Comme i fait pas bieau fot bien occuper ches tiots.
Alors in a arsortis le jeu des tiots bidets. Que succès avec cha !
Et pis je n'savos pas si cha allot plaire ou pas j'ai appris à m'tiote file à faire du tricotin.
Tous leurs jeux à l'mote ale a presque pas juer avec.
In a queminché par l'tricotin, pis apprinde à coude un bouton, et pis à faire du canevas, pis à faire des pompons.
In a du arpartir pour acater des fournitures, y avot déjà pus d'laine.
in a fabriqué un bracelet, un chou chou pour tresser ches longs cheveux, un collier.
J'ai même arpris mes aiguilles à tricoter pour faire un bonnet à l'poupée. C'qu'in peut arriver à faire pour ches tiots.
Ah croyez me cha nous sort ed'note train train.

C'qui m'a étonnée, ch'est l'curiosité del tiote devant l'boîte à boutons.
J'm'arsus vue toute tiote. Mi aussi j'ai passé des heures chez m'mémère avec tous ches boutons ed toutes les couleurs étalés sul tape.
Comme quoi cha intéresse toudis ches tiots.
In cachot d'jolis boutons pour accrocher sur inne chainette ed tricotin.

Si qu'i a un chimpionnat des meilleures mémères du monte, te mets l'barre haute ti in dirot...

Ch'est bin tiote!

ah, mi aussi je n'd'ai passé des heures à raviser l'bote à boutons de m''maman qui faisot gramint d'couture pou l'famile et pou les gins qui voulottent
quind j'ai comminché à vider mes placard in vue des travaux, j'me sus surpris à ouvir m'bote à boutons (bin tiote à comparer de cheule de m'maman) et j'étos émue, faut y ête bête !, faut dire que j'fais pratiquemint pus d'couture, à part rimplacher un bouton d'timps in timps, mais j'ai toudis garder tous les boutons que j'pouvos treuver...
in tout cas t'as raison la clo d'moutrer cha à t'tiote file, cros me ch'est un souv'nir qui restera gravé...

Comme quo... in brait toudis tchand que le timps i n'est nin bieau et ch'est pindint ch'timps-là qu'in fabrique les plus bieaux souvenirs.

Réfléchissez bin, ch'est vrai...

quand que m'maman al' est morte j'ai d'mindé à mes files si qu'all' voulottent quedcosse d'leu mémée, m'n'aînée, tout d'suite all' a dit:"sa boîte à couture" aveuc ché boutons, ché firlipipis qu'in n'savot jamais à quo qu'cha arot pu servir, pis quind que j'su allée in Bavière ch't'été, j'ai arvu l'boite à couture de m'maman amon de m'file, cheule boîte là, ché eune voyageuse, all a quitté NEUVILLE VITASSE dù que je l'ai connue toute tiote, all a arrivé à ARRAS pis all est partie à MARSEILLE , achteur in BAVIERE, pis à m'n'avis que ché pon fini!!
pour m'mère qu'all a jamais sorti d'sin treu(sauf un voyage à Lourdes que j'y avos payé, bien que j'étos eune païenne comme all' dijot) cha y fait des voyages par procuration!!

L'boîte à boutons!!!
ya de sacrés souv'nirs la d'din

j'ai mis un poème "La boîte à boutons"sur l'coin des artistes et vous pouvez même écouter l'son

Et salut grind chef à pleumes! Te vlà arvénu de congés?

T'étos in mobil home?

A m'mote qu'avec le timps qu'i a fait t'es nin bronzé tout partout...

batisse

Citation :

Te vlà arvénu de congés?

Mais j'nai nin bougé de mason Batisse!
j'sus chi prisonnier.
ch'est ch'premier week end que j'vas partir...
mais j'cros nin que j'vas in profiter gramint,ya d'l'ouvrache qui m'atteint là bos, tondre ch'gazon,couper chés haies,etc...
j'cros que j'vas arvinte tout cha...

Oups! Pardon grind chef à pleumes... Mais vu que t'étos incore plus discret que d'habitude, j'ai vraimint cru que t'étos parti in vacinches dins eune zone d'ùche qu'i a nin d'internénette.

Mais là cha y est, te vas y aller? Foque pour un ouaiquenne?

J'espère que si que te minges des moules t'aras eune pinsée amiteusse pour certains

.
Au Moyen ache, quand qu'i faijot bieau, cha arrife, in mtot eune couverture d' sur les pavés et un juot aux cartes dehors tout l' près midi. Comme un n' avot pas l'drot d'juer pour des sous, in juot pour des....boutons. J' avos rimpli l' tiroir d' eule machine à queute à m' mère d' boutons.
...... J' ai eune chance eude... co... co... coucou aux cartes ! ! !
. In a soffert dins nous corons ! ! !

ouais pépé chés boutons pouvotent servir à gramint quosse!

