500 messages

50 ans

5 janvier

Citation :

Quind j'ai ouvert l'sujet j'me sus dit vinguette i a d'jà tros paches !!!

Même réacrion d'ti tiote!!
ch'est un rude farceux min flersois
un joyeux Anniversaire Merilou, 50 ans, ch'est eun' bel âge cha!!!
J'te souhaite de passer eun' bonne journée.

flersois a écrit:

500 messages

50 ans

5 janvier

Ch'est vrai cha... incroyape énon?

In puq in peut rajouter qu'elle a 5 dogts à chaque main et à chaque pid et qu'is sont 5 à s'majon.

Cha fait 50 dogts et 50 arpions...

y'est cor l'heur.....ouf!
bon anniversaire tiote....t'es pon d'service au moins?

D'après un messache qu'elle m'a invoyé ch't'au matin chu m'boîte à émiles, si, elle dot être de service.

Is y aront bin fait eune tiote fête à s'n'usine aussi j'espère!

ouai is vont l'déguiser in momie,avec tous ches bandaches...

A m'mote qu'elle est catouilleusse... is vont avoir de l'misère.

D'autint qu'elle a un rire à réveiller les morts....

hé bé mes gins , à peine el timps de rintrer d'l'ouvrache que j'vos tros paches ed Bon anniversaire Mérilou!
Bin ouai, me vlà quinquaillegénaire à ch t'heure...
J'va lire trintchilmint toutes vos cacoules et j'arviens... promite!
In tous les cas, j'vous dis à tertous un GRIND MERCI, cha faut tout caut à min tchoeur d'cominchi l'deuxième mitin de m'vie aveuc tint d'amitosités.
Vous m'êtes précieux!
A ch't'heure j'va lire
A tout à l'heure

Excusez mi , mais j'avos oublié que j'étos amnésique! ( ch'est t'eune citation des shadocks... pour les ceuss qui ont connus c't'époque... c'est à dire tertous ichi!)

Bon alors pourquo que j'm'excusos d'avir oublié que j'étos amnésique? ... ha oui, in lisint l'début, j'étos toute gaite .. et pis j'ai gratté à m'tiête en ravisint que ch'étot un mercredi 5 janvier.
'' Quo qu'ch'est que c'dallache?'' que je m'suis dit in grattint à m'tiête, en principe mercredi je n'devos nin aller oeuvrer et pourtint j'étos à l'ouvrache aujourd'hui et personne y m'a dit '' Allez rinte à t'majon, ne fais pos d'zèle pour eune fos(!!!)''
Cha n'est qu'après que j'm'ai dit '' j'ai déjà intindu cha queqe part'...et pis tchin que j'ai vu mes réponses, j'ai eu les ys tout berlous et m'bouque ouvert...
Je m'sus dit '' hé bé à peine quinquaillegénaire et déjà atteinte de l'maladie d'eisenhower !''

Binde ed moqueux d'gins allez!

Tout cha pour dire un grind merci.
In va suremint fêtre cha aveuc un gâteau ( l'eternelle galette des ros de m'n'anniversaire qu'in minge in cantant '' Un ptit beurre des touilloux'')
Aujourd'hui y'a foque em m'n'homme et m'file et pis demain j'oeuffe et après in a un WE ed libre.
Min grind garchon y'est à Lyon ( d'ù ch'est qui prévoient l'tempête force 3... acroche te à les branques et à t'carette à afants hein Tiote Bellotte ! In verro pleumette dins les nuaches qu'in s'déméfierot nin)
Min aute garchon y'est parti in guadeloupe in oeuvrint sur un voilier et à ch't'heure y'est des fos boulinger pindint l'nuit et sur un chantier naval pindint l'jour et pis y minge des nox d'coco.. autint dire qui est loin d'venir fêter min l'anniversaire... et pis y reste l'tiote lyceenne.
In verra cha plus tard... pour ce soir in a déjà bu l'apéritif.
J'va nin brûler m'guiffe sur les candelles ce soir.
Min tchoeur y cauffe à tous vos messaches...
J'ai même vu l'choeur aveuc eune fleche invoyé par flersois!

MERCI à TOUS

Et in n'a nin oublié que l'année de t'naissance in intindot cha !

J'entends siffler le train.

Mi j'ai pas intindu ch'train siffler et ch't' année j'ai raté l' départ pour t'souhaiter un Bon anniversaire Mérilou .
J'te fait quand minme gramin d'baisses pou m'rattraper.

Merci à tertous, y'a nin d'problème, même aveuc un tiot peu d'retard, j'arçois tes baisses Loumarcel.... Si in rmet cha dins 1 in aveuc un copié collé des dernis sujets anniversaires 2011 et 2012.. cha va ête long!

bonjour Mérilou .
Un tiot peu artard, j't'souhaite un joyieux Anniversaire
accompagner de mille cadeaux.
Grosses Baisses.