In est allé vire l'film "qu'est ce qu'on a fait au bon dieu". Un bio momint d'rigolate. Tout l'monte i in prind pour sin grade, religions, origines, vraimint j'cros que ch'film là i va faire un carton. In plus i avot dins l'salle eune femme qui avot un rire communicatif, j'n'ai brais d'rire. 
Voilà ch'étot m'minute "sortie et loisirs du week end"
A plus

J'viens d'vire que j'ai pas écrit l'texte dins l'bonne rubrique.

Chef vous pourriotte pas mette cha dins ch'est histoire ed dire

Merci d'avanche

Ch'est vrai que les rires communicatifs au cinéma, ch'est eune séquo. Tcheu plaiji tchand qu'eune partie du pestaque elle est dins l'salle.

la clo a écrit:

J'viens d'vire que j'ai pas écrit l'texte dins l'bonne rubrique.

Chef vous pourriotte pas mette cha dins ch'est histoire ed dire

Merci d'avanche

ch'est nin l'chef la clo, mais l'cheftaine qui a armis tin sujet dins "histoire d'dire", l'chef i est bin occupé in c'momint avec des filmaches et montaches d'films sins compter sin gardin et autes séquos qui font que pou li les jornées n'sont nin assez longues !

In tous les cas t'as fait là eune bonne pub et ch'est vrai que cha m'donne invie d'aller vir c'film, d'jà quind j'in ai intindu parler à l'télé l'aute jour j'me disos que cha devot ête drôle....

Ah les rires communicatifs, ch'est une séquo cha ! j'ai eune copine qui a un rire très particulier, tonitruant et communicatif. Eune fos in étot au théâtre l'même soir, sins savoir qu'in avot pris des plaches l'une l'aute et d'un cop j'intinds un rire que j'étos sure que ch'étot l'sien.... même l'acteur su scène i s'a mis à rigoler.... du cop à l'fin de l'pièche j'ai attindu dins le hall qu'elle sorte pou y dire bonjour, et là alle me deminde si j'l'avos vu dins l'salle pace que elle, elle ne m'avot nin vu, bin non que j'y ai répondu, j't'ai intindu rire et j'savos que t'étos là !    

Et in plus aujourd'hui, ché l'journée mondiale du rire      

Dins l'temps in dijot " Alle a un rire à mète in canette"

         

pépéPéBé a écrit:

Dins l'temps in dijot " Alle a un rire à mète in canette"

         

     oué o disoé étou : al' a un rire o diroait un sac ed'noix qui dévale du 7 éme