Aujord'hu i a fait moins caud que les jours d'avint et pis ch'est diminche et pis je fais cha que je veux.... bref, j'ai été faire un tour in mobylette, histoire de finir d'user un peuneu arrière qui étot incore un tiot peu bon chu les côtés.

Aujord'hu ch'est diminche et le diminche la plupart des caméons is n'ont nin le drot de rouler et donc, in général is sont à lu garache. Priorité à ceux qui ne font rin et tint pisse pour les heures majorées, les heures sup et pis tout cha... qui pourrottent faire marcher l'économie un tiot peu miux.

Quo qu'il in soche, in passint du côté de Remiremont, dins le départemint des Vosges, j'ai tché chu eune séquo de magnifique. Du coup je m'a arrêté et j'ai pris des photos, vu que j'avos un apparel exprès pour, ET QUE J'AVOS DES PILES DEDINS. Et toc!

Arwetchis cha si que ch'est bieau! I n'd'a nin deux parels. Ch'est un transporteur qui s'appelle Rouillon. Pauf garchon, i ne peut nin s'appeler batisse ou bernard ou bertrand ou n'importe quel prénom in b, vu que cha ferot brouillon....

Vraimint, chapeau ! ! ! Du grant art, is dotent pas passer inaperçus les caméons  à Rouillons....
Si qu'jé m'réfère à l'deuxième photo, i fait aussi d'importation d'gonzesses ?

Qu'mint qu'cha s'fait que je pon vire ches photos prisses avec un apparèle qui pou eun' fos avot des piles.

T'as incore bricolé à tin manicraque?

Mi je les vos bin les photos. Et incore miux in buquint dessur. Ch'est eune expression informatique hein garchon, ne va nin tcherre eune masse à tin garache pour buquer chu tin écran. In ne sait jamais avec les boyaux rouches!

Je t'in foutros mi des pour eune fos qu'i avot des piles....

Bin cha y est j'les vos aussi, cha fait plusieurs cops que j'dos attinte longtemps ches photos

I a peut-être un noeud dins tin fil de téléphone. Je seros ti je vérifieros. Allez garchon, à plat vinte in-dessous de tin bureau! Profite z'in pour netchi l'poufrinque.

bonsoir vous autes du nan nan comme dijot m'Mémé .Je m'régale intre les bielles photos et pis vos cacoules  Merci bin

batisse a écrit:

bref, j'ai été faire un tour in mobylette, histoire de finir d'user un peuneu arrière qui étot incore un tiot peu bon chu les côtés.

 Chés du bieau boulot ch'est fotos là ,
Pis heureus'mint que t'avos mis des batonnés à jus dins t'n'apparel ,
Cha n'a pon dû êtes facile pou ti d'rouler d'su les côtés d'tin peuneu pou miux
l'user , pis in roulant ed brindzinc comme cha si l'maréchaussée t'avot vu t'étot bon pou ti souffler dins l'pipette .... 

VINON D'VINNON CHO CHE DES CAMIONS MI CHA M'PLAIT

ch'tilo qui m'plait che ch'tilo aveu BRANDO  de ch'lequipee sauvache (te sais ch'fime) aveu s'moto

ch'qui a d bien che qu#te parle aveu des mots diferins

arvetichi  (par eximpe)

ravise ichi

ou ben arbeille ichi

jai'm'regale

ermets des piles pis essaie d'saquer un tio mone pu pres comme cho j'verrai miu l'guif a Brando p'rochain co

j'tarmercie pour cho

ch'criniu:D

dins min villache in dijeu

a propos d'arbeiller regarder

as tu  arbeille ch'fime hier au veupe al premiere?

ou j'est teu intrain d'arbeiller derriere ch'laillure che sale jones y zeteutent intrain d'maquer mes chriches

ou une autre version de regarder

j'etais muche derriere ec'ch'mur pis j'mileu  (verbe miller) che sales jones traficoter a min someca:D

otiles

nous in dijeux



otius

amogne tes otius na du traval

ch'criniu

Vous avez bétôt fini de rigoler de mi mes gins... j'ai investi dins un chargeux de batteries intelligint.

