Statistiques | Nous avons 403 membres enregistrés L'utilisateur enregistré le plus récent est Skylinfracmi
Nos membres ont posté un total de 33442 messages dans 2296 sujets
|
Le livre d’or | N'hésitez pas à signer notre livre d'or
|
Partenaires | Devenez partenaire de ce forum en nous envoyant votre bannière ou logo. |
| | Les hémoruïtes, drame minier! | |
| Auteur | Message |
---|
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Les hémoruïtes, drame minier! Ven 22 Jan 2010 - 11:18 | |
|
L'zeph,Joseph, ch'est ein mineur ed fond qui travalle comme ein nèque à l'fosse, à l'abattache. I est pas gros l'Zeph... Quind qu'i rinte, après s'journée, i est maflé, i est tellemint mate qu'i peut même pu soulver s'fourchette. I quérot dins s'n assiette. Laïte. Adelaïde, ch'est s'fin-me, ein' belle forte fin-me, pu d'chint kilos. I n'y restot qu'ses incisifes. In érot dit ein gros quien, tout comme es soeur qui habitot dins l'même coron et qui étot mariée avec el frère de s'n han-me. In arot dit qu'in avot cloner les deux ménaches. Et ein' intalle ! (1) Fallot intinte Laïte, su l'pas de s'porte appeler s'soeur l'après midi "MA ...RIE... VIENS ...BOIRE ...EIN'... GOUTTE... ED.. CAFE!!" Et Marie d'y reponte sans sortir d'es masonne, quate portes pu lon. "J'AR...RR.. RIFFFE!!" Cha n's'invinte pas !l!... Des cops d'sacsonne pas dz'oin d'téléphone. Tout cha ch'est biau, mais i faut que j'vous raconte de s'qui est arrivé à Joseph. N'rigolez pont ch'est fort grafe. Edpi ein bon momint, l'Zeph, i n'tenot pu. Au fond, dins l'bowette, (2) à l'heure ed s'arquinquer, (3) i mingeot sin briquet d'bout, au lieu de s'mette à crou-crou comme ses camarates, in tenant sin boutlot inter de ses gampes ... cha énervot tout l'monte. "Te n'peux pas t'assirrre comme nous autes au lieu d'rrrester d'bout comme ein' candelle, qui li dit sin camarate Bolek in roulant les R comme tout chés Polonais venus in France vers 1930, te nous éblouis avec et lampe, t'es corrre in pharrre ??? Les mineurs avotent déjà des lampes électriques avec des phares cones (11) edsu leus barettes dins ch'temps là, au mi-ieux du sièque. (Ch'atot pu Germinal quind même.) "Te m'escus'ras mais je n'peux pu m'assire, qu'i li répond l'Zeph, j'ai d'z hémorruites i te verros comme ej sus arringé, j'a tout essayé, y a rin, rin, rin à faire, cha s'passe pant". I n'arrot brai ch'malheureux. T'as surrremint pass tout essayé, qu'i li répond Bolek, mi, j'peux donner à ti, ein bon rrrr'mète. (I'z in connotent des rubriques chés Polonais. I dotent avoir des tiêtes carrées, la preufe, leus infants i'z étotent toudis les premiers de l'classe à l'école, in n'arrivot jamais ales batte même au fotballe) Cha m'étonn-rot ! Mais j't'accoute quand même !!". Qu'i arprind l'Zeph. I avot tell-mint d'mau qu'i s'serot jechté dins l'bouniou. (4) Te vos, l'Zeph, in Polonne, ...quand in vot ein biau crrrottin d'quévaux, in s'assi d'dins. Ch'est rrradical pour les hémorrruites. L'Bolek roulot les R in faijant vibrer s'lanque dins s'bouque. Te cros ? Te m'racontes incore des cacoules J'te l'dis J ti, te veux jamais m'acouter J T'as d'ja vu ein Polonais avec ed'z émorrruites ? Ecoute me ! Surrrtout n'mets pas d'canneyon ! Cha s'passerrra pu vite !I! Ch'est bon! ch'est bon! J'va essayer, in verra bin! Ein' coupe ed jours après, l'zeph s'in allot ouvrer avec ses camarates comme d'habitute. Y avot pas d'auto dins ch'temps la. Les ouvriers allotent à l'fosse in colonne, in perdant tout' el largueur de l'route. Achteur y a d'z autos, mais y a pu d'carbon, y a pu d'coron, y a pu d'mineurs. Henri, l'carrieux d'carbon, v'not d'passer aveuc sin quevau qui avot ein arrière train comme ein bidet d'labour. L'bidet avot laissé querre edsu l'dain-ne ein énorme crottin. I étot incor tout caud, i finquot cor. Les mineurs faijotent intintion d'pas marcher d-dins, et, naturelmint, ch'monsse (5) ed Bolek qui n'in perdot pas ein' s'met à crier : "Zeph !! Viens virrre ichi !l!In vient d'n 'in trrrouver ein biau, d'crrrottin !!! T'as pas mis d'canneyon ??? Baisse et' marrran-ne I!!Assis te d'dins ! T'in fais pont !!!In va t'mucher, comme cha in t'verrra pont !!!" Comme ein seul han-me, tous ses camarates intourent el Zeph in rigolant, pour qu'in ne l'voche pas d'ches corons. (Ches fin-mes, al sont toudis edsu leu porte in train d'arvetcher (6) s'qu'i s'passe a l'cour.) L'Zeph i fait ni ein' ni deusse. I baisse es maronne, i s'assit dins l'crottin, mais... I s'arlèfe incor pu vite, i bouscule, tout l'monte et i arqueurt à s'maisonne à toute vitesse, sans rin dire comme si i avot l'fu quette part ??? Ses camarates riotent aux éclats ... Yin a même qu'i'z in brayotent. .. Laïte qui préparot s'lessife pour laver les loques ed fosse de s'n han-me vot arvenir el Zeph, tout rouche, grimper l'z escaïers quate à quate et s'couquer sins s'desbotter (7) !!... Al ne l'avot jamais vu comme cha, li qui n'avot jamais été farcé de s'vie. "Quo qu'ch'est qu'i i arriffe ? Qu'al dit in elle même ??? I a que-u su s'tiête ??? J'i avos pourtant bin dit d'pas daller au solelle sans s'casquette !!!" Al n'osse pas l'déringer tout d'suite, al a peur qu'i monte à molettes (9)... Tout à coup in buque à l'porte ... Ch'atot justemint les deux tiots garchons à Bolek, in aurot dit qu'i'z étotent é pas tranquiles. "Quo qu'ch'est qu'vos voulez vous autes ??? Vous avez cor invoyé vou ballon dins min gardin ???" Qu'al leur deminte Laïte in bertonnant (10) ... "Non madame !!l Qu'i li répond l'pu grand ... Vous voulez pas demander à Zoseph si veut pas nous rinte nou attrape à moniaux ???" Edpu ch'temps la, l'Zeph qui étot si arvleux, i a pu jamais pu avoir d'infants.
