2009 est (presque) mort, vive 2010, qu’ chette nouvelle année vous apporte tout ce que vous pourrotes désirer…
. Santé, bonheur, bonne humeur assez d’sous pour en n’avoir core un tiot peu al fin du mos ! ! ! Beaucop d’amis « gratuits » qu ’vous arotes pu apprivoiser sans douleur ! ! ! !
.Merci à note chef bien aimé qui m’a invoyé l’fameux CD d’Jules Ramon et des Ramonettes, sans oblier tiote Bellotte et Loumarcel qui s’sont désistés in faveur d’un tiot viux comme mi..
. (Vous avez vu cha, l’fu d’artifesse qui nous a concocté ! ! ! ! Roger)
……..
.. J’m’atindos jamais à ète dins les tros premiers au concours à Roger mais aveu el pot qu’ j’ai, dins l’fond, cha m’étonne pas.
. Ch’étot avant la guerre (ravisez m’n’ache)…à l’Noel, tous ches école ed Billy étotent réunies dins l’salle des fêtes, cha faijot grandmint d’monte, rin qu’dins m’n’école, i n’avot pus d’quate chints élèfes.
. In rintrant in nous avot donné un ticket, aveu un niméro qui étot destiné à un tirache au sort au sujet des juets qui avot d’zous un arpe ed Noel. Les gosses louchotent d’sus l’premier prix : un train électrique ! ! ! Vous nvous rindez compte, un train électrique….in 1939…pour nous les gosses ed coron, ch’étot un rêfe. un train électrique ! ! ! !
. L’ tirache comminche, l’premier niméro qui sorte, chétot ….l’mien ! ! ! ! j’aros décollé d’em chaisse ! ! ! ! ! J’ai été vite dégraîé comme in dit à Boulonne, l’premier prix ch’étot….l’dernier ! ! ! Un pain d’épices….et in puque..j’aime pas…jé n’aros brai ! ! ! ..
. :cheers:
.

2009 y'est presque mort, in va l'laichi agonir tut duchemint et in va l'veiller.
In est gâtés aveuc tous ches fus d'artifesse. Pourquo qui est écrit '' Claudie'' in dessous du 2010 ? J'sais , j'sus eune guernoules soyeusse ( non Batisse, ch'est nin in pléonasse) mais ch'étot foque pour savoir.
Alors comme cha, not pépépébé y va passer réveillon aveuc les camanettes et Jules Ramon ? Te nous dira quo hein? le chacha sans chichi du chicon? et tout et tout...
Bonne fin d'année 2009 et à l'année prochaine... et surtout la santé hein!

Allez ! j'va veiller avec vous l'fin de 2009 j'chus nin incore comme cha et pinse que j'el ch'rai nin mais in sait jomais. J'vous souhaite tout chin qu'vous voulez pour 2010 mais surtout l'sinté (l'vraie pas chelle qu'in dit in claquant nos verres hein)

A vingt minutes d'la fin 2009, j'vous souhaite à tertous eun' bonne Année 2010, et surtout eun' bonne santé.

Parel: surtout eune bonne santé et eune bonne imbiinche à l'usine, chu le forum et tout partout. Bref, qu'in soche tous aussi heureux que possipe.

Bonne année à tertous et s'femme. J'espère que vot' soirée s'est bin passée et qu'vous avez les ys in face des tros ! Message espécial pour Tiote Bellote : n'tombez pus ou n'arcevez pu rin sur vos guiboles en 2010 parc'que cha fait du mau hein ouais !
Surtout un' bonne santé à tertous d'accord ?

Ej vous souhaite à tertous eune très bonne année 2010 , qu'ale vous apporte la réalisation ed tout c'que vous pouvez désirer et du bonheur mais surtout ed rester in bonne santé
ch'est drole y a pas grind monte ech' matin such' forum

Ouais, à l'heure que t'écrivos, cha faijot au moins eune heure que j'arwettos min rével de timps in timps in dijint "allez, incore chinq minutes...".

Et cha a incore duré eune heure.

Quo qu'ch'est qui vous prind de vous lever si bonne heure un jour parel? Que des guernoules in puq. Ch'est nin des problèmes de prostate....

eune bonne et heureusse , eune longue et vigoureusse....
bonne année bonne santé pis des sous plein ch'porte monnaie....
bananier bonne santé....
beaux nénés bonne santé....

quejichez chelle qu'vous voulez, passez un bon nouvel an , armettez vous d'vos excés, et bouillon d'légeumes pou tout l'monte aujourd'hui
pou ché affamés, in pourra trimper eune biscotte (mais sins burre hein!!)

ej vous souhaite eune bonne année à toutes et à tertous et selon el formule consacrée:surtout la la santé. et granmint ed bébés pour ché garnoules bien que la pus part d'intre elles ont passées l'age

Bonjour tertous, j'vous souhaite inne bonne et heureuse Année, surtout bonne santé.
s'matin j'ai maux à mes pieds car j'ai bin dansè s'nuit.Alors in s'arpose
et in tiot peu diète cha va faire du bin :geek:

