c'matin in conduisant chés tiots à l'école, i a l'tiote d'5 ans qui m'deminde :
"qu'est ce qu'on mange ce midi ?" (ch'est eune tiote galaffe)

Mi : "du poisson"

Elle : "du jaune ou du blanc ?"... l'jaune pou chés tiots ch'est l'pichon pané
(avec de l'sciure alentour et les yux dins les coins, comme dijot Coluche)

Mi : "non du rose"

Elle : "chic du saumon"

Mi : "non c'est un filet de truite"

Elle : "ah, je connais la truite, c'est la maman du cochon et c'est vrai qu'elle est rose"

Cha s'invente pas...........

Comme té dis cha s'invente pas mais fallot vraimint y pinser.

Mi j'ai connu eune tiote guernoule arrivée comme eune surprisse après ses frère et soeurs, que sin grind père i li avot préparé des bonbons dins eune assiette pour l'visite hebdomadaire qu'in faijot aux viux à ch'momint-là. Ch'étot au début des années sochante...

Bref, à l'époque in ne rigolot nin avec l'politesse... Alors imaginez l'dialogue:

Le grind père: tiens, tiote, prinds un chuc
L'tiote elle prind un chu...
L'mère à l'tiote: QU'EST-CE QU'IN DIT?
L'tiote, avec l'air annochint qui ne l'a jamais quitté depuis: Incore!

Cha non pus cha ne s'invinte nin.

T'as tes orelles qui chuffèltent Mérilou?

Rassures me, j'ai nin été qu'eune mauvaisse surprisse dis hein? aveuc m'n'air annochint mi? ha bon?

Je n'sais nin si j'avos des dints pour chucher sin caramel au pépère. J'cros qui est mort , j'avos foque 1 an et demi et tchin que m'momère elle m'a arconduit chez li , j'ai couru chu sin fauteuil vide et j'ai j'ai tapé aveuc mes mains in criint '' pépère pépère'' à ce qui paraît... y'arot apparu aveuc eune chucate que cha m'arot nin étonné.
Qu'est ce qu'in dit?
'' Encore''.
Les afants cha raconte des fos des cacoules sins l'savoir et ch'est superpe.
Dins l'même ginre que l'histoire à Tiote Bellotte, j'avos min garchon cor tout tiot qui m'demindot in rentrant d'l'école/ '' Quo qu'ch'est qu'in va minger au diner?'' et j'li dis:'' des brocolis''... Ha bon? des gros colis de quoi? qui m'répond... à ch't'heure qui a plus d'20 ans y m'fait moins rire....

M'file elle a un gène commun avec Tiote Bellotte: ch'ti qui rind l'babelle éternelle.

Tchand qu'elle étot tiote, i arrivot qu'in li disse "mais qué babelle..." et là elle se mettot in colère et elle dijot "si! je suis belle!"

Faut dire que ch'est eune alsacienne, sinon in comprind rin à tes cacoules... à moins qu't'as un rhume
''Fous êtes bas belle''

Rideau!

Allez, in armonte les berlouffes, lever d'rideau l'artisse elle est toudis là....

. Min frère al Noel, in montant l'crèche:
. " Où je les mets les trois fromagers ? ? ? "
......
. M'tiote file, dins les Pyrénées, i avot dé l' brume:
. "Regarde, on dirait une photo ratée" . C'qui étot juste in vérité.
......

M'tiote file in veyant l'appareil électrique à tuer ches moustiques, m'dit :
"oh ! ils sont électriqués"

elle va à l'hôpital pour un tiot truc. j'y deminde, le docteur était gentil ? il n'était pas trop sévère?
ah non lui il était pas en vert il était en blanc et la dame en rose

Toudis l'même tiot pouchin :

In parlot d'avoir des infants

m'n'homme li dit : moi aussi j'ai un grand fils

elle : comment il s'appelle

lui : il s'appelle xxxx

elle s'artourne sur sin père et li dit: oh papa il s'appelle comme toi son fils.

A m'mote qu'in est partis ichi avec un sujet à rallonches...

