Ci dessous l'un des poèmes écrit par mon papa âgés aujourd'hui de 92 ans.
Bonne lecture
Panther Papy
Min Gardin
I n'est pon grammint lon, l'gardin qu'jai eu d'min père,
I fait l'tour de l'mason, aveuc eunr grinne pièchinte;
L'bordure al est plein d'fleurs, et d'persi dins l'bonne tierre
Et dithym qui sin bon qui pleuffe o bin qui vinte.
Quint j'sus dins min gardin, là; j'connos pus personne,
Et dés qu'avril i pointe , qu'les crocus i s'démuchent,
Mi j'sais chou qué j'vas s'mer, même si l'orache i tonne.
Pon d'soin d'soin d'calindrier, ch'est l'timps qui faut qu'in r'muche.
I faut qu'in Février qué j'séme potions, dare dare,
In Mars, al saint Joseph, mette quate lines ed peune tierre,
Et qu'les primmiers glageots et pis les épinards
I z'ont peur de l'gélée et qui faut les couvert.
Chés viux z'avottent raison quind i s'fiottent à cheulle leune,
Quind el co i cantot, quind chifflottent les osieux;
Min gardin attindot du matin et s'qu'a l'breume,
Li i comptot sur mi, et mi, je l'ravisot.
Des ails et de l'salat et pis des échalottes
Pou coper cheulle verdure qu'in toulle au fromache blinc;
Ravisez chés couleurs, nulle part i n'da des z'autes,
J'vous l'dis, ch'est l'paradis dins min tiot coin d'gardin .
Tout dins l'fond d'min gardin, j'ai quère à m'inquermir,
R'wéttier l'iau de ch'fossé, acouter les osieux,
Tout in freumintt mes yeux, r'passer tout mmes souv'nirs,
Jé l'sais et pis j'lardis, min gardin ch'est l'pus biau.
Ch'ti qui connot point cha, connot pas sin bonheur,
J'voudros parfos li dire: " ravise d'un aute côté,
Si t'sins pus cheulle nature, si té n'sint pus les fleurs,
Alors, viens et suis-me, et rapprinds à marcher."
Paul Sébille
2éme prix de l'académie d'Arras 2005
Sujet: Nostalgie du pays minier 
Lun 5 Déc 2016 - 15:23
