Un tiot bonjour à tertous et eune bonne journée.
J'ai pas core mis min nez déhors, j'sais pas l'temps qui fait.
In est l'sainte Elisabeth vlà c'que j'viens d'vire comme dicton sur wikipédia

• « À Sainte-Élizabeth, tout ce qui porte fourrure n'est point bête. »
  
• « Sainte-Elisabeth nous montre quel bonhomme l'hiver sera. »
  

La clo, t' es déja lièvée ? ?

Bonjour PB
d'pis 5 heures j'sus levée
Je n'sus pas du soir mais pas besoin d'rével 5 heures 5 heures et demi pétantes j'ouffe mes z'yeux

l'matin tout y est calme j'avinche deux fos plus vite. j'ai gardé l'habitude ; pindant des années j'ai soignée m'mère avant d'aller au traval, j'faisos ses repas, pis l'casse croute de m'n'homme. J'ai l'impression d'avoir eune tiote horloche interne j'sus programmée comme cha.
Quanque je m'l'èffe tard tout d'suite in m'deminde si que j'vais bien. cha m'arriffe d'faire l'grasse matinée mais j'avinche pas tellemint j'sus "ensuquée"

un tiot bonjour aussi à tertous...
Mi j'attinds mes tiots, min ménache est fait aussi, l'jeudi ch'est eune grosse journée qui s'termine par un bon momint d'décompression, l'chorale...
Mais j'me lèfe pas à 5 heures, pace que j'sus du soir et que j'arrife jamais à m'couquer !
L'seu' momint d'ù que j'peux m'lever à 5 heures au matin tout d'suite in sautant du lit, ch'est quind j'dos partir in vagances ! comme chés gosses quo
Bon j'm'in va querre l'poussette jumelle dins l'abri d'gardin, faut mette toutes chés capotes d'sus pou qu'chés deux tiots seuchent au caud, i fait frod avec du brouillard c'matin.

Bonjour à tertous
mi aussi d'puis 5 heures j'sus l'vé,ch'est eun' habitude aussi.
la clo a écrit!

Citation :

j'sus "ensuquée"

jamais intindu ch'mot la,je m'disot, tiens! un mot patois que j'connos nin,j'ai été vir sur google,bin nan ch'est du français...
in apprind tous les jours,in dira j'parle plus patois que français.

bin, ichi à ch'matin....pon d'brouillard

j'ravise par m'ferniéte m'tiote twingo qu'all m'a fait des misères hier!

j'devos faire eune intervintion tout l'journée pou des étudiants centre ville, donc, j'devos être à l'heure.

8h30 tapantes, j'm'infourne dins m'n'auto, un tour d'clef, deux tours, tros tours ...rien!

vinguette, j'cavale jusqu'au coin de m'mason juste à timps pour printe ch'l'autobus que j'ai gratuit aveuc m'carte "sénior"....j'arrive à l'heure

à chinque heures au soir j'arprinds ch'bus pour rintrer et là...je n'sais pon à quo que j'pinse j'l'arprinds là dù qu'j'ai déchindu au matin....forchémint, m'v'là partie dins l'aut' sens.

j'ai mis pus d'eune heure à rintrer à m'mason, l'timps d'crier STOP à ch'chauffeur , d'attindre l'aute bus l'aut côté de l'route...etc....

in arrivant à m'mason, j'monte dins m'tiote voiture stationnée d'pis l'matin et histoire d'vérifier coimmint qu'all va....j'donne un tour d'clef.....all démarre au quart de tour.... J'sus sure qu'all l'a fait exprès!!

j'vas vire à t'alheure ch'qu'all va faire aujourd'hui.

Citation :

ensuqué, ensuquée
adjectif
Régional. Assommé, endormi sous l'effet du soleil, d'une drogue,

Régional, ouais, mais d'quelle région ?.... in n'in sait rien... Not mètte d'école i va nous l'dire....

je n'sais pon, mais in espagnol, du chuque cha s'dit "azùcar" donc, cha s'rot pététe régional du sud..côté pyrénées??

camanette a écrit:

à chinque heures au soir j'arprinds ch'bus pour rintrer et là...je n'sais pon à quo que j'pinse j'l'arprinds là dù qu'j'ai déchindu au matin....forchémint, m'v'là partie dins l'aut' sens.
in arrivant à m'mason, j'monte dins m'tiote voiture stationnée d'pis l'matin et histoire d'vérifier coimmint qu'all va....j'donne un tour d'clef.....all démarre au quart de tour.... J'sus sure qu'all l'a fait exprès!!

pet ête qu'au matin t'avos fait comme pou ch'bus, teurner l'clé dins l'aute sens....

pou ensuqué j'connos pas l'origine mais in utilise souvint, par eximpe quind cha m'arrife d'm'indormir devint l'télé, quind j'me reveille j'sus toute ensuquée

ch'est du qui parletent l'langue d'oc

Ouais cha vient de l'occitan, I parait que cha vient d' "ensuccar" qui veut dire assommer et de "suc" qui veut dire sommet du crâne.
Enfin ch''est s'que j'ai lu sus Go....e
Mi cha fait longtemps que j'connos ch'mot là, bien avant que j'vienne dins l'région chi.

Mi j'avos jamais intindu. Dins min bon coin du 59 in dijot toudrol ou eune séquo ainsi

Merci camanette. Te m'as fait rire avec t'n'histoire. Quo que cha sera tchand que te seras vielle?

In tous les cas, t'as eune rute serrure à t'n'auto si t'arrifes à faire tros tours avec l'clé. A min avis le problème ch'est que les fils is sont tous in tortillauds derrière. Je seros ti j'in parleros à min garagisse des tortillauds derrière l'serrure de l'clé de contact.

Avec tin air sérieux que te sais si bin printe....