Je vos que PPPB i passe tout sin alboum animalier chu les inclassapes et qu'i a arrivé au goéland. Cha m'a fait pinser que cha fait un momint qu'in n'a nin vu nou Lili malouine nationale.

J'ai vérifié à l'météo: i n'a nin eu de vint de sot dins le secteur de Dunkerque. Elle a donc nin du s'involer vers les flaminds.

Quo qu'ch'est qu'elle fabrique incore cheule-là?

L'dernière fos qu'in l'a vue, elle discutot avec s'n'homme:


Elle a du arrêter à ch't'heure. Ou alors elle n'a pus de vox.

Lili, si que te m'intinds, rassure nous. Siouplait.

P'tete qu'elle n'a pas l'nouvelle adresse et qu'elle s'artrouve toute seule su' l'aute forum, el jaune marqué "Au Nord" ?

l'aute jour dins l'poste is ont fait vir les gins qui s'baignottent l'31 décempe à dunkerque dins eune ieau à queque degrés............. pet ête que lyly elle est toudis in train d'nager.... in a vu eune guernoule avec in bieau maillot d'bain rouche ch'étot pet ête lyly ?

Eh beh, si que ch'est le cas elle dot être in foufelle, in train de se poser des questions chu le pourquo que tertous i est mort.

Attinds, je vas aller vir de l'autre côté, pour la rassurer, évintuellemint.

Elle dot être in train de braire assisse dins le sape avec sin portape.

Du sape tout fraique, que cha va la mouiller jusqu'à... au moins!

Ah! sin maillot de bain rouche à Lili... i est réputé dins le secteur.

Ouais Tiote, cha dot être cha. Elle a pris un bain dins de l'ieau avec des glachons.

I parait que ch'est bon pour les tototes, mais ch'est des cops à claquer du bec pindint des jours cha... cha te fait euen bielle guimpe d'avoir des belles tototes si que te fais peur à tertous et que t'es ingelée de partout.

Parce que, hein, les guernoules, in ce qui concerne les extrêmités frodes, i a nin pire que vousautes...

Nan, j'allos dire eune bêtisse...

soit qu'ale est resté d ins sin lit ou partie danser el rock and roll .

Ben non, l'autre bistrot i est tout vide. I a pus rin...

Roger, t'es sur que te ne l'as nin inserrée à l'cafe avec les boutelles vides et les araignées sins le faire d'exprès?

A m'mote qu'elle t'in voudrot si que t'avos fait cha.

Surtout qu'elle étot inscrite au bain de mer de Malo.

"Mais bon dieu, mais ch'est bin sur", comme i dijot l'inspecteur Bourel dins les dernières chinq mineutes... je sais d'ùche qu'elle est Lili... elle s'a offert un cadeau dont elle rêve depuis des mos et des mos.

N'avez nin eune tiote idée vousautes?

Parce qu'à bin observer, i a nin que Lili qui est anormalemint discrète... i a sin complice aussi: Marcel, ouais ch'ti des miches à s'boulingère!

Rappelez vous - toudis comme is dijottent dins les dernières chinq mineutes - ch't'été, tchand qu'i faijot caud et que sin esprit écauffé i faijot eune fixation chu les mollets à Marcel, qu'elle appelot même "sin" Marcel. Même que sin JJ i m'avot un jour téléphoné pour qu'in trouve insonne des solutions pour qu'elle arrêtre de li tripoter ses guimpes pindint l'nut in l'appelint sin rang d'honneur à sa mémère, vu que cha l'impêchot de dormir.

In n'avot rin trouvé pour la calmer! Pourtint, ch'est nin les bonnes idées qui minquottent, z'avez qu'à li deminder à sin JJ.

Eh ben je chus sur que pour sa Noël elle s'a offert un visionnache in direct des gros mollets à sin Marcel et qu'elle est nin incore rintrée, qu'elle in prind plein ses mirettes.

Et comme sin lordi à Marcel i est toudis in panne, is sont muets tous les deux.

Valà valà valà.

A m'mote que j'ai bon. Quo que vous in pinsez vousautes?

lyly , al à mis sin bieau capieau ed paille qu' al avot aquaté avec tiote belotte l'été passé, pis sin maillot ed bain avec des mouettes ed dessus,al étot sur la voix du nord !!

sur el plage ed malo, in train ed donner à minger à ches mouettes avec einne louche, j'ai el photo mais j'arrif pas al mette, escuse me lyly ,mais fallot el dire !

Ah ch'duc, là i faut que te fasses un effort! Eune photo comme cha, cha dot être vu par le monde inti et le monde inti, i comminche ichi.

Allez garchon, in compte chu tisaute.

Et Annie dù qu'ale est passée
Ch'est vrai cha, y a deux jours ale étot infreumée dins l'incien forum , Roger i y avot j'té des clefs pour sortir mais edpis in sait pas si qu'ale s'in a sortie ?

T'as raison, in va devoir faire l'appel.

Sinon in pourrot être accusés de non assistince à personnes in dinger.

Te nous vos in prison? Is nous foutrottent déhiors tellemint qu'in fout le brun. Infin, j'in connos d'autres aussi hein... et là mes ys is vont dins tous les sins autour de l'France intière.

Cha fait du mau!

Ouais mais cha va ete difficile, faire l'appel such'forum si qu'ales y sont pas in va pas in sortir, dù qu'in peut les treuver ?

Elles ne sont quind même nin toutes avec Marcel?

Ses orèles alles dotent chiffler à Lyly, alle dot avoir ed sacrès acouphènes....Rigolez pas comme cha vous-autes, alle est pè tète congélée qins s'n'auto qui fuyot comme eune manne ! ! ! ! In intind dire " sortez couverts, sortez couverts " Mais faut pas qu'el capote alle soche troée ! ! ! Ch'est pétète aussi sin PC qui a pris un cop d'gélée ! ! ! !
. Al arviendra au printemps quand qu'cha dégèl'ra.....
...................J'va arcacher les mouettes à Lyly.....