. « Alors m’ file, ch’va aveuc t’n’homme ? ? I s’a aperchu d’rin ? ?
. - Nan aman, i s’a aperchu d’rin....
. – Et au point d’vue….. d’l’artique, cha va aussi ? Au point d’vue….
. – Man diu, té peux pas savoir aman, i m’fait cha à la Cosaque ?
. – A la Cosaque ? Commint cha à la Cosaque !
. – Ouais, à la Cosaque ! ! J’ m’allonche d’sur eu l’lit, tout nue bins sur, les gampes bin écartées, i monte d’sur ch’l’amère à glache et i plonche d’sur mi in criant, comme les Cosaques quand qu’is mont’tent à l’ assaut : Hourra ! Hourra ! Hourra !
. – Hourra ? Tros fos ? ?
. – Ouais aman, tros fos ! ! !
. – Va falloir qu’j’in parle à tin père, i n’ m’a jamais fait cha. »
……
……Eul lind’main, alle rapasse chez s’ maman pour boire eune goutte d’café comme d’habitute : parsonne ,parsonne dins l'majon….Alle s’adresse à l’voisine :
. « Bonjour Laïte, vous savez pas du qu’alle est m’mère, i n’a parsonne à s’majon ?
. - J’sais pas m’file, tout s’que j’sais, ch’est qu’ alle a été inméée à l’hôpital par l’abulance ch’matin. . J’in sais pas d’puque. J’irai l’vire après midi quand qu’j’arai fini min ménache..
. – J’vous armarcie Laïte, j’vas y daller to d’suite. »
. Vous pinsez bin qu’ Marie alle a racouru à l’hôpital à zélan.
…….Min Diu que malheur…vous érotent vu l’dallache,s’maman alle étot allongées dins un lit, les yux à mitant artournés, les gampes in l’air, des tuyaux branchés tout partout…..affreux ! !
. « Alors aman quo s’qui s’passe ? ? T’as été écrasée par eul’carabrasseux ? ?
. – Ch’est pas cha m’file, tin père i a voulu faire cha à la Cosaque, cha fait tros opérations qu'ech' j’ subis. In n’ a pas core artreuvé tin père ! »