Hier, avec mes collègues, à défaut d'parler d'barbecues, d'grillades et d'toutes les séquos qu'in fait quind i fait bieau, in parlot desserts, chés desserts qui mettent du baume au coeur et qui rindent d'bonne humeur -pace qu'in c'momint qu'est ce que les gins sont rinfrognés-.
Mi, pus j 'vieusis, moins j'sus gâtieaux, des tartes aux fruits j'dis pas, mais chés gâtieaux au chocolat ou bin couvert d'crème au burre cha m'écoeure.... mais j'ai fort querre les flans, ou crèmes aux oeufs, in pus mes tiots pensionnaires ont fort querre cha aussi alors j'in fait gramint.
Donc in s'écangeot nou arcettes et là j'ai eune collègue qui me deminde si j'fais cuire mes flans au bain-Marie... mi j'éclate d'rire et j'y deminde si qu'elle connaitrot pas un certain Batisse.
Devint sin air surpris j'ai espliqué qu'i avot un rieux d'gins qui s'appelot Batisse et qu'i pinsot que j'faisos tout cuire au bain-Marie, même les asperges. Tout cha pace que queques fos, j'insiste bin su l'queques fos, j'ai mis des arcettes d'sus l'forum qui s'faisottent au bain-Marie
.
In tous les cas, m'collègue m'a dit qu'elle aussi faisot cuire chés flans au bain-Marie et vous savez c'que j'y ai répondu (in français pace que ch'est eune lyonnaisse qui n'comprind nin not' bieau langache) ? : "Si je dis ça sur le forum, Batisse (et d'autes) vont dire qu'il y a un nid de cuisinières de bain-Marie dans l'Beaujolais"...
Comme j'dos avoir querre m'faire indever, j'garde nin cheule anecdote pou mi et j'vos l'raconte....
Sujet: Bain-Marie 
Mer 29 Mai 2013 - 8:28
