là Roger té jues à un ju vraimint dang'reux, cro pas que "diviser pour miu regner " ché pas eune solution

j' comprinds aussi que ché un arflexe que t as eu in t'rapprochant des garnoules , pasque ouais ché garnoules cha dit rin d exceptionnel ou d' poétique, ou d'déroutant , faut dire aussi qu au niveau cerveau ché pas dev'lopé parel

ale sont prédisposées pour t'nir un ramon dins les mains, in n y est pour rin

j 'la dja dit , donne eune carte routiere at' femme, te suis ché conseils et au lieu d arriver à Dunkerque, t arriffe à la pointe du raz

alors ché vrai cha parait plus gentil, plus facile à diriger, méfie te Roger y a pas pire que ché langues ed serpent, ah te do archevoir des messaches cachées du ginre , ouais Roger té l' plus bio, invo me eune photo d' ti torse nu et mi j' t invo eune photo d'mi parel, bon au passache tem' fait gagner ach' concours, ou alors te rajoute des points par chi par là

te sais Roger , quand qu on diriche des gins faut rester dro, et j'va t artrouver un artique qui faijo partie du guide d' l agent d' maitrisse et qui diso qui fallo s' méfier des garnoules dans l' traval

D AILLEUR CHE EUNE HERESIE, CHA DEVRO ET' INTERDIT CH'SITE AUX GARNOULES AU MATIN

pourquo ? Y A PAS DU MENACHE A FAIRE ? Y A PAS DEL WASSINQUE A PASSER ? Y A PAS DEL BUEE A FAIRE ? DU CIRACHE D'BOTTINES ? DEL'CUISINE A FAIRE ? L' TAPE A METTe ?

alors mi j' su pour l'ouverture du site aux garnoules que dins des espaces bin définis L APRES MIDI DE 15 H A 17 H ET LE SOIR DE 21H A 22 H
Pasque aprés y a cor des d'voirs à faire, mais ché pu dins l' cuisine

Roger reflechis bin à tout cha et là té va vire qui qui a raison, arviens avec nous Roger, in est in train d' démonter et d armonter ché fusils, d' rimplir ché sacs d' sape, in va pas s' laisser faire

in tout cas ch' messache y a bin compris par ché garnoules, suffit d' crier un coup et cha s' tait , bon achteure faudro qu' vous attindiez 15 h et pas avant pour v'nir sul' site

mi j' vo al' mason , cha s'passe comme ...euh attindez là j' do y aller grand mère ale vient d' em dire que j'dos aller faire les courses à mon lideure , j' viens d avoir m' lisse d' courses, ché clés d'auto dins l' guiffe, ch' pardessus sul' tiete, j y va mes gins j y vas j arviens in fin d aprés midi pasque aprés j' do ringer les courses, passer l' wassingue et trier ch' linche
oh croyez pas que ché grand mère qui diriche al' mason , ché mi, mais j' veux li montrer quand que ché un homme que ché miu fait ; bon j' babelle j' babelle mais faut que j y aille

aie !!! pas sum' tiete !

Hein quo que té dis Minloute ?? qu'ina compris que messache ?? :drunken:

SORS D ICHI GARNOULE CHE POINT COR L HEURE

si si pour mi ch'est l'heure, tout cha ch'est eune question d'organisation ... té vos à l'artraite in a pus d'heure , in fait c'qu'in veut quand in veut ch'est cha qui est bien :cherry: el tout ch'est que tout seuche fait à l'sortie

et alors minloute respecte nos ch'veux blancs j'sus sure qu'in est une paire à n' avoir !!!!!!,mi j'sus aussi blanque que t'maman eh ouais vu min grand ache !!!!!!!!

????

ch'est qui li ?

T'occupe!

Je note que t'es finaude quind même, vu que t'as compris que ch'est un mâle. T'as nin demindé qui qu'ch'est cheule-là?

Faut dire que je te comprinds, vu qu'i est particulièremint bieau.

j'arrête, je n'peux pus lire, j'in brais d'rigoler d'vant l'écran.

Ch'est bon pour l'sinté de rire i paraît. Alors vas-y! Te peux même péter in même timps, que cha ch'est bon aussi.

Ch'est tous des séquos nin rimbourchis par l'sécu mais qui ont fait lus preufes.

Quint à braire... mi j'ai grammint intindu des séquos du ginre "eh ben brais, te picheras moins!". I faut dire qu'in a été élevés dins un milieu très tindre et romantique nousautes...

alors mi j' su pour l'ouverture du site aux garnoules que dins des espaces bin définis L APRES MIDI DE 15 H A 17 H ET LE SOIR DE 21H A 22 H
Pasque aprés y a cor des d'voirs à faire, mais ché pu dins l' cuisine
( fin d'citache à Minloute)
Mi j'joque sagemint comme eune guernoule in buquint su ch manicraque et in attindint qui soche 15h pour invoyer min messache.
Ch'est dins tros mineutes .. pas la tiête! pas la tiête, min repassache y'est fait ( enfin presque) min fier y arfrodi tut duchemint... si si , d'ailleurs y'est encore caut: te veux mette et guiffe dssur pour t'in rinte compte Minloute? et ch'gorille tout plein d'caveux, qu'Batisse y 'est fierte ed donner ch'photo.. pour qui qui s'prind li? Y s'crot toudis pus malin que l'z'aut!
Y'est 15 h, j'peux buquer sur '' Invoyer' J'tire em linque tout cron et j'buque

ouais m'mère ale disot aussi quanque j'pleuros

n'brais pas, garde tes larmes pour quand j'mourrai

(ale savot pas si bien dire !)

