Ch'est peut-ête parler pour rien dire,mes gins , ch'matin in respire un tiot peu mieux !
Que caleur hier ; in a cru avoir un tiot peu d'fraîcheur in allant près d'un lac, même là in dégoulinot d'sueur ! in s'a assis et in n'a pas bougé.
Heureusemint dins l'nuit y a tombé trois gouttes ed pipi d'cat !
mais in a pas ch'vint d'sot qui étot brûlant hier !
Déjà qu'toutes ches fleurs ale z'ont soif, mais ch'vint i a fini d'cuire l'restant.

J'ai m'fille qui est din tin coin in vacances,m'a téléphoné,elle devot visiter quéquosse,elle a arnonché par rapport à l'caleur,et i zont resté au frais à leur chalet.

Par ichi in peut visiter des caves... ch'est intéressint... à part pour l'victime désignée pour conduire!

ichi aussi i a fait un vint d'sot, pis c'matin i a plu, mais asteur l'solel i est arvenu !
ch'est vrai que les fleurs cheule année alles sont pas terripes, j'vas pet ête imployer Batisse comme jardinier, li i réussi bin sin cruaud au mitan queques fleurs champêtres, finalemint ch'est pas vilain et i a pas d'entretien !

c'matin j'sus allée ramasser les tomates et les courgettes -z-avez armarqué que cha grossit à vue d'oel chés courgettes ! je n'd'avos oblié eune, un vrai gourdin, j'auros pus assommer quequ'un avec ! - bref, pou aller au gardin j'infile mes cauchures in caoutchouc et là j'sins quette cosse d'gluant et d'mouillé su mes ortels, beurk beurk ! ch'étot un caracole qui avot sins doute été faire eune promenate après la pluie et qui ch'étot mis là pou faire eune tiote sieste, sins doute !
bon j'me sus dit que j'sintos pas trop des pids si l'odeur n'déringeot nin les caracoles...

Ou alors i a de l'sinusite....

In fait cha aime l'odeur du feumier ches bestioles énon?

Infin, je dis cha, hein...

Ouais, ch'est nin que des bonnes nouvielles ch'timps à pleufe et à caleurs passagères... le gazon i pousse!

Cheule nuit je faijos ronron dins min lit in intindint l'pleuve qui tchéyot. Je me dijos in mi-même "acoute garchon, t'n'excuse pour nin devoir tonte tin gazon elle est in train de s'installer...".

Ouais, ben i ne pleut pus! Je sins que je vas être obligi de m'y coller ch't'aprèm.

Mais je vas incore laichi leu chince aux gros nuages gris que je sins qu'is approchtent....

batisse a écrit:

Ou alors i a de l'sinusite....
In fait cha aime l'odeur du feumier ches bestioles énon?

j'arsors min carnet à margnouffes ! : batisse, eune crox !


batisse a écrit:
Je me dijos in mi-même "acoute garchon, t'n'excuse pour nin devoir tonte tin gazon elle est in train de s'installer...".

j'ai un ami qui crot que toutes les guernoulles alles ne sont heureusses que quind alles ont un ramon ou eune berlouffe à poussières dins leu main (pfff!!!) bin mi j'croyos que tous chés hommes étottent contints quind is pouvottent bricoler et faire vir à tertous qu'is ont de l'force dins leu' biceps
conclusion :
faut pas croire tout s'qu'in raconte

Quo qu't'as comme tondeusse tisaute?

Mi je n'd'ai eune vielle, mais elle a ses roules qu'elles tourntent commindées par le moteur. I ne faut nin des gros bras pour la suife... et elle se met facilemint in route.

Cha, par contre, ch'est un imminse progrès: eune guernoule elle met cha in route sins aucune difficulté.

Après i n'a qu'à marcher... Incore un traval de garchon que les guernoules elles nous fauchtent.
Alors que nousautes in n'est nin comme cha: elles aimtent lus berlouffes et lus wassingues? Eh ben in lu laisse! Pffft comme elle dit l'autre!

J'ai noté pour l'crox dins tin carnet. Je m'y attindos te sais.

Même nin peur

bin mi min homme i a quer s'tondeusse, alors j'li l'aisse, i vient d'sin acater eune bielle rouche (in dirot eune ferrari !!!! sic !!!) alors j'voudros pas l'priver ! i paraitrot qu'elle est formidape !
in a jamais intindu eune guernoulle dire que s'wassingue alle est bielle et qu'cha arsonne à un voile d'princesse ! pis in la montre pas nin pus à chés copines, alors que dès qu'in parle nouvielle tondeusse i a chés copains qui demindent des tas d'renseignemints et d'la vir !!!....

Wette l'autre ichi! Elle dot à ch't'heure avoir un nez qu'elle peut y mettre chinq paires de leunettes.

