Bonjour mes gins,

Je ne sais nin où mettre min messache. Ch'est nin eune arcette mais cha se rapporte au minger. Je le mets ichi. Si qu'i n'd'a des qui ont eune meilleure idée, is n'ont qu'à s'arringer avec le grind chef à pleume ou avec s'pleumette.

D'ailleurs ch'est peut-être l'pleumette in question qui va me réponte....

Je chus toudis saisi du prix des nouilles fraîches qu'in trouve à acater au marché ou dins des magasins plus ou moins spécialisés. Plus de 10 roros le kilo pour de l'farine et des oeufs, je veux bin, mais i a un truc... Bon, d'accord, i a peut-être aussi du sel, mais cha n'est nin cher au kilo non pus.

D'autint que je trouve des nouilles fraîches chez Leclerc, in marque eco+, à nettemint moins d'1 euro le paquet de 500 grammes (je me deminde si ch'est nin 0.59....).

Alors, qiuo qu'ch'est qui fait qu'eune nouille fraîche elle est meilleure qu'eune autre et qui pourrot justifier un écart de prix de 1 à 10?

J'ai eune question subsidiaire: ch'est quo l'différince intre de l'semoule et de l'farine? Parce que chu les paquets de nouilles ch'est écrit qu'elles sont fabriquées à partir de semoule de blé dur. Pour mi de l'semoule ch'est des morcieaux de grain, un tiot peu comme du couscous. Je me vos mal faire des nouilles avec du couscous. Alors commint qu'is font ceux qui le font?

Qui qu'ch'est qui peut m'expliquer ches mystères? D'avince, merci!

. Gogole: La semoule est une sorte de farine granuleuse, généralement fabriquée à partir de grains de blé dur. La farine est délayée dans de l'eau afin d'obtenir une pâte.
Ch'est pas c'qu'in sert aveuc l'couscous ?

Ben ouais, ch'est cha qu'i me paraît bizarre: ch'est écrit chu les paquets de nouilles qu'elles sont faites à partir de semoule de blé dur, ch'est à dire d'un machin granuleux, alors que les nouilles cha n'est nin granuleux du tout.

Ou alors de l'farine de blé dur, même qu'elle est aussi fluide que l'farine "ordinaire" cha s'appelle de l'semoule?

L'lingue française elle est des fos bizarre. J'ai du attinte presque 64 ins pour découvrir qu'in français il n'y a que l'mot "où" qui comprind un ù avec un accint grave et que donc il y a chu les claviers eune touche espéciale pour eune lettre utilisée dins un seul mot...

Ouais, bon, in s'éloigne des nouilles....

et te sais c'mint qu'in fait pour mette le e dans l'o ? comme dans cœur ...

donc ché simple minger de l'semoule in grains comme dins l'couscous ou minger des noulles cha r'vint au même..foque que ché plus vite tchu . J'ai bon ? et les lasannes alorsse ?Et les spaetzels ?

flersois a écrit:

et te sais c'mint qu'in fait pour mette le e dans l'o ? comme dans cœur ...

Nan, ch'est un des rares bazars pour lesquels je compte chu le correcteur automatique d'orthographe....

Du timps des machines à écrire qui ne faijottent que cha, je suppose qu'i avot moyen de faire arculer le chariot d'un demi pas. A ch't'heure, avec le progrès, i faut laichi faire. Ch'est le progrès....

Là j'écris coeur avec les lettres bin séparées et in va vir cha qu'i sort au démoulache....

Ah.... et commint que t'as fait tisaute?

faut foque appuyer sur :Alt et mette 0156 sur l'clavier des chiffres œ

In peut aussi aller dins l'table des caractère spéciaux..pour les aut"s signes autremint qu'ainsi.

J'ai rin compris. Mi tchand que je buque Alt et que je buque 056 chu le clavier des chiffres, i sort un 8 tchand que je lache le Alt!

Te ne seros nin in train de faire comme Marcel des fos? (toucher à tout à tin manicraque, histoire de voir tchand qu'i comminche à funquer.... Euh, t'as incore du son chu tin manicraque ti? parce que li, ch'est un bazar qu'i casse tout de suite.)