Nous vijin d'in face, i a eune paire d'ins de cha s'a fait tuer in vélo chu la route.
S'tiote file elle expliquot aux gins que sin pépère i avot traversé sins donner la main et que ch'est pour cha qu'i étot mort.

j'arviens d'l'école avec m'vojine venue querre chés tiots infants, s'tiote file s'apprête à archiner quind elle dit : "mamie ton pain il est tout mou, comme les joues de papy !"

Bah! Si ch'est foque les joues, ch'est pas grafe ! ! !
..... ..... ....
. Et cha t' fais rire ! ! ! !

m'tiote soeur à qui s'matante li d'mindot si al voulot des piéches ou un billet pou ses zétrennes !!!!!
"bin les deux !!!!!"

T'en qu'à faire ! ! ! !

l'aute jour l'tiote que j'garde avot été querre mes bielles feulles d'dessin sur min bureau, sins rin m'deminder, j'li avot donc espliqué que cha m'dérangeot pas qu'alle in prenne mais que comme ch'étot à mi, elle devot m'deminder l'permission...

queques jours pus tard min homme étot in arpos et pou l'tiote histoire j'précise que les infints ont l'habitute de l'vir dins l'vielle carette d'15 ins qu'in garde pou li faire chés trajets jusqu'à l'gare, alors pou chés tiots cheule carette là ch'est à min homme et l'mienne ch'est l'aute carette pus neuve d'ù que j'les trinsporte des fos
donc c'fameux jour min homme avot eune course à faire et y prind "m'carette" et là l'tiote que j'avos réprimandé vient in courant vers mi et m'dit : "hou là là il y a toni qui a pris TA voiture, et il t'a pas demandé la permission, tu vas le gronder ?"...

m'tiote file ale attindot que je l'serve à table.
J'avos fait du pot au feu avec du plat de cotes, donc avec les oches.
J'veyos bien qu'ale n'voulot pas trop minger
J'coupe l'meilleux morceau d'viande pour elle
Là ale artire s'n'assiette et dit :
"je veux pas la viande avec du bois".

hier j'prépare des tartines à l'confiture et l'tiote d'5 ins m'dit : "il faut prendre du pain sans trou, sinon la confiture va dégringouliner"
mi j'troufe cha bieau "dégringouliner"... cha devrot exister

bin ouais ché bieau dégringouliner , j'vérifie si j'l'ai bin ecrit , ché pourtant pas du patois , vas falloir el mette din ch'glossaire ,

ché pas cha dégringouliner , j'arverifie

Vlà ichi eune séquo que j'ai photographié d't'à l'heure à Guebwiller et que je trouve que ch'est un magnifique mot d'afants (is s'y sont mis à plusieurs).


Je ne sais nin si que l'papa in question i s'arconnaîtra. In tous les cas, à mi qui ne suis nin concerné - j'ai pus d'afant dins le coin - cha me fait drôle....

Je chus trop sinsipe?

Ouais, is dotent déja ète grands ch' est tiots la ! ! !

batisse a écrit:

Vlà ichi eune séquo que j'ai photographié d't'à l'heure à Guebwiller et que je trouve que ch'est un magnifique mot d'afants (is s'y sont mis à plusieurs).


Je ne sais nin si que l'papa in question i s'arconnaîtra. In tous les cas, à mi qui ne suis nin concerné - j'ai pus d'afant dins le coin - cha me fait drôle....

Je chus trop sinsipe?

bin mi cha m'fait frissonner ch'panneau pace que j'ai peur que cha a été mis là suite à un accident...... et j'espère d'tout coeur que j'me trompe !!!

Ah? J'avos nin pinsé à cha.

In même timps, eune séquo ainsi, ch'est fait pour être lu par quelqu'un de vivint...

Ch'est eune séquo que j'ai jamais comprise cha: i a des ginses qui mont des annonces dins le journal pour dire "Gaston, cha fait à ch't'heure 25 ins que te dors au chumetière et je t'aime toudis autint qu'au premi jour et je n'd'ai jamais arwetchi un autre".

Qui qu'ch'est qui livre l'journal au paradis?