| (Touche "sérieux" ON) - Pinsée amiteusse pour l'modérateusse verte | |
|
Auteur | Message |
---|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: (Touche "sérieux" ON) - Pinsée amiteusse pour l'modérateusse verte Lun 16 Aoû 2010 - 18:37 | |
|
Ouais mes ginses, i faudrot qu'in aiche tertous eune tiote pinsée amiteusse pour nous modérateusse verte, qu'elle a s'majon in pleins travaux.
I faut dire qu'elle a été déhiors de s'majon pindint tros semaines et que l'ouvérier i arot pouvu faire les travaux pindint ch'timps-là, mais non, nous modérateusse verte elle n'est nin comme cha.
Elle a à tout prix voulu être présinte pour servir elle-même eune tasse de jus ou eune chope de bire à sin louvérier.
Du coup à ch't'heure elle fait du caminge à s'majon. Elle met des bottes in cayoutchouque pour aller à sin ouater, elle dort chu des sacs d'pennes tierre sins pennes tierre, elle se lave dins un baquet avec l'ieau qu'elle coule de l'nochère. Sin homme i se rase à l'ieau froite. Is soufrtent.
In puq is cuistent lus nouilles au bain marie chu un tiot butagasse et comme i a du sape qui vole tout partout, cha croque in-dessous de lus dints. Dins un sins is ont de l'veine parce que cha croque mais cha ne gratte nin. Parce que si qu'in puq i avot du sape qui s'immissot intre lus dintiers et lus gincifes, là ouais, cha gratterot et cha serot désagréape. Mais comme is sont jones, is ont incore toutes lus dints. (le premi qui dit "dins un vierre" i archot eune margnouffe!).
Donc, si qu'in vijin amiteux qui a incore du courint à s'majon i lit ches lignes, cha serot gintil de s'part d'aller dire à l'modérateusse verte qu'in pinse bin à elle et à s'n'homme, que tchand qu'is font atchoum cha fait des volutes de poufringue.
Pauvre tiote.... fais bin attintion à nin laichi querre eune palette de chimint chu tes pids. I a déjà eu des cas comme cha et i parait que cha fait du mau. |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: (Touche "sérieux" ON) - Pinsée amiteusse pour l'modérateusse verte Mar 17 Aoû 2010 - 11:32 | |
|
Bin Batisse t'auros quind même pas voulu que j'fasse travaller un brafe carreleur pindant que mi j'me la coulos douche ! (pis y étot aussi in vagances) Pis faut bin que j'ai quequ'un avec qui causer in tiot peu (t'as vu là j'tinds l' bâton pou m'faire batte !), comme cha li aussi i trouvera l'jornée moins longue Pis comme ch'est aussi un italien in pourra causer d'nou différintes manières d'cuire chés pâtes In tout cas i a d'jà l'mitan d'eune pièche qui est faite, bin j'peux vos dire qu'ch'est d'jà bieau, cha cange... Hier au soir tous les meupes is étottent au garache et si in avot pas été mate in aurot pu faire salle de bal, histoire de s'secouer un tiot peu la couenne... ch'est fou comme l'majon parait grinde quind i a rin d'dins ! in a foque laissé l'tape d'cuijine et deux caïelles et in a rit car in s'est installé chacun à un bout, i minquot pus qu'un candelier pou faire chatelain, in se s'rot cru dins un manoir tellemint cha résonnot dins l'pièche vide... J'm'attindos à vir arriver un majordome inglais, bin drot dins sin habit d'pingouin avec un grind plat in argent recouvert d'une cloque, me demindant "et pour Madame, cha s'ra quo, eune aile ou la cuisse ?" tout cha in ingliche bin sur... bin quo ? in a l'drot d'rêver |
|
| |
am'mote
Sexe : Date d'inscription : 07/02/2010 Messages : 143 P D C
| Sujet: Re: (Touche "sérieux" ON) - Pinsée amiteusse pour l'modérateusse verte Mar 17 Aoû 2010 - 16:53 | |
|
ta raison tiote beLLOte faut réver , et ché gratuit , mais j'su certain qu't'aros pas été a t'n'aisse , a ête servie par un ingliche , même majordome |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: (Touche "sérieux" ON) - Pinsée amiteusse pour l'modérateusse verte Mar 17 Aoû 2010 - 21:56 | |
|
- tiote bellotte a écrit:
- J'm'attindos à vir arriver un majordome inglais, bin drot dins sin habit d'pingouin avec un grind plat in argent recouvert d'une cloque, me demindant "et pour Madame, cha s'ra quo, eune aile ou la cuisse ?" tout cha in ingliche bin sur...