Je sins que je vas continuer à écrire tchoeur avec sin e nin dins l'o, ou sins sin e dins l'o, comme vous voulez....

J'comprinds pourquo qu'cha va nin, j'ai mis 056 min préfixe de téléphone à'l plache de 0156


cœur

C'que je n'treufe nin c'est commint rajouter ch'mot dins l'dictionnaire..



In peut arvénir à tes noulles ! 'T'les aimes bin à'l cassonate brune et du bon burre ?

Beurk beurk beurk beurk.

Les nouilles au chuc, j'ai jamais su! Le riz non pus.... Désolé, bien que je soche d'origine flaminque, i a des gênes qui se sont dilués.

Les bières belges, les pralines et tout cha, cha va...

Bon v'là s'qu'in peut faire :
€, À, Ç, È, É, Ö, Ô, Ü, Û, Ù, œ, ® tout cha sans casser sin ordi.

I suffit d'aller vire sus " not' Ami Google "

J'dis cha hein! mais j' d ...

Bin mi j'in ai mingé des pâtes au chuque et du riz aussi et j' in sus pas mort et j'ai aussi des origines flaminques et ch'est pas eine tare.
Ar'nier ses origines quo que ch'est que cha?

Je n'arnie nin mes origines, je dis que malgré mes origines flaminques, les nouilles ou le riz au chuc, ou - incore pire - au chocolat, cha ne passe nin.

A l'occasion i a des afants de boyaux rouches qui trouvtent que se laver tout nu dins l'cuisine à côté du gaz cha ne le fait nin...

Par contre, trimper mes frites dins le jus des moules, aucun souci! Surtout si qu'i a grammint d'al avec!

A part cha, je vos que te t'appliques incore eune fos à faire des séquos autremint qu'ainsi avec tin lordi. Te ne viendras nin te plainte hein... in t'ara prévenu.

Bon, i faut combien de manipulations pour faire des séquos comme t'as faits? T'as nin miux à faire? Mi je trouve que cha fait longtimps que t'as nin attaqué tin gardin au martieau piqueux et à l'dynamite pour y plinter un arpe ou des tomates.....

Nan ches plantations sont finies, ch'martiau piqueur i d'vient trop lourd pour mi l'manœuvrer.
In s'qui concerne de s'laver à côté de ch'gaz cha dot pas s'faire gramint amon d'chez boïaux rouch', nous in s'lavot tout du long dins in caudron mais à côté de ch'fu, là dû qui faisot caud.
A côté de ch'gaz, va t'in vire, pourquo pas à côté d'eine candelle.

J'ai causé du gaz vu qu'à ch't'heure, des fux à carbon, i n'd'a pus grammint, te me diras cha que te veux!

Par ichi in trouve des briquettes de lignite, pour mettre dins les fux à bos.

Cha pue!

Té m'diras aussi qu'i y a pus gramint d'gins qui prinn'tent leu bain dins in caudron, minme à côté de ch'gaz.

Bon toutes ches manipulations ch'étot pou t'faire vire qu'in peut faire gramint d'trucs avec sin ordi sans l'casser à chaque fos.

........Là j'écris coeur avec les lettres bin séparées et in va vir cha qu'i sort au démoulache....
. Ml; l'correcteur d'orthographe i armet tout d'équerre.....
..........coeur...... mais ...pas dins nous site ! ! ! I a eune séquo qui n'va nin ! ! ! i

Ben ouais pépé, mais là i a les espécialisses qui t'expliqtent qu'avec des manipulations simples (te presses Alt et te le laisses infoncé, te buques eune masse de chiffres chu le pavé numérique un pressint l'touche tab avec tin nez et in infoncint l'touche f3 avec tin gros arpion) t'arrives à faire apparaître des machins nin prévus.

Si in puq te chuffèles, et que quelqu'un i te met un dogt dins un trou de nez, ch'est in couleurs.

Pour l'son, j'aime miux rin dire....

Suremint que t'as fait eune séquo de travers. Mi aussi, rassure-te, t'es nin le seul balochard.

Avec ches manips, t'arrifes aussi à avoir un tour de reins. In insistint un tiot peu te vas suremint connaître eune combinaison de touches qu'elle te fait sortir l'pommate qu'i faut par eune prisse usb.