J'm'in va m'occuper de m'télé.

A plus

Dis donc min Batisse, te fais collection des cats zavatar, des quiens et des sinches qui font des clinques ed z'ys du côté gauche? In pourrot t'in trouver des z'autes si te veux ...

Ouais, j'aime bin les cats et in a été un tiot peu élevés à la durte. Bon, ch'étot nin Cosette, mais ch'étot nin la tiote majon dins la prairie non pus..

Par eximple, nous momère elle est pus là pour se définte, mais je chus sur qu'elle arot confirmé: à nous majon in avot des cats - un à l'fos... - et des fos cha li prenot un élin d'amitosité à l'égard de cheule paufe biête...

Alors i faut imaginer... le cat écrasé chu sin vinte avec ses pattes in crox, qui archevot eune main amiteusse qui le caressot avec force à tout berzingue depuis s'tiête jusqu'au début de s'tcheue, au point que tchand que l'main elle arrivot au nivieau de l'tcheue les trous des ys du cat is étottent au niveau de ses omoplates, ses trous de nez intre ses deux orelles et tout à l'avenint.

Je ne vous parle nin de sin trou de balle à cheule paufe biête. Disparu!

Cha finissot généralemint par "ah, ben i ne veut nin rester..."

té treufe p que i va un oeut fort minloute? ché garnoules sont toudis au p'tit soins avec nous ,nous materner,laver nos slips et nos cauchettes ,(enfin el machine automatique)nous donner à minger i temps et in heure.je sais esse que té va m' dire té cache at' faire passer d'el pommate dins tin dos parce que ej l'es rate pas dins tes histoires drôles nan! ché juste el respect que j'ai pour eusses ché pas eune moquerie enfin presque.

je m'dépêche avint l'coufre- fu ed 17heures pour vite réponte... après y'a l'soupe, vaisselle , rabillache d'afints aveuc anoraks et gants ( 10 dogts chacun... viffe les mouffes) pour Tiote Bellotte ... Donc j'me dépêche de réponte pindint que j'peux cor pour dire que chez nous z'aut les glaines, in est toudis à l'ouvrache pour que tertous dins l'famile y soche bénaiches.
Ravissez ch'dessin de ch 'glaine qui fait des heureux, cha in dit long sur not mission!
:poule:
et pis pindint qu'ch'timps là , nou hommes y sont fierte comme bar toubac
:coq:

allez; in n'peut nin s'passer les uns les z'autes!

ALE LAFFE TES SLIPES EUT'FEMME ? ah mi nan in fait d'zéconomies ichi , in a vu cha à "Gombien zela goute" ché eune emission régionale alsacienne

cha s appelle "raclette à la batisse" , pi ché économique, tefait ché l' soir, té rinte, t armets tin snipe in rintrant such' radiateur , té mets l' tape pi t attind , et quand ché caud bin te print eune raclette in bo , et ... nan mais j' va pas tout vous expliquer , ché eune recette gouepevilairene, pas facile a arfaire correctemint, pasque i faut "l'coup d' patte" , celle du grand chef

(jv'o min Batisse qui sait pu quo dire, ché vrai y a pu qu as' taire)

T'es sur que cha tourne rond dins t'tiête à ti?

Des fos je me deminte si que je ne chus nin in train de faire un cauchemar.

Mais bon, in supporte avec corache... i faut cha pour aller au paradis qu'i parait.

ché vrai quei à des momints on a du mo à t'comprinte minloute.ché peut ete parce qui té dot avoir el bac +50 qu'in arrife pas à suife

nan mi j a eu l' bac à chintes avec option 'fourneau"

Nounours, ne va nin nous l'énerver... déjà qu'in le maitrisse tout juste tout juste.

Te sais, i faut que te comprennes qu'i est né natif de Bruay. Te peux deminder à qui que te veux: cha esquinte.

eh Batisse , fait attintion pasque Nounours i connot bin bruay les berdoules aussi

Ben justemint....

J'armarque eune séquo: Nounours et Minloute vous êtes pratiquemint jumeaux vousautes deux.

Te ne viendros nin de Bruay aussi Nounours par hasard?

I avot combien d'écoles à ch'timps-là à Bruay?

A l'occasion vous avez copié des lignes insonne à cause que vous étiez turbulints pindint les cours. Un qui marnonot toudis de l'musique et un qui n'arrêtot nin de babeller chu n'importe quo.

Hop, eune mouque qui passe, le vlà parti pour un quart d'heure de réflexions chu les mouques et ceux qui lu arrachtent lus pattes. Berdaf, un crayon qui tchet, le vla parti pour un quart d'heure chu les boisaches de mines que ch'est fait dins le même bos d'arpe mais que dins ch'ti pour l'école in met l'mine à l'intérieur alors qu'au fond l'mine elle est à l'extérieur. Dring l'sonnette elle sonne, ch'est parti pour un quart d'heure que chez s'matante Zulma i a eune sonnette comme cha que tchand qu'elle sonne le canarien i se met in route.

Et Nounours pindint ch'timps-là i fredonnot "cause cause, dom dom dom (ch'est normal i fait de l'guitare basse) cause dom dom dom dom dom dom dom.

Disez me, j'aros nin soulevé un lièfe là?