|
Auteur | Message |
---|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Espoir ou obstination? Ven 14 Juin 2013 - 16:24 | |
|
Mes gins, je viens d'accomplir un geste qui me rimplit d'un trouble incroyape.
Nan, ch'est nin vrai, cha ne me trouble nin. Cha me fait plutôt sourire in-dedins....
Figurez vous que je viens de semer de l'jachère fleurie à min gardin.
Vu le prix que je l'ai payée, je peux croire que ch'est de l'bonne!
Reste à vir si ches graines, eune fos qu'elles vont me vir approcher d'elles, elles ne vont nin se suicider, comme ch'est eune maladie avec l'plupart des plantes que je mets à min gardin.
A ch't'heure que ch'est semé et qu'i faut arroser régulièremint, i m'est d'avis qu'in est au début d'eune périote de sécheresse.
Allez, in croise ses dogts et suspence!
Si qu'i monte autre cosse que du cruaud, promis, je vous le dis. |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Espoir ou obstination? Ven 14 Juin 2013 - 17:24 | |
|
C'est pou rimplacer les salates ? (pou les nouvieaux su ch'forum, photo de l'salate avint d'rincontrer Batisse...) |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Ven 14 Juin 2013 - 17:29 | |
|
Ch'est vrai que des salates je n'd'ai mingées quelques eunes quind même. Sur 28 i n'd'a bin eu eune bonne dizaine qui ont survécu. Ch'étot des volontaires |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Espoir ou obstination? Dim 23 Juin 2013 - 9:04 | |
|
- batisse a écrit:
A ch't'heure que ch'est semé et qu'i faut arroser régulièremint, i m'est d'avis qu'in est au début d'eune périote de sécheresse.
citation à Batisse datint du 14 juin: A m'mote que t'aros nin fait fortune in prédisint l'météo ! Nous in a fait l'fu de l'St Jean dins l'queminée, y faijot cru aveuc toute c' pleuff... P't'ête que cha sera les limaces et les escargots qui vont minger l'jachère fleurie à Batisse. Ch'est du bon mingé qu'y donne Batisse. |
Dernière édition par Mérilou le Dim 23 Juin 2013 - 12:28, édité 1 fois |
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Dim 23 Juin 2013 - 9:46 | |
|
Gnagnagna!
J'ai semé cha pour les abelles, nin pour les limaces.
D'ailleurs, si qu'i a des limaces qui s'avinturtent dins le camp, elles vont être surprites: J'ai tout saupoudré de marc de café. Je n'd'avos un rute stock vu que j'ai eune machine à capsules in alu que, eune fos qu'elles ont servi - quind même..... - i faut les ramener à des points de collecte pour l'arcyclache. Et vu que cha m'imbête d'y aller, j'arpousse toudis à plus tard. Du coup je n'd'avos 2 sacs pleins. Eh ben j'ai passé eune paire d'heures à ouvrir chaque capsule avec un tiot coutieau et à vuder le marc dins un saladier. Un grand. Je n'd'ai rimpli deux. Je n'd'avos marre savez.
J'in ai mis aussi chu mes rosiers vu qu'i parait que ch'est radical contre les pucerons. I n'avot nin de pucerons mais comme cha, i ne devrot nin y avoir de mauvaisse surprisse. Armarquez, je les arwette tellemint souvint mes roses que j'aros peut-être jamais vu qu'is étottent bouffées à pucerons!
Enfin bon, l'jachère elle pousse. In vot du vert. I a même un cat qui a fait un trou dedins pour vir si que l'tierre elle avot été ramollie profond. Et cheule sale biête elle n'a nin arbouché sin trou. Faignasse! |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Espoir ou obstination? Dim 23 Juin 2013 - 12:34 | |
|
- batisse a écrit:
- Eh ben j'ai passé eune paire d'heures à ouvrir chaque capsule avec un tiot coutieau et à vuder le marc dins un saladier. Un grand. Je n'd'ai rimpli deux. Je n'd'avos marre savez.
te sais qui n'd'a qui ramasstent les mégots d'cigarettes su l'pavé pour récupérer l'toubac? ch'est bon aussi conte les pucerons mais ch'est nin bon pour les poumons. Pour les pucerons, un cop d'eau au tuyau cha suffit des fos sinon du savon noir ( dilué ) qui t'reste après avir lavé tes gampes. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Espoir ou obstination? Dim 23 Juin 2013 - 16:50 | |
|
- tiote bellotte a écrit:
- C'est pou rimplacer les salates ?
