Ouais mes gins, je ne sais nin si que vous connaichis cette série - i paraitrot qu'i n'd'a 4 DVD - mais mi je viens de l'découvrir et je trouve cha absolumint craquint.

Quo que vous in pinsez?
https://www.youtube.com/watch?v=wiq2XXm5YRc&feature=player_embedded#!

Ch'est chouette comme video, mi aussi j'aime bin.Cha canche

Ouais!!! i in a toute eun' série ch'est bien fait et cha fait eun' bonne vidéo, té nous a fait découvrir aussi.

marrant comme vidéo, in pinse tout suite à l'escargot qui va gagné!!

https://www.youtube.com/watch?v=GnHd6rNRrmM&feature=related

Cheule-là, ch'est eune de mes préférées... mais je ne les ai nin incore toutes vues (infin, cheules qui sont chu internénette).

Pis cheule-là aussi:
https://www.youtube.com/watch?v=mVmqfVV-wUU&feature=related

formidabe!!!!!!!!!!!!!!!!!!l'moustique, bzzzzzzzzzzz!

Sublime! ! ! !

....

. Tout me fait bidonner ! ! ! Rin d' pus triste que quéqu'un qui sait pas rigoler! ! !
. Quand que j' raconte eune histoire, je l' vit et cha m' fait rigoler tout seu ! ! " J' vos l' tableau" j' vos les gins discuter! ! !

l

J'viens d'in raviser plusieurs et m'tite fille qui est restée cor pou 15 jours alle me dit qu'alle les connot chés vidéos là.
Bin mi j'découff' et j'trouff' cha formidape.

In est égaux alors.... Mi je fais parel: je pluque par-chi par-là pour in trouver des que j'ai nin incore vues, et pratiquemint à chaque cop je me régale.

Ch'est rudemint bin fait et cha fait artrouver eune âme d'afant (comme si qu'in l'arot perdue)!

bin mi j'connaissos pas nin pus chés vidéos là, pourtint avec tous les jonnes qui pastent à l'majon ! j'sus sure que quind j'vais in parler in va m'dire : ah bon tu connaissais pas ça ? où bin alors ch'est mi qui va leur in boucher un coin ...

Ouais, le jeunes i faut pas leu d'mander qui ch' est qui a cassé l' vasse eude Soisson.
. " Ch' est pas mi maman, j' t' el jure ch' est pas mi ! ! "
......
. A l' école, l' aute jour, ch' maîte s' a plaint à l' Inspecteur qu' dins l' classe i n' da pas un qu'i savot qui ch' est qui l' avot cassé, l' vasse eude Soisson,
. . L' Inspecteur li a répondu: "Cha fait rin i n' a qu' à in racater un aute"! ! "

j'avos pas cor ravisé cheule du moustique, excellent !

comme j'ai l'timps, j'ravisse des autes vidéos su youtube et j'ai treuvé cheule lal qui réuni deux cosses qu'j'ai querre, les pâte et l'clarinette
https://www.youtube.com/watch?v=2EmNPKzfLW0

Je ne voudros trop rin dire, pour nin printe de margnouffe, mais le titre de tin bazar ch'est:

la Nouille

Infin, je dis cha, je ne dis rin...

bin ouais mais quoque qu'té veux ch'est bin connu que les Français is préparent des nouilles trop cuites donc trop molles et les Italiens des pâtes al dente !! sauf si les Français ont eu l'chance d'avoir un cours d'fabrication et d'cuisson des PATES par des amis Italiens
ch'est pas la clo qui va m'contredire.....

infin j'dis cha.......

mi ch'est pas pour dire, mais l'tiote ale a bien raison ed dire qui fot minger les pâtes al dente pas des pâtes ra pla pla d'ête trop cuites et trop molles. Cha n'a pas l'même goût. Pas d'sus inne sauce qui a cuite pindant 3 ou 4 heures. Là te n'dis pus rien, té minges, et t'in ardemindes.
J'y pinse, nous in n'dit jamais des nouilles.

Cha y est nous vlà arpartis dins l'bouffe.
In veyant l'tite du début! in n'cange pas nos bonnes habitudes ch'est inne déformation professionnelle ch'est pas possibe autremint

Ch'est nin la peine de discutailler avec vousautes les ritaux au sujet des nouilles, vous êtes de mauvaise fo. Ch'est nin comme nousautes.

In tous les cas j'armarque que vous y rajoutez toudis de l'sauce et des séquos ainsi pour y donner du goût à vous macaronis.

Alors que les vrais amateux de café, de bière, de vin, d'huitre, de pain etc etc is n'y rajouttent rin, pour nin mucher le vrai goût.

Bon, d'accord, chu les frites in met du sé, mais nin au point de mucher lu goût.

J'ai nin raison? eune fos de puq?

Si jamais que je venos à disparaître dins un proche avenir, i faudrot inquêter si que j'ai nin été victime d'eune armée de guernoules de ritaux qui m'arottent attaqué avec lus couets, lus grantes planques et lus grinds coutieaux à coper le basilic in tiots bouts.

salut Batisse, pourquoi t'écris in tout tiot "eun fos de puq"
là pour un cop t'as raison,
té vos, pour mi (j'sais pas si pour la tiote ch'est parel), in a l'bonne plache in prind tout ch'qui a d'bon d'nous côté quanque cha nous arringe pis à d'autes z'occases in est d'l'aute côté.
Et valà l'traval !

Te ne seros nin du signe du pichon aschindint indjille ti des fos?

Ou lion aschindint cat qui arquet toudis chu ses pattes?

Cha m'étonnerot que t'collègue elle ne rue nin dins les brincards... attindons in serrint nous bouques...

J'intinds déjà l'bompe qui chuffèle...

ouais t'as intièremint raison la clo, ch'est pour cha qu'in est d'bonne cujinière (l'premi qui dit à gaz, i a eune margnouffe), pace qu'in est poly-couets...
nougatine ch'est parel

au fait j'sus du signe du Lion..........

Ch'est vrai que te seros plutôt éleuctrique.... surtout qu'in puq t'es productrice.

Aussi...