Pierre BACHELET Wimille (62)
2 - voie d'accés à l'abattage 3 - reprendre des forces 4 - puits oil.sont puisees les eaux 5 - monstre 6 - regarder 7 - se deshabiller 8 -tombe 9 - expression, genre monter sur ses grands chevaux. Eleva la voix (les molettes sont haut perché)
10- maugréer, rouspéter 11- forme des phares |
Dernière édition par Roger le Ven 22 Jan 2010 - 21:09, édité 1 fois | | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Les hémoruïtes, drame minier! Ven 22 Jan 2010 - 15:28 | |
|
J'ai m'disos aussi, j'ai d'ja intindu ch'histoire la qu'ete part ! ! ! t |
| | | Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Les hémoruïtes, drame minier! Ven 22 Jan 2010 - 21:18 | |
|
t'as p'tête des trésors din tes photos pppb,mais mi ch'est des fameux textes din des livres que j'ai. j'étos ployé un deux quand j'ai eu fini d'lire ch'texte la, mais j'ai resté bouche bé quand j'ai vu tin nom in bas de l'page. l'monde est vraimint tiot! té n'as fait gramint des textes comme cha? parce que si t'es n'as core, et j'sus preneur... |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Les hémoruïtes, drame minier! Ven 22 Jan 2010 - 22:39 | |
|
J'ai cru qui n'avot un qui m'avot piraté eune ed mes histoires... ........ . J'ai toutes mes histoires , à peu près 175 in mémoire.. J'allos les mete eune par eune après avoir corrigé les fotes d'orto graves et aringé les textes un tiot peu ! ! ! ......... . Ch'est ti; Chez Ricard; L'iefe et l'taure; L'meilleux bradeux; Les motocyclistes; Alles kapout alles viennent ed la.....J'ai eu l'bonne idée ed d'les conserver. In les arlisant jé m'rinds compte qui faut les améliorer. ............ . Les photos, j'in ai des milliers, les premières in noir et blanc, J'peux pas les mète tertoutes, il faut qu'cha intérèsse dans l'site..insuite j ai fait grandmint ed diapos mais i faut un scanner espècial,( j'in ai un) , pour les digitaliser ch'est long! ! ! Enfin dépuis qu'ej sus in numérique, ch'est du billard ! ! ! . L'problème aussi ch'est qui faut pas faire eune salate russe aveu tout cha ou bin in artreufe pus ses jeunes. ..... ............ ........... |
| | | Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Les hémoruïtes, drame minier! Ven 22 Jan 2010 - 23:11 | |
|
Bravo Pébé, j'auros jamais pinsé à ch't'attrape à moniaux. |
| | | tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Les hémoruïtes, drame minier! Ven 22 Jan 2010 - 23:16 | |
|
pauf zeph quind même et après i cantot avec eune vox d'soprano ? in tout cas bravo ppPB |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Les hémoruïtes, drame minier! Sam 23 Jan 2010 - 9:23 | |
|
N'impèche qu'el première partie d'l histoire est vraie. . L'midi, au momint d'es mete à tape, Marie as métot as porte et alle criot: "ROOGERGERGERGERGERGER ! ! ! ! pour app'ler sin garchon pour qui viennent minger! ! ! ! .... . Bin sur qui n'a pas eu d'Zeph qui s'est fait printe ses amygdales dins eune attrape à zoziaux ! ! ! ...... |
| | | pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Les hémoruïtes, drame minier! Sam 23 Jan 2010 - 9:31 | |
|
. alle s'app'lot pas Laïte (Adélaïde) mais Henriette. Sin garchon, Roger étot dins l'même classe qu'el mienne. J'ai les photos d'ches élèfes ed 1940 "in réserfe" j'les metrai bétot d'sur el site...vire dins les corons ! ! ! . |
| | | Contenu sponsorisé
| Sujet: Re: Les hémoruïtes, drame minier! | |
|
| | | | Les hémoruïtes, drame minier! | |
|
Sujets similaires | |
|
Page 1 sur 1 | |
| Permission de ce forum: | Vous ne pouvez pas répondre aux sujets dans ce forum
| |
| |
| Qui est en ligne ? | Il y a en tout 3 utilisateurs en ligne :: 0 Enregistré, 0 Invisible et 3 Invités :: 1 Moteur de recherche
Aucun
Le record du nombre d'utilisateurs en ligne est de 54 le Sam 5 Juil 2014 - 16:40
|
|