.......j't'in prie Batisse né m'posse pas d'question in ch'momint....
......................et dis l'tro d'balle in met quo ? ? ?

Un balai, et te fais du twist, cha netchie l'plache d'ùche que t'as tin lordi.

batisse a écrit:

D'ailleurs ch'est peut-être l'pleumette in question qui va me réponte....
Je chus toudis saisi du prix des nouilles fraîches qu'in trouve à acater au marché ou dins des magasins plus ou moins spécialisés. Plus de 10 roros le kilo pour de l'farine et des oeufs, je veux bin, mais i a un truc... Bon, d'accord, i a peut-être aussi du sel, mais cha n'est nin cher au kilo non pus.
D'autint que je trouve des nouilles fraîches chez Leclerc, in marque eco+, à nettemint moins d'1 euro le paquet de 500 grammes (je me deminde si ch'est nin 0.59....).
Alors, qiuo qu'ch'est qui fait qu'eune nouille fraîche elle est meilleure qu'eune autre et qui pourrot justifier un écart de prix de 1 à 10?

bon, mi j'arviens aux PATES ! nin des nouilles, pace que des nouilles c'est des pâtes trop cuites -à l'française quo-
Pour faire 1 kg d'pâtes fraiques i faut 600 g de farine type 55 (alle est moins raffinée que cheule pour les gâtieaux donc moins querre) soit inviron 0,30 centimes, pis 6 oeufs (j'ai nin réussi à faire alt et les chiffres pour mette l'o dins l'e!!! j'ai nin tout compris, va falloir que j'm'intraine !) bref arvenons à nous pâtes, donc 6 oeufs cha fait 1,30 euros, un tiot peu d'sel soit un prix de 1,90 euros... seulemint à cha faut ajouter l'prix de l'main d'oeufe (qui n'est nin l'femelle de l'oeuf - cha va vos suivez ?)... Par eximpe min homme quind i fait 1 kg d'pâtes cha li prind 1 h 15 inviron. Donc si les pâtes fraiques sont faites par l'traiteur qui s'f'rot évintuellemint payer au smic (7,39 in net au premi janvier) in arriverot nin loin des 10 euros l'kilo... Bon comme j'vos tout d'suite c'que té vas dire, j'conviens que l'traiteur i fait sins doute cha avec eune macchina electrica et in 1 heure i doit faire 2 kilos d'pâtes, mais comme i n'est nin payé au smic et qu'i a des frais d'gestion -pis l'farine et les oeufs is sont nin v'nus tout seu- ch'est donc nin étonnant que les pâtes fraiques chez un artisan seuchent à pus d'10 euros l'kilo...
Asteur pou c'qui est des grindes surfaces, leu pâtes sont bin sur faites industriellement, alles non nin suremint jamais vu des oeufs frais chés pâtes là, d'ailleurs leu texture n'a rin à vir avec les pâtes qu'in peu acater chez un artisan... in c'qui concerne les prix qu'is pratiquent, in sait bin que les grindes surfaces s'in mette(ENT, merci marcel) plein les poches -quind aux prix de tes pâtes éco+, j'voudros vraimint vir commint alles sont faites (nin, finalemint j'préfère nin savoir)... In tous cas quind i m'arrife d'acater des pâtes fraiques chez min Edouard, j'prinds suremint nin les éco+ !

Pou l'question de l'semoule de blé dur... bin j'pourros essayer t'espliquer l'leçon qu'in a eu quind in a visité une fabrique d'pâtes in Italie, mais comme j'sus pas eune bonne élèfe, j'in ai oblié les 3/4... min hommle li s'in rappelle suremint mais i n'est nin là in c'momint...

Citation :

in c'qui concerne les prix qu'is pratiquent, in sait bin que les grindes surfaces s'in mette(ENT) plein les poches

ch'est pas sûr.

Merci pou l'faute marcel, j'in ai corrigé d'autes... j'devos ête mate hier au soir... pourtint j'avos arlu.
c'te fos j'espère que j'ai 20/20 à m'copie ?

......Mi j'fais des fautes comme des majpns .....i a des momints j'sais pus commint qu'cha s'écrit.....
l'principal ch'est d'conserver s'santé ! ! !