(pou les nouvieaux su ch'forum, photo de l'salate avint d'rincontrer Batisse...) Au sujet d'salates. Pour les ceusses qui suiftent, j'arparl'rai du camarate chef qui avot un lapin qui pésot 21 lifes et qui avot des orèles, l'lapin, comme des espadriles.....du 44. . Un jour i n'a un, qui , dins air inochint qui parle d' ses salates, histoire d' brancher Edouard, l'homme au lapin, sur les salates. ........Aussi fèle, v'la c'qu' i a répondu note Edouard:" Mi , dins min gardin, j'ai des salates comme des plaques à lunette. Em' fime alle in cope eune tranque tous les jours à midi..." (Eune plaque à lunette ch' est plaché au croismint deux rales d'décauville pour faire glicher l'berline d'sur l'rale à l'équerre....ch'est in fonte i faut ète deux pour l'souliéver....In gros 1mx1m).. In pusse quand qu'Edouard i avot arraché ses carrottes sin terrain i avot baissé d'dix chintimètes..... Ses porions ? eune line à 3000 .......(haute tension 3000volts)................ In n'a jamais pus savoir si qu'i dijot cha pour blaguer ou si ch'étot pasqu'i avot été commotionné pindint la guerre 14/18. In s'est souvint posé la question....In n'a jamais treuvé l'réponse..... ....... Un jour min père travaillot l'long de l'line d'quémin d'fier qui surplombot l'gardin à Edouard.....Edouard étot dins l'gardin cha a bin tombé. Min père:" Ch'est tin gardin Edouard ? j'pinsos qu'ch'étot l'gardin d'un herborisse !" |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Dim 14 Juil 2013 - 9:32 | |
|
Apprêtez vous à rigoler mes gins. Je viens ichi vous donner des nouvielles de mes semis. D'abord, il y a eune bonne nouvielle: cha pousse. Ch'est tout vert. Insuite, i a eune deuxième bonne nouvielle: i a eune fleur. Foque eune et à m'mote que ch'est du cruaud. Arwetchis cha si que ch'est bieau: Je sins que l'suite va être magnifique. I faudrot peut-être que j'arrose... Quand qu'ch'est qu'i pleut? |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Espoir ou obstination? Dim 14 Juil 2013 - 10:40 | |
|
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Dim 14 Juil 2013 - 11:17 | |
|
Eberlué, cha dot avoir l'même racine que berlou énon? Armets te pépé, je ne voudros nin que te restes berlou! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Espoir ou obstination? Dim 14 Juil 2013 - 14:19 | |
|
Eberlué ch'est français, cha n'a rin à vire aveuc un berlou.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Lun 29 Juil 2013 - 19:22 | |
|
Yesssssssssssssssssssssssssss! Arwetchi me cha mes gins.... Mes premis bébés de ch't'année! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Espoir ou obstination? Lun 29 Juil 2013 - 20:08 | |
|
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: Espoir ou obstination? Lun 29 Juil 2013 - 20:33 | |
|
- batisse a écrit:
- Yesssssssssssssssssssssssssss!
Arwetchi me cha mes gins.... Mes premis bébés de ch't'année! Ch'est nin vrai ! t'as réussi à cultiver autre cosse que des pichoulits.......in vot qu'in est in 2013 : un' année porte-bonheur pour tes fleurs ! |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Espoir ou obstination? Dim 4 Aoû 2013 - 9:50 | |
|
Oh... j'vos qu'Batisse y'est in ligne: Bonjour frérot! Je n'voulos nin réponte à t'plache. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Dim 4 Aoû 2013 - 9:52 | |
|
Arwetchi ch'est comme raviser, mais cha se dit plutôt vers l'civilisation (59 région Roubaix Tourcoing). Cha viendrot du flamind que je ne seros nin étonné. Les inglais is distent watch et à m'mote qu'i a un mot flamind qui arsonne à cha.
