Eune variinte...
Ah ben te vlà! Bonjour ma bielle. Je joquos après ti....
Les caleurs elles s'in vont. Je veux dire: l'automne i arrife... ne me fais nin dire quo que j'ai nin dit!
Renaud et Sabine, ch'couple de brafes guévaux, ont saqué tin carrosse jusqu'à ichi, l'plache du villache, d'ùche que je chus à t'attinte, tel un condamné. Euh... ch'est pour de rire hein!
Seulemint is n'ont nin le drot, ni les guévaux, ni le carrosse, d'intrer dins l'salle. L'imminse salle de 32 millions de mm², d'ùche que nous témoins joqtent après nousautes, bin serrés.
Du coup je t'invite à monter ches marches à pids, au bras de tin frère ou de tin mononque, pour aller vir Madame le maire, qui comme convenu intre nousautes, va nous marier, afin qu'in peuche continuer nous vies insonne.
Dis i de me laichi le timps de m'arfaire min déguisemint, et j'arrife à tout berzingue à côté de ti!