Et les ros du pompon ch'est... les forains eux-mêmes!
Tchand que nous afants is étottent jones, in les mettot souvint à deux chu des manèches. Ch'étot 10 tours pour 5 francs ou eune séquo ainsi, alors in prenot 10 tickets et roulez jonesse, chu des gvaux, des autos, des caméons de pompis, les pourcheaux, les vélos qu'in pédale dins le vide etc.
Et les forains is juottent avec l'pompon. Forchémint, à un momint ou un autre, i a un de nous afants qui l'attrapot. I étot fier comme un bar tabac et ch'étot arparti pour un tour.
I arrivot un momint d'ùche qu'i restot un tour gratuit pour le derni qui avot eu le pompon et rin pour l'autre... du coup, pour éviter l'salate à l'grimace, in arprénot eune paire de tickets...
Jusqu'au momint d'ùche qu'in dijot aux afants d'arrêter d'attraper le pompon! Et in avot des afants obéissints! Vinguette... je vos incore le pompon arriver devint le nez d'un, qui n'a nin bronché, que s'tiête elle a passée au-travers du pompon et que l'forain i essayot de li faire choper quind même au tour suivint.
A ch't'heure ches afants-là is ont des afants et, si que les pompons cha existe toudis, à m'mote qu'is tchettent dins les mêmes pièges. Ch'est l'roule qu'elle tourne...