pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: I li in fallot à Marie Dim 5 Mai 2013 - 7:35 | |
|
I li in fallot à Marie.. Quand qu’i s’a mariè, i s’attindot pas à cha zeph, pasqu’i li in fallot à Marie. Alle in avot jamais assez.Alle étot fot portée pour l’artique , pour cha, si bin que l’Zeph i dépérissot à vue d’euil.I dév’not transparent. Ses camarates,au fond, is s’foutotent d’li in li dijant : . . .« Alors Zeph, t’as l’cop d’cotron ? ? » . . Ch’est vrai qu’au début in fait cha pou’s’distraire mais à répétition, cha dévient eune corvée…Faut fournir ..In a bieau dire mais cha fatique, d’autint plus qu’i étot à l’abattache. I saquot d’dins l’Zeph, i arot mordu l’carbon aveuc ses dints. I n'arrivot pus à soulvier s'fourchette in mingeant.…..,. « Acoute me ,qui li dit Bolek, sin grand camarate, t’as qu’à li dirrre, à Marrrrie, qu’alle va perrrte ses orrrrganes, cha va l’calmer. Té rapasses par l’charrrrcutier, t’ acates 1 kg d’corrrée et té li mets inter ses gampes pindint qu’alle dorrrt…. – Quouque ch’est qu’cha ,d’eule corèe ?. -- De l'corrèe ch’est des morciaux d’poumon, d’boyaux d’pourchiaux, ch’est aveu cha qu’in fait des trrripes in Polone.»....... In rintrant, Zeph i dit à Marie : « Té sais Marie, in dévrot faire cha un tiot peu moinsse souvint , té vas avoir un sale tour, té vas finir par avoir eune deschinte d’organes et au plus pire té pourros les perte, tes organes... – Té cros Zeph ?. – Certain ! ! Sur et certain ! Té peux m’croire. Tou les méd'cins té l''diront.»… …. L’ lind’main, Zeph, i étot du matin. I lièfe pour daller à l’fosse à six heures, sans réveiller Marie, comme d’habitute, prépare sin boutlot d’café, sin briquet, et, avant d’partir gliche l’corèe qu’i avot acaté l’vèle, inter les gampes à Marie qui ronflot comme…un moulin ? Nan comme eune torquaine... .Sin posse fini, à deux heures, i rinte à s’majon, Marie alle étot core couquée.. « Té t’as pas liévée Marie ? T’ es malate ?. - Nan Zeph. Figure te qu’i m’arrife un sacré tour Zeph…comme té l’avos déviné, j’ai perdu mes organes….. - T ' ’as pas souffert au moinsse ?. -Nan Zeph, pour les perte nan , mais pour les armète in plache, j’té dis pas ! » . Ch'est pas chrétien d'faire des trucs comme cha. |
|