Alle etot énorme.
. L’ marchante ed carbone d’Fouquières , alle étot énorme. Chétot in morcieau, in biau morciau d’ femme, alle pesot pus d’ 150 Kilos. J’aros pas souhaité qu’alle marche ed’ sur min pied. Des masses parèles . S’n’homme, li, y étot épais comme in carlet. Ch’paufe homme i risquot s’vie tous les nuits in allant s’couquer, s’femme alle arot pu l’écraser comme inne flamique in s’artournant dins sin lit. In s’demandot même commin qui devot s’y artrouver dins tous ches plis pour…..vous m’comperdez ! ! !
. Ches gins la rimplachotent l’carieux d’carbon et sin bidet . Is livrotent l’carbon chez les gins aveu un GMC à 6 roues, un tank ambulant acaté aux surplus américains. Alle étot tellmint grosse cheule femme, qu’alle pouvot pas rintrer dins l’cabine d’ech camion, alle restot d’bout d’sur l’marchepied , (jusque la ch’est vrai)……
. Vla qu’un jour, alle décède comme tout l’monte, chelle paufe femme…..Vous imaginez un peu l’cercueil qui avot fallu faire sur mesure pour elle mette dins l’boîte à domino ! ! !
. Pour ell sotir d’es majon, i a fallu les croque-morts i s’ mettent à six, à six !! I n’a pas un qui a voulu li croquer un ortel pour s’assurer qu’alle avot bin ravalé s’n’acte ed naissance ! ! . Donc pour elle sortir d’es majon, i a fallu l’passer par el frenête d’ech magasin, alle passot pas par cheule porte , et s’mette à six pour porter l’chercueil, et l’rintrer dins l’églisse …
. Alle étot dins l’églisse, ch’curé i faijot s’messe , quand v’la délégué syndical des croque- morts qui rinte in criant « Les gars, i a fgrèfe générale, i faut cesser l’traval ! ! ! ! » Ouai ! ! ! mais et grand-mère ? ? ? « Pas question, les ortes i sont formels, arpartez à vous majonnes ! ! »
. Bètes mais disciplinés, les v’la arpartis ……Ouai !! Mais qui ch’est qui va sortir, el fameux chercueil d’inne méga tonne , impossipe d’el décoller d’ech’ brancard ! ! ! ! Bolek, vous l’ connaichez , l’copain polonais à l’ Zeph li dit : « Attindez me deux minutes, j’arrrrviens aveu d’es c’qui faut ! » In effet, i arvient peu d’timps après aveu in tiot paquet. I l’oufe et i verse ed sus l’chercueil inne tiote pourette…… Miracolo ! ! ! Comme arot dit l’curé itaïen, v’la chercueil qui d’vient léger comme inne plume…Pus d’problème ! !
. « Co que ch’est qu’t’as mis la d’sure qui li d’mante el’Zeph ? ? »
. – Mi j’peux pas l’dirrrre à ti, ch’est un secrrret polonais ! !
. - Allez Bolek, un grand comarate comme mi, té peux m’el dire, jé l’répétrai à personne !
. – Bon, J’vas t’el dire quand même à t’norele, acoute bin, j’ai mis d’el levure ! ! !
(\__/)
(='.'=) « Annie té l’as connue l’marchante ed carbon ? ? »
(")_(")
. « A c’ qui paraît, a c’qui paraît, .. j’in sus pas sur, j’ai pas été vire.. A c’ qui paraît ,St Pierre, in l’veillant arriver au ciel, i arot dit comme cha : « Cette femme la, ne lui donnez pas d’ailes, on va la gonfler à l’hydrogène ! ! ! »
Sujet: Alle étot énorme. 
Mer 7 Mai 2014 - 17:54