A min tour, j'viens vous souhaiter tous mes bons voeux, santé, longue vie sul'nouviau site , avec toudis pleins d'rigolades, d'anectodes de notre région 62/....et du 59 !!

bon bin mes gins, j'vas pas ête originale, toni et mi in vos souhaite eune BONNE ANNEE et surtout eune BONNE SANTE
nos in a bin comminché l'année in acoutant c'midi l'concert du nouviel an à l'télé, in avot mis l'son de l'télé su les enceintes dins l'salon (in a eu eune tiote pinsée pou Batisse )....... in avot du mette in peu fort car in a même pas intindu l'téléphone sonner, ch'étot min grind qui voulot nos présinter chés voeux, i a rappelé in tiot peu pus tard in s"moquant d'chés parints qui voulottent faire comme les jones et acouter in concert à fond :geek:
mais par rapport aux autes années in étot frustré car intre chés côtelettes à toni et m'gampe in a pas pu valser comme in aurot voulu, mais ch'est que partie remise, in va quind même pas s'laicher abatte pou si peu
bon asteur in va mette chés dogts d'pids in évintail et finir l'jornée tout douchemint, comme elle a comminché

I a incore du mau à ses cotelettes Toni?

Mais ch'est nin possipe cha, te dos buquer dessur!

Bon, mi je va faire un tiot peu original in prenint un tiot peu d'avinche:

JOYEUSSES PAQUES MES GINS
et duchemint chu le chocolat, i faut d'abord s'armettre des réveillons

Bonsoiir Batisse té treufue pas que té i va in peut fort? si cha s' terufe d'ichi ech' temps la in s'ra tous morts .pourquoi pas eune bonne année 2011 tant que té i est!!!

Tous morts? Ben alors je ne chus probablemint le seul à y aller fort

Et Pâques ch'est seulemint dins 3 mos. Te verras tchand que te deviendras moins jone... le timps i passe de plus in plus vite garchon.

In est là qu'in fait de voeux "globaux" pour l'année. Je ne vos nin pourquo qu'in ne pourrot nin insister chu un détal in particulier. Surtout que Pâques ch'est rudemint importint pour eune masse de guernoules: elles font lu grind nettiyache et elles arsortent lus rhabillures à fines bertelles de lus armoires.

erj plaisantos Batisse,.quand aux garnoules qui font el nettyache ...i z'in profitent pour in faire autant dins nos placards pendant qu'on est pas la.et l' lend'main si té veut un pull ou eune maronne té peut toudis cacher après..

meilleurs voeux et bonne année 2010

Vinguette, ch'est court comme messache Ch'duc

Si que te nous donneros des nouvielles de t'santé? J'espère que cha va miux, à l'fos pour tisaute et pour t'femme et que 2010 laissera des bin meilleux souvenirs que 2009!

Les espoirs ch'est eune séquo, mais si que te pourros nous donner des nouvielles fraiches ti-même, cha serot grammint miux!

Allez, à plus garchon, et ne fais nin trop de folies de tin corps!

bonsoir batisse ,pis les autes compagnons, brigitte el est rintrée lundi,,et mi cha va va à peut près ,à part hier ,soir, , ej me sus ramassé ,din ches marches ed cave, et j'ai maux à min bassin ,mais cha va, in peut mius ! faut dire j'avos bus deux verres ed roteux pis in wiskie !!

Bon, ch'est l'occasion aussi hein... et pis te ne devos nin conduire pour rintrer à t'majon.

J'espère foque que t'as rin de cassé. Te dos comminchi à être connu par ch'radiologue tisaute

Bon, allez, soigne te bin, ou plutôt soignez vous bin tous les deux, et que d'ichi eune paire de mos in vous voche faire du foutisme insonne dins le quartier!

Bonne Année à tertous, santé surtout.
vlà inne formule que j'ai querre :

Que tout ce qui est arrivé en 2009, soit comparable au pire à venir en 2010 !

Oh, evlà La Clo, qu'in ne vot nin assez souvint à min goût.

Aujord'hu in tire les ros. Je te souhaite d'avoir l'fève. Chez nousautes, pour les ros, le ro ou l'reine i se choisissot des fous et tout cha mais eune séquo qui étot surte ch'est que ch'étot nin li ou elle qui faijot l'vaisselle.

Alors je te souhaite eune journée sins vaisselle. Et pis tout plein d'autres tiots bonheurs comme cha à nin cher.

A tous les autres aussi hein, mais ne comptez nin chu mi pour aller faire l'vaisselle chez tertous

salut Batisse, j'avos bien des russes avec m'n'ordi, inne fos qui a été réparé, ben comme i marchot bien, je n'l'avos pus souvint, y avot toudis quequ'un qui étot scotché ed'sus.
Pour arvenir à l'vaisselle, ben si ch'est inne corvée de l'faire, après avoir eu beaucoup d'invités à l'tabe, quand in arfait inne tiote vaisselle pour deux , cha devient un plaisir, ch'est l'comble !

cha y est, in arqueminche comme au bon vieux temps, ichi ch'étot l'rubrique "bonne année", et nous arvlà arpartis dins l'vaisselle!
in va s'faire tirer les orelles