Cha qui m'étonne ch'est qu'i n'est nin fabriqué dins le 59. Mais je ne seros nin étonné qu'i aiche été c o nçu là-haut (je mets des espaces sinon le chef i prind cha pour un gros mot et i me met des tiotes étoiles à l'plache). Infin, je dis cha au sujet du lieu d'invintion, je ne dis rin hein. Ch'est foque pour faire indever des boyaux rouches. Ch'est min ju préféré.

In tous les cas min chargeur magique ch'est un bazar qui ardonne lu virginité aux piles archargeapes qu'elles ont été mal archargées. Cha prind plusieurs jours pour les récupérer mais cha les récupère. Je l'ai étrenné avec un ju de 4 batteries de 2700 mA que ch'étot celles qui tenottent le plus longtimps . Eh ben chu les 2700 i n'd'avot près de 2000 qui étottent artournés à l'boutique du marchind. Chu les 4 i n'd'a 3 qui sont déjà récupérées, aux alintours de 2500 et l'dernière elle est toudis in train de s'argonfler. Cha fait 3 jours que le processus i tourne.

Alors les photos, hein, à la pelle que je vas pouvoir in faire. Binte de moqueux de gins!

Et in même timps que le chargeux miracle, j'ai trouvé de batteries AA à 2900 mA. A m'mote que l'apparel à photos i sera usé avint les piles!!!!
Vous avez vous guiffes qu'elles pindtent là, énon?

ben mi m'guif al pin cho che certain:D

Salut Batisse,
alors ch'est quoi tin chargeur magique qui ar'met chés batries à niveau.
Mi cha fait longtemps que j'tourne avec des 2700 mA pou min GPS d'rando, cha tiens pus longtemps, mais j'in ai toudis deux in plus, pou pas m'perte dins chés montannes.

.      Nous in dijot outieux..ou autieux ....dins min coin.
...........
Vous allez pouvoir faire cuire des brochettes aveuc vos batteries vous zautes.
A m'mote qu'si tes batteries alles sont ressussitées ch'est pas qu'alles étotent pas mortes, dins in état comateux  pétète. 
.            I n'a que l'Bon dieu qu'i peut faire des miraques.
.......... Mi j'dis cha j'dis rin, Hier l'batterie d'min bimoteur est décédé subit'mint......sans crier gare....heureus'mint qu'l'avion n'étot pas in l'air......min chargeur électronique ultra super plus qu'in peut brancher d'sur l'PC, i m'a dit d'sur l'écran "Acoute fiu, t'batterie alle est morte, acate z'in eune aute"" I l'a pas dit comme cha mais à peu près....
...j'viens d'un arcommander eune. Si qu'vos battries vous claquent dins les mains, ch'est pas grafe mais nous, les modélisses, ch'est la cata assurée.
  

L'miraculé.....

.     Batterie Kapout.......avant le vol.
Ch'est l'miraculé pour l'deuxième fos.
Histoire incroyape, heureus'mint qu'i avot des témoins.  J'avos prévu d'filmer l'paysache. aveuc l'apparel photo, i n'avot pas d'vint du tout. J'ramène l'avion d'la mer vers l'intérieur du pays assez haut....quand......soudain......pus d'radio du tout.   V'la l'aroplane parti vers Outreau en vol plané...sans radio......jé m'veyos déja appler les pompiers pour daller l'arpéquer d'sur l'tot d'eune majon.......et bin non....i a fait tout seu un énorme cherque et i est arvénu TOUT SEU SANS RADIO S'ARPOSER COMME EUNE FLEUR IN PLEIN MILIEU D'LA PISTE......in n'arot pas fait miux......
 

y saveut qu'sin pere y l'eto po loin..(y sest dit

si j'arviens po in rintrant j'vas r'chuvouere eunne bonne tantoule........ou ben eunne decherclure aveu ch'martinet:lol!: 

ch'criniu