Citation :

J'espère que si que te minges des moules t'aras eune pinsée amiteusse pour certains

j'attinds nin d'aller là bos pour in minger!
j'in ai mingé hier
cha fait deux mos que j'in minge au minimum eun' fos par semaine.
ch'est pleine saison, j'in profite...

dis me pépé,din tin coin i dot in avoir des moules,té connaiss'rot nin in bon coin pour aller in ceuillir?

Bonsoir, j'ai invie d'inne moule frite...Ej sais pon pour quo...
Bonne nuit....

T'es inceinte?

Bonjour chef, les meilleux moules du coin sont intre Equhien et Outreau, au cap d' alprech.
. In venant d' Equhien, printe l' quémind' juss d' vant Alprech Filet. Pé peux pas l' rater. Au bout, i a eune falaise, té peux descinte facil'mint jusqu' à un gis'mint inépuisape d' moules.
. Alles sont très bonnes, i n' a pas d' sape eude dins.
. Té vas passer d' vant l' terrain qu' les joyeux modélisses is invotent du balsa in l' air. Spectaque gratuit...
. Préviens me si té pour vénir, j' sérai la ! !! Ch'est mi l' chef sans pleumes.
A plus.
. Si t' as pas l' timps d' in cueillir, i a des pétites gins d' la mer d' in bas qu'is in vintent pas quères du tout dins Equhien.

J' fayote pas , si qu'i n' da un aute qui vient, i peut prév'nir aussi, i séra bien archu , même si qu' ch' est pas un boyau rouche, in n' est pas racisses du tout ! ! !

tertous
J'connos ch'coin la,j'ai déjà était in ceuillir,ch'est vrai qui sont bonnes,j'sais nin si j'arais l'temps de y aller ch'week end,
mais au mois d'septembre j'y artournerais sur'mint,j'te ferais signe.
merci pépé

Allez, je le dis avint la Clo: in a réussi à dériver de sin sujet chu tricotin pour arriver jusqu'aux moules à minger.

Tcheue binte de gueulards in fait.

Au fait, des idées pour le minger d'à midi?

eune tiote salate d'tomates du gardin, avec basilic et oignon rouche ? ah non !! ch'est vrai !! j'oblios qu'tin gardin ch'étot désolation et cruaud !

.La oü a des moule ! ! Et des bonnes ! ! !


Vue, vers le Nord, Le Portel


Un cueilleux d' moules ! ! !


L' gis'mint, un sintier permet d'deschinte

. Cap d' Aplprech à l' frontière intre Le Portel et Equhien. Vue, vers le sute, vers Equhien, du qu'i y a "les quilles in l' air"

Question:
Qu'est c' qu'in gane aveuc nos points ? ? ?

. A Wissant i avot un tiot troquet du qu'in pouvot minger des moules frites. Al cour i avot un écriteau:
"Mingez des moules, vous arez un estomac in fer ! !"
. Faut l' fier, pardon l' faire.
...................
In sort pas du sujet, pindint qu'les z'hommes is cueilltent des moules, ches finmes alles peuvtent faire du tricotin d' sur l' plache jusse à côté ! ! !

tiote bellotte a écrit:

j'oblios qu'tin gardin ch'étot désolation et cruaud !

Mauvaisse linque! Min gardin ch'est pus désolation et cruaud. Ch't'année ch'est tapis de fleurs. A preuve, eune photo prise exceprès pour vousautes, i a quelques mineutes.


Bon, i a aussi du cruaud mais ch'est nin cha qu'in vot in premi...

Finalemint je vas minger des spaetzle fraîches, du boutique, avec un bistèque haché que j'ai vu qu'i reste au congélateur.

J'ai vu aussi qu'i reste des tripes au congélateur.... vous pouvez pinser à mi ch't'au soir! Avec des frites Hmmmmmmmmmmmmmm batisse i va faire eune chère de ro!

bin mi, c'midi cha s'ra un verre d'ieau, pis ch'est toute !
comme eune andoule, c'matin j'me sus installée dins min bureau à l'étache sins prinde ne serait-ce qu'eune pemme et l'carreleur i est in train d'faire les joints du carrelache dins l'intrée au bas d'l'escalier, donc j'sus bloquée, j'peux pas accéder à min sous sol d'ù qu'in a mis l'frigo.... in pus c'matin j'ai foque pris un yaourt et eune jatte d'jus !
faut y ête bête quind même de s'faire avoir comme cha !!

si vos intindez des gargouillemints, ch'est min vinte qui crie !
l'seu point positif ch'est que cha f'ra du bin à mes bourrelets...

batisse, ché cha que j'veux méte dins min gardin, des fleurs des camps mélingées à ché pichaulits, qu'in n'a qu'à laicher pousser
quand qu'ché qu'te sémes cha?et cha r'pousse eune année sur l'aut' o bin faut arcommincher chaque année?