Cha m'a foutu min moral raplaplat.

Mardi derni, je chus passé in caméon intre Bruay et Divion. In fait je m'ai gouré de sortie à un rond point et je m'ai artrouvé dins Bruay. Ch'est moyennemint touristique et cha ne vaut nin le détour....

Bref, à l'sortie de Bruay, in passe dins eune zone d'ùche qu'i a eune masse de majons murées. In devine que cha a du grouiller de ginses là-dedins et à ch't'heure ch'est mort. Ch'est d'un triste à braire.

A part pour quelques majons qui sont incore habitées tout au bout, vers l'campagne. Les ginses qui habitent là is dottent savoir que l'avenir i n'est nin rose pour lus majons.

Dins un sins, ch'est à vir avint que cha disparaisse complètemint.

ch'est toudis triste des majons abindonnées !
l'derni cop qu'in est armonté dins ch'nord in n'd'a vu au moins eune dizaine dins min villache et incore d'pus dins l'villache d'min homme (in a appris depis que ch'coron allot ête démoli) cha fait toudis in tiot pincemint au coeur !

min aîné i vient d'aller passer queques jours in Italie dins l'villache d'origine de m'bielle famile, i est allé vir l'majon qu'habitottent mes bieaux parints avint d'venir in France, ch'est devenue eune vraie ruine invahie par les herpes, bin malgré que j'sus jamais allée là bas et que min homme i a jamais vécu d'dins, cha nos a artourné pace qu'in a pinsé à tout l'ouvrache que mes bieaux parints avottent fait la d'dins alors que ch'étot l'misère pou eusses ! et vir que les gins qu'is ont acaté l'majon et l'terrain is ont tout laissé à l'abindon bin des fos vaudrot miux pas savoir !!!...

ché vrai que Bruay i a subit eune "belle saignée" esse sus natif du 3 .quand j'i artourne j'ar conno pus rien.mais bon ché min pat'lin j'ai cor ker à i flaner. l'année passé in i allant pour animer eune soirée ale salle Damiens ché dusse qui a le studio ed Bruaysis FM.esse sus allé vire em n'ancienne mason comme ale éto lipe j'ai pus allé faire un tour dins ch' gardin et raviser à travers ché carreaux esse sus parti in brayant tant ed souv'nirs sont armonté ale surface.j'en sait pas mette ed photo sur vot' site mais si cha vous dit ,j'in ai mis eune sur hdc.

Souvint quand j'armonte à Bruay j'passe dins min coron, i a aussi quiques maisons murée mais l'mïinne alle est toudis d'bout et habitée, em maison alle vit cor.