I a qu'à ouvert un sujet chu, par eximple, le lavache des peintures de portes, des carreaux, du pavé, du linche, des bas nylon ou tout cha et te vas vir si qu'i n'd'a nin qui vont arriver avec lu matériel qui est miux que les autres.

Je ne te parle nin de l'cuisine au bain marie...

Je me deminte des fos si que t'es nin de mauvaise fo exprès!

Bon, ben j'ai pinsé à m'mère ch't'aprème...

Toute m'vie je l'ai intindue dire qu'i a que de l'veine pour les crapules. I n'd'a ichi des qui peuvtent confirmer, cha qui est de toutes manières inutile vu que je ne raconte jamais de cacoules.

Bref, finalemint vu que les nuaches is avottent l'air d'avoir peur de min tot, j'ai pris min courache à deux mains, m'tondeusse de l'autre (ch'est eune rouche aussi mais pour rester dins l'comparatif avec les autos de course, l'mienne elle arsonne plutôt à eune vespa 400) et j'ai tondu.

Eh ben à l'mineute que j'avos fini... i a pleu! Et à ch't'heure le ciel i est noir comme un café bin tassé, à la Mérilou.... Là à m'mote que ch'est parti pour du sérieux.

Infin bon, ch'est fait pour le gazon. D'ichi bétôt l'tondeusse elle va servir à ramasser les feules mortes. Je ne sais nin chez vousautes, mais par ichi - pis ailleurs - in sint que les arpes is n'ont pus grammint de forche pour arténir lus feules. I n'd'a des qui tchettent.

batisse a écrit:

j'ai pris min courache à deux mains, m'tondeusse de l'autre

bin mi j'note que Batisse i a tros mains !!! armarquez ch'est pratique i peut tenir eune berlouffe à poussières, un ramon et eune wassingue in même timps..
et quoque cha donne au niveau des pids ?

bon in parlant d'wassingue j'm'in vas faire min samedi (bin qu'in seuche venderdi !)

tiote bellotte a écrit:

bon in parlant d'wassingue j'm'in vas faire min samedi (bin qu'in seuche venderdi !)

Tchand qu'in aime, ch'est comme l'ju, in devint vite dépindint...

Vlà nou tiote modérateusse verte addicte. Eh beh tcheu malheur.

Mode sérieux ON. Au sujet de l'addiction, je voudros vous deminder un service...

Ch'est nin grave, mais cha me turlupine.

Pour nin faire de faute d'orthographe, j'ai été cachi après le mot addiction dins min dico. I n'y est nin, pourtint vous pouvez me croire, j'ai cachi toutes les formes possipes. Finalemint, je l'ai trouvé chu le net.

Min dico i est grammint plus jone que mi. Ch'est un "dictionnaire Hachette de la langue française" achevé d'imprimer à Evreux, à l'imprimerie Hérissey, 4° trimestre 1980.

Ch'est min seul dico. Et je voudros savoir si que le mot addiction i est dins vous dicos à vousautes, qui serottent évintuellemint plus jones.

In d'autres termes, cha serot-i un mot nouvieau... gobé par l'lingue frinçaisse in vénint tout drot de l'inglais, alors qu'in crorot qu'i a toudis existé chez nousautes?

Ou ch'est Monsi Hachette qui l'a oblié in route? Et addicte aussi par l'même occasion.

J'ai été vir dins min dico inglais... pour addiction (in inglais) is traduistent dépindinche. Jamais le mot addiction n'est cité in frinçais... I est de 1993

Dins min dico 2000, i est mis qu'ch'est un anglicisme raremint utilisé pour toxicomanie.

Raremint impoyé? Commint que je le connaîtros alors?

Et pis l'addiction au jeu ch'est nin de l'toxicomanie. Si?

Si qu'in ne peut pus faire confiinche aux dicos, d'ùche que ch'est qu'in va?

ouais mais i a dix-z-ins d'cha ! La mote elle a cangée, in imploe des nouviaux mots astheure

V'là un liff' qui parle des addictions :

et v'là l'définition médicale

Au sujet d' tous vos messaches.
. J' peux vous assurer qu' ar ichi i n' a personne qui a eu eune insolation pindint l' mos d' Août...Pindint l' mos d' Juillet, ch' étot l' séqueresse ! !
. Heureus'mint qu' j'ai un puche et eune pompe ! !
. Un drôle d' été in vérité ! ! ! Les "esquivants" n' ont pas fait l' cop ch't'année ! ! ! ! !
. Comme tondeusse, j' ai eune tondeuse autoportée.....assis la s' sure, té t' promènes sans douleur dins l' terrain ! ! ! Avant aveuc l' ancienne tondeusse , l' tonte cha prénot eune allure d' course à l' échalotte.
L' important ch' est d' conserver s' santé et d" avoir l'moral ! !
. ......que dalle