j'arcopie l'messache d'LYLY :
Nan l'vidéo d'Léon et Gérard alle est pon visipe, pour mi ché devenue inne tiotte icone un haut aveuc un grand carré bleu et j'ai rin du tout.
In fait alle est pon ouverte ! vous comprenez ! du cop, ej vos assure ej vos rin.
Quo que j'peux faire ?
Au secours Lyly alle va s'noyer
à Malo....

LYLY? tin navigateur ch'est INTERNET EXPLORER ou bin MOZILLA FIREFOX ?

J'pinse pas que cha vient de ch'navigateur,j'ai ouvert ch'forum avec internet explorer,et j'vos bin chés vidéos d'Léon...
Peut ête aujourd'hui,elle va les vir chés vidéos...
hein Lyly!!

que se soit explorer ou mozilla,ej vos ches videos....

bonjour lyly té clique tout sinplemint sur " le site du patois" sur el toile i a toutes leur vidéos pas besoin ed faire www// http etc
bonne journée
Nounours

chéto pour rinte service j'en' voulos pas ed vexer.
si ché comme cha t"é m'arverra pus

Lyly pou pouvoir t'aider i nos faudrot un tiot peu d'pus d'informations
nou grind chef à pleumes Roger est, comme té sais, toudis prêt à rinde service et si i peut treuver c'qui n'va nin, té peux ête sure qu'i va treuver mais tout cha cha y prind gramint d'timps, (mais ch'est pas à ti que j'vas apprinde tout c'que cha arprésinte d's'occuper d'un site, ti qui t'occupes de chti d'tin clup d'char à voiles), alors pou faire avincher pus vite le chmilbick i faudrot qu'té fasses :

1) une capture d'écran de c'que té vos quind t'arrifes su l'rubrique des vidéos ? si té sais pas l'mette l'photo de l'capture su l'forum, té l'inregistres et té nos l'invos ou à mi ou à Roger par Emile.... si té sais pas faire eune capture d'écran té m'dis et j'vas t'espliquer...
2) est ce que té peux nos dire si tin ordi ch'est un MAC ?
3) est ce qu'à l'habitute, in dehors de nou forum, té peux raviser des vidéos de dailymotion ou youtube ?

valà avec tout chés rinseignemints in pourra pet ête arriver à détouiller l'dallache....

J'ai un MAC et j'peux lire les vidéos !

Grand père i va mète sin grain d' sé li aussi pour faire maloter tout l' monte.
Lyly, essaie:....recherche Google... vidéo: "In va décoder sec".......t' as tous les vidéos à Léon et Gérard....
. Mi j' dis cha, j' dis rin, ch' est pour rinte service, j' viens d' essayer cha marche....ach' t' heure ch' est pétète un aute problème qu' alle rinconte Lyly... Si qu' alle n'peut pas lire les vidéos à Léon, alle n' devrot pas pouvoir lire les autes vidéos nan pus ! ! ! !
........Quo qu' t'in pinces monseigneur ? ? ?
. " Fox ........I est l'heure d' aller coucher .."
. '

j'ai retiré certains messaches qui ne faisaient pas avincher le chmilblick (comme dijot coluche)
asteur in va attinde l'réponse d'lyly
merci.................

Ej vos qu'ichi in s'moque ed mi ! Ej vous parle pu !
A bétôt...

Alors LYLY té fais la tête? Tiote alle te d'minde seul'mint ed réponte à ses questions.
Et qu'mint qui va Jeanjean? fini ses p'tits accidents? t'in prints soins au moins hein!

bon quo lyly, in s'moque pas !!! d'ù qu't'as vu cha ???? quoque qu'té dis là, j'viens de mette quette cosse dins l'sujet "tnt"
cha m'a pris 1/4 h d'faire cha, si j'voulos pas t'aider j'l'auros pas fait.......
ch'est à min tour d'pus rin comprinde !!!

Ej vais vir si j'ai "internet explorer" ou "mozilla firfox"...
mi j'utilisse ej su pon technichienne...
Rin qu'aveuc vos mots "internet explorer" ou "mozilla firfox" ej sus déjà perdute...Enfin ej vais cacher....
A bétôt...pétète.....

ouais cache Lyly... cache!

lyly al cache après perdu...

Lyly
Si té caches après ch' est qu'té l' as pardu
Té fais pas attintion à tes affaires
Si té caches après ch' est qu'té l' as pardu
Artreufe le ou t' aras des cliques à tin....
...................
air connu par les chtis d' in bas... d' base.....

Té nous in fous eune Lyly, tout l' monte est in foufièle.
Clique un peut la s' sur:
.
http://www.acoute-ichi.com/mettez-y-vos-commentaires-ainsi-que-de-voir-les-autres-videos-f16/l-tnt-ale-arrife-t617.htm
......
T' énerfe pas faut l' timps qu' cha arrife, j' viens d' essayer et j' sus arquéu sur les deux algosyls ! ! ! Faut pas s'presser ! ! ! !

allez Go! ! ! ! In va vire qui ch' est aqui va gagner.
Fox couquer ! ! ! ! !

J'pinse qui faut faire un "copier-coller" sans quoi cha fonctionne pon, du moins ichi à min ordi.

Bon à plus....Ej treuf pon et in pus ej sus mate....J'artreuvrai bin Bertrand et Gérard in jour....

T' as raison Marcel ! ! ! !
.
. Cha a eu marché mais cha marche pus ! ! !
.
donc, copier, et coller dins http://www etc....pour rimplacher tout cha, ! ! ! et ch' est parti comme in 14 ! ! !
.
. Allez Lyly, allez Lyly ! ! ! allez ! ! ! té tiens l' bon bout ! ! !

Bonjour Pierre, ej viens ed copier coller et cha marche pon du tout ????
Par momint ej me m'd'mande si ej sus pon sur l'planète Mars....????

Ej cros qu' Roger i dot ête in congés ?
Enfin si qui a quiqu'in qui pourrot m'dire commint que j'dos faire; ej séros continte...
Bon ej sais bien qu'in dot tous printe des vacances mais ej treuf qu'in ch'momint ché déjà parti.
I faudrot pétète vire à faire eune permaninche pour ché méssaches ! Enfin pu ya pu rin qui va bin in France...

L'France alle tourne mal donc ej cros qui a eune répercution sur l'forum ichi...Ej dis cha ej dis rin....