Bon anniversaire Batisse.
Je m'sus presque levée tôt rin que pour te faire des grosses baisses pour tes ins: cha va faire 101 ans à ch t'heure?
je t'souhaite eune bonne journée.

Tous sin choeur : Un p'tit beurre des touyoux, un p'tit beurre des touyoux...Batisse estc, etc

As-tu d'el neiche pour souffler tes 101 bougies ? L'timps tout alleumer, l'premire candelle elle s'ra tout fondue !

Allez passe un' bonne jornée, fait de belles balates in mobylette. Tiens, j'te fais un' grosse baisse su' tin vélédrome à mouques !

Merci Mérilou. Je te fais eune baisse chu t'n'oeul.

Je suppose que cha va faire 101 à ch't'heure. In va vir à l'parution de ch'messache. J'allos dire in va vir au démoulache mais tels que je connos certains i n'd'a des qui arottent fait des allusions ouatériques.

Allez, je t'ai assez fait joquer, à ch't'heure te peux aller t'arcoucher.... N'oublie nin de charger le fu avint parce qu'i parait qu'i va cailler un tiot peu puq.

Ouais, cha fait 101! Youpee. Prochaine étape: 200

Ch'est vrai qui les fait pas chés 101 ans !!! i f'rot putôt 64 ou 65

J'ai préparé l'carte pou mette su l'pache du forum hier dins l'journée, j'voulos l'mette in rentrant d'nou générale d'l'orchestre (in a concert c'matin à 10 h) mais j'étos mate et pressée d'aller m'couquer, faut dire que chés tiots m'ont arfilé toutes leu maladies et cha fait eune semaine que j'me traîne, un cop cha va, un cop j'sus brindzingue... c'matin ch'est pas terripe.
Je n'sais nin commint c'concert i va s'passer, i minque des musiciens, gastro-grippes et cie sont au programme...
Alors comme j'voudros pas t'contaminer min Batisse, j'vas éviter de te faire des baisses su tin front comme à l'habitute, mais te sais que l'coeur y est...
Passe eune bonne journée, l'temps va t'permette d'sortir tin déambulateur ou bin i neiche ?

Je t'armercie de résister pour min bien à l'invie/plaiji de me faire eune baisse tiote.

Surtout si que t'as chopé eune masse de maladies d'afants.

Je t'imagine bin avec des tiots points rouches tout partout, eune mouquile ou deux à tin nez, tes ys qui braitent tout seus. Comme arot dit m'mère: un remète contre l'amaour.

Allez, un bon concert hein. Si que t'as in puq eune gastro, réfléchis bin avint de lâcher eune tiote perle in douce, l'air d'arien comme te fais suremint de timps in timps.... Te sais que péter tchand qu'in a eune gastro, ch'est le comble de l'optimise.

Et comme je sais que t'es optimisse, je te conselle de te déméfier.

Je t'ai stérilisé eune grosse baisse et je te l'invos dins ch'tuyau électrique, in t'armerciint du fond de min tchoeur pour t'bielle carte. Fais comme si que l'e i étot dins l'o à tchoeur hein.... ou alors deminte au flamind d'expliquer bin comme i faut commint qu'i faut faire.

Parce que buquer 3678,572 in pressint Ctrl avec sin dogt et Suppr avec sin nez, hein....

Euh.... et pourquo que t'as mis Dingo dins m'carte?

Voyousse! A m'mote que même mononque i n'arot nin osé.

.Bon anniversaire biloute......101 ans cha s"arrosse ! ! ! .

101 ch'est nin un compte rond. In verra à 110.... ou 150!

Dins que cimetière....in perdra (prindra) eune bière.
T'as pinsé à t'av'nir ? ? ?

Bonjour Batisse.

J'té souhaite un jojeux Anniversaire eune bonne jornée ché bizarre 101 ans!!!!!!!!!!!!!!! Vindiousse t'a eune sacré peche pou tous ses ins.

J'ai ecrit, j'ai invoyé, j'ai mis un biau bouquet, l'site à Roger y a tout avalé mais y a tout gardé, passe que rien n'apparaît.





J'avos même mis un biau bouquet même que j'étos fière d'avoir réussi à l'joindre. J' l'armet pon passe que j'pinse que ch'est li qu'y a foutu l'bazar.





Alors je l'ardit :



Bon anniversaire min n'veu





de la part de matante et mononcle