bin quo ? in a l'drot d'rêver Tins, in parlint de majordome inglais, je vous armets eune séquo qui est loin d'être inédite mais que j'arvos toudis avec un imminse plaiji. I suffit de rimplachi Miss Sophie par Miss Tiote Bellotte. Et ne viens nin comme t'copine me faire tout un patacaisse pour eune histoire d'âge https://www.dailymotion.com/video/x5zld2_dinner-for-one-vostfr-tres-drole_fun |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: (Touche "sérieux" ON) - Pinsée amiteusse pour l'modérateusse verte Mer 18 Aoû 2010 - 8:28 | |
|
ch'est vrai que ch'est très drôle et qu'in s'in lasse pas de cheule tiote vidéo mais dis donc batisse, j'fais quind même pus jonne que miss Sophie !!! attintion à ti j'vas v'nir tirer tes orelles !!!
j'ai jamais bu d'sherry, ch'est bon cha ? |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: (Touche "sérieux" ON) - Pinsée amiteusse pour l'modérateusse verte Mer 18 Aoû 2010 - 8:30 | |
|
Bonjour, j'viens d'passer un bon quart d'heure ed rigolade ! t'as eu inne rude idée Batisse.
|
|
| |
camanette
Sexe : Date d'inscription : 22/12/2009 Messages : 611 chef lieu du pas de calais
| Sujet: Re: (Touche "sérieux" ON) - Pinsée amiteusse pour l'modérateusse verte Mer 18 Aoû 2010 - 8:57 | |
|
pour mi l'theatreusse amateusse, j'sus in admiration d' vint ché heures et heures d'répétitions qu'il a fallu, tout y est dins ché attitutes... Bravo les artistes ché au moins l'chinquième fos qu'je l'vos,à chaque fos j'sus baba... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: (Touche "sérieux" ON) - Pinsée amiteusse pour l'modérateusse verte Mer 18 Aoû 2010 - 9:11 | |
|
- tiote bellotte a écrit:
- j'fais quind même pus jonne que miss Sophie !!!
Je l'avos écrit in tiot et te ne l'as nin vu, alors je l'armets in grind.... Et ne viens nin comme t'copine me faire tout un patacaisse pour eune histoire d'âge |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: (Touche "sérieux" ON) - Pinsée amiteusse pour l'modérateusse verte Mer 18 Aoû 2010 - 9:25 | |
|
ouais bon j'avos pas vu !!!
|
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: (Touche "sérieux" ON) - Pinsée amiteusse pour l'modérateusse verte Mer 18 Aoû 2010 - 9:38 | |
|
Vinguette! Ah ben à ch't'heure je comprinds pourquo que le timps i est à l'pleufe: i a eune guernoule qui a admis qu'elle avot fait eune erreur... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: (Touche "sérieux" ON) - Pinsée amiteusse pour l'modérateusse verte Mer 18 Aoû 2010 - 9:50 | |
|
ichi dins l'beaujolais in a un bieau solel ! ch'est sins doute pace qu'eune guernoulle chti, lyonnaisse d'adoption elle est toudis d'bonne fo ! |
|
| |
Contenu sponsorisé
| Sujet: Re: (Touche "sérieux" ON) - Pinsée amiteusse pour l'modérateusse verte | |
|
|
| |
| (Touche "sérieux" ON) - Pinsée amiteusse pour l'modérateusse verte | |
|