ed lapin à minloute faut attinte qui géle dehors, li il fait arfrodir ech paté ed lapin dehors avec einne brique ed dessus ,pour pas que sin cat il minge !

bonjour la clo et meilleurs voeux, ainsi qu' tout l' forum !

Bonne année à tartous.

J'espère que les lendemains d'fête sont pas trop durs.

avec imag up cha marche du tonnerre !!!

Euh...quo qu'i tient dins l'main tin père noël?

[quoteJ'espère que les lendemains d'fête sont pas trop durs.

Mais non Thérèse, in est fin pret pour arprendre el travale d'main avec el sourire et les bonnes résolutions : rin dire et laisser braire à l'usine ! Cha s'ra tout d'même un' jornée "bonne année" ou "meilleurs voeux" quind in rincontrera quiqu'un qu'in avot nin incore vu (in est 160 au moins !!!!!!!)

Mi, à l'époque que j'ouvros à l'fabrique, dins un bureau d'ùche que je ne tenos nin in plache, j'avos un carton plié in deux comme un V à l'invers.

Je le ringeos bin parce que je le sortos au moins eune fos par in.

D'un côté ch'étot écrit "Pareillemint". I étot exposé pindint eune paire de jours à l'rintrée du nouviel an.

De l'autre côté ch'étot écrit "Eustache i est incore eune fos papa". J'avos fait le dessin d'un tiot lapin. Eustache ch'étot min pote avec qui in partageot le bureau.

I n'd'a plusieurs avec qui j'ai partagé min bureau. Le pire - pour nous chefs - cha a été tchand que j'étos avec un boyau rouche d'Hénin-Liétard, ville rayée de l'carte tellemint qu'i avot de voyous là-bas. In a du nous séparer parce qu'in rigolot trop fort et que cha déringeot les Monsi prout prout qui se croyottent supérieurs à nousautes. In fait in ouvrot comme des chefs. Et au prix qu'in étot payés, in avot un rapport qualité prix imbattape!

A l'époque in n'avot nin 30 ins... les années bonheur!

chés des bons ceux d' HENIN LIETARD!
hein Batisse!

T'as connu à Hénin le marchind d'habits qui s'appelot "au tailleur roubaisien" (rin que le nom in savot que ch'étot des gins qui avottent du goût pour l'qualité...). Eh ben min camarate ch'étot un des afants de là. I habite à 500 mètres d'ichi. In se fréquinte surtout tchand qu'in n'a nin l'otile qui faut pour nou bricolache...

Ch'est un brafe garchon pour un boyau rouche

Cha y est m'ar'vlà, j'vous souhaite à tertous eun'
"Bonne et Heureusse année"
J'ai ar'pris mes quartiers, l'pièch' (min bureau) i est débarrassé.
Pou nous ches fêtes cha s'est bien passé, l'premier janvier in a été couché d'bonne heure à minuit et d'mi après eun' boutèle ed roteux et quique pétards comme cha s'fait in Allemane, passe ches gosses is ar'montotent sus Berlin, is sont ar'partis l'premier janvier à 11h et is ont couché du côté d'amon Batisse et cha y est is sont bien rintrés et is ont 15 cm ed neich' à leu maison, aujourd'hui is ont fait de l' luge.

Bref tout va bien et j'espère qui in est autint pou vous.
D'main in ar'print ches randos

J'ai vu que ch'Duc i étot cor ar'queu, faudrot quand minme faire attintion Ch'duc.