In écrivint ch'sujet je me dis que cha va être mal interprété par certain(e)s. Eh ben si qu'is le font ch'est que ch'est foque que des rieux de gins, et ch'est nin bin, même que ch'est eune séquo que je me chus toudis arfusé de faire!
Ouais Marcel, j'ai pinsé à tisaute aujord'hu in haut de m'n'équelle: j'ai fait le sinche comme ti y a eune paire d'ins, même que t'avos mis des photos et tout et tout et qu'à m'mote que ch'étot l'première fos qu'in veyot tes mollets qui font tint rêver Lili.
In fait j'ai ratiboisé un arpe: un saule pleureur. I parait qu'i faut le faire tous les deux ins. Là cha n'avot nin été fait depuis au moins 4 ins... i avot du boulot (naaaaaaaaaaaaaaaaan les mauvaisses lingues, ch'est nin la peine de me faire le coup que je ne sais nin faire l'différince intre in saule et un bouleau. Je vous vos venir avec vous courtes maronnes...).
Min saule pleureur, autint vous dire qu'i ne risque nin de braire avint l'été prochain... i ne reste pus que sin tronc et deux moignons de bos d'ùche que les branques brayousses elles partottent.
A l'déchetterie is m'ont dit que cha suffit pour aujord'hu... je comprinds pourquo: ch'est eune guernoule... elle voudrot bin me vir tous les jours...
Bon, d'après cha que j'ai compris, les arpes que t'as taillés is ont du mau à s'in remettre. J'espère que le mien i s'in sortira miux!
Mais je chus à peu près sur que te fais le sinche miux que mi. Comme Camanette elle n'a nin pris de photo d'elle in sexy in bas à mouquiles à Bruxelles hier, ben mi j'ai nin pris de photo non pus.
De toutes façons, in concurrinche avec tes mollets j'ai perdu d'avinche. Je chus réalisse.
Et te vos d'ichi que Lili elle tcherrot amoureusse de min bide, cha ferot de l'concurrinche intre nousautes. Mi je ne veux nin de cha!
Allez min copain sinche, à plus!
Sujet: Marcel, j'ai fait comme ti: j'ai fait le sinche 
Lun 4 Jan 2010 - 17:30