Le "ar" de arwetchi i disparait souvint dins les phrases. In intind grammint de wette ichi monhomme comme i berloque, par eximple.
Du cruaud, ch'est de l'mauvaisse herbe, aussi là-haut vers l'civilisation....
Ichi tout d'un cop i fait brenne. Cha tonne au loin. Je vas me dépêchi d'aller arroser mes fleurs avint qu'i pleufe.... Un bon diminche à tertous et sin quien. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Dim 4 Aoû 2013 - 9:55 | |
|
- Mérilou a écrit:
- Oh... j'vos qu'Batisse y'est in ligne: Bonjour frérot!
Je n'voulos nin réponte à t'plache. Te pouvos mérilou. In puq in a raconté tous les deux les mêmes cacoules. J'éteins jamais min lordi. Du coup in crot que je chus toudis in ligne, mais ch'est nin pour de vrai. Allez, un bon diminche à ti et pis à tertous. A m'mote qu'i va faire vraimint mauvais ichi. I va falloir que j'alleume l'leumière tellemint qu'i fait brenne. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Dim 4 Aoû 2013 - 11:11 | |
|
- Matante a écrit:
-
- Citation :
- Ch'est nin vrai ! t'as réussi à cultiver autre cosse que des pichoulits.......in vot qu'in est in 2013 : un' année porte-bonheur pour tes fleurs !
Gnagnagna! Ch'est nin parce que t'as t'main plus verte que l'mienne - ch'est nin dur - qu'i faut rire de mi hein! In tous les cas elles vientent d'être copieusemint arrosées, sins grêle, mes tiotes fleurs et à m'mote que ch'est mi qui vais te faire indever d'ici bétôt in te les moutrint in pleine forme alors que les tiennes elles seront déjà toutes fânées usées mates. Nan mes des fos.... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Espoir ou obstination? Dim 4 Aoû 2013 - 18:41 | |
|
Nous dins l'62 in dit putôt arvét' chi, du verpe "arvétier" qui veut dire "regarder"; "raviser" et in met chi pou dire ceci ou cela. Exemple: ravisse chi, ravisse cha ou arvét' chi ou arvét' cha. - " Ravisse me chi l'brun qu' t'as laissé dins l'cuisine " - " Arvét chi l'brun qu' t'as laissé dins l'cuisine " Comme vous l'véyez, cha s'dit aussi dins l'62 |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Dim 22 Sep 2013 - 11:57 | |
|
Bon, eh ben mes gins, finalemint m'jachère elle n'est nin si mal que cha. Les rieux de gins is n'ont qu'à serrer lus guiffes. Arwettez me cha et, cha qui me fait le plus plaiji dins tout cha, ch'est l'tiote abelle qui vient faire sin plein de pollen chez misaute. Allez, un bon diminche à tertous, même aux rieux de gins.... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Espoir ou obstination? Dim 22 Sep 2013 - 19:18 | |
|
Bin ch'est vrai qu'ch'est biau, qu'ch'est réussi, té vos qu'i faut persévérer. Té va pouvoir offrir des fleurs ed tin gardin à ch't'heure. |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Espoir ou obstination? Lun 23 Sep 2013 - 13:41 | |
|
Ben cha alors ! j'reste sins vox devint l'jachère à Batisse !!! et croyez me c'est nin souvint que j'reste sins vox ! In pourrot presque croire qu'eune main féminine a apporté s'contribution à cheule bielle jachère...
ben merte alors ! j'voulos mette un tiot émoticone mais je n'les ai pus !!! vosautes aussi, ou bin ch'est cor min manicraque qui fait des siennes ???? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Espoir ou obstination? Lun 23 Sep 2013 - 15:20 | |
|
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Espoir ou obstination? Lun 23 Sep 2013 - 15:52 | |
|
cha y est les émoticones sont arvenus dins l'barre !!!! is étottent sins doute partis in alsace raviser eune époustoufflante jachère fleurie..... |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: Espoir ou obstination? Mar 24 Sep 2013 - 15:09 | |
|
Te pourras participer au Concours du plus bieau gardin de l'Alsace... |
|
| |
Contenu sponsorisé
| Sujet: Re: Espoir ou obstination? | |
|
|
| |
|