Depis l'début de l'semaine in a ichi un temps à arsortir chés courtes maronnes et tiotes ropes à fines bertelles.
Mercredi avec m'copine in a fait 13 kms d'proumenate dins l'campanne beaujolaisse. Ch'étot tout juste l'début des vendanches, ch'est presque un mos pus tard qu'à l'habitute, et i a même des indrots d'ù qu'cha va commincher foque l'semaine prochaine, vir dins 10 jours.
Bin j'peux vos dire qu'in a fait eune bielle balade dins chés vignes, in a gramint transpiré pace qu'i faisot un solel d'plomb, in frisot les 30°, mais in nd'a bin profité... cha cangeot du mos d'juin d'ù qu'i fallot sin wayka à chaque cop qu'in mettot sin nez déhors.
Aujourd'hui i fait cor eune caleur d'tout les diapes, mais j'cros qu'i faut bin in profiter pace que paraitrot que ch'est l'automne et qu'in va s'in rende compte c'ouiquende....
Mi, très égoïstemint, si i a de l'pleufe dimanche, j'm'in moque, j'sus infreumée toute l'journée... in a repet d'chorale d' 9 h 30 à 17 h 30..
L'premi qui dit que ch'est à cause d'cha qui va pleuvoir, i a eune margnouffe (ouais, j'ai artreuvé min cahier à margnouffes  )

Nous cha y est, cha quer d'pis ch'matin, in a des grosses draches et ch'est les vendanch' d'pis eun' seminne ichi aussi, is vont êtes dins l'bidoule pou vendanger.

........ Ichi i pleut pus d'pus un bon momint mais i n'a pas d'solèle. Dins l'gardin ch'est catastrophique....aveuc l'aison qu'in a eu, à part les salates et les chitroules, ch'est la cata. Tous ches tomates qu"alles sont dins l'gardin alles pourritent d'sur pied. Ch'est le Noooord. pour du bon.
Hier i a eu du solèle traitreumint chinq minutes, tout jusse assez pour m'éberlouir et foute min Mosquito par tierre, j'atos éberlouis à mort.Forchémint in n'est pus habitué à l'vire ch'ti la.
Nez cassé, bof ! ! un tiot peu d'colle et d'accélérateur et dix minutes après i est armis à neuf.
     
Ch'est cha l' Mosquito

.      Un sacré appareil tout in bos, ch'est avec cha qu'les Inglais on abattu les murs de l'prison d'Amiens pindint la guerre pour qu'les prisonniers français puchent s'évader. Is ont aussi balancé des bompes dins les ferniètes d'la gestapo à Bruxelles.

.      J'avos pas comprind tot d'suite  qu'ch'étot du Javanais;"'i fallot sin wayka"
.     Bon i faut qu'j'arcolle min "Toquimos" ach't'heure
In a du zi dins noute site
Caroline: "avoir du zi" ...du plaisir, rigoler
     







 

Pindant qu'i y a du zi tin mosquitos i a bobo à sin nez.

Cha pourrot ète pire, les morciaux sont intiers.

Bon bin, l'pleufe a bin quéhue toute l'journée hier... pindint qu'in répétot in avot l'bruit des gouttes d'sus l'tôt in genre d'plaques, cha timbourinot sec, si qu'in avot été dehiors in arot été noyé !
J'sus rintrée réhue, l'tiête comme eune bouleusse, ch'est intinsif des jornées ainsi.
Hier au soir j'auros bin aimé m'détente et nin ête énervée par différentes séquos. Bref !
Après tout cha, c'te nuit pus moyen d'dormir à partir d'deux heures au matin. J'me sus réveillée au mitan d'un cauchemar. In étot au début du concert et là pus moyen de m'souvenir des paroles et de l'chorégraphie des canchons, tertous de l'chorale m'ravisot d'travers... du cop tout l"reste de l'nuit j'ai arpassé chés paroles dins m'tiête.
Bin sur c'est quind ch'étot l'heure de m'lever que j'aros bin arpiqué un somme.
Ch'est vraimint bête chés cauchemars pace que vérification faite au matin, j'ai nin oblié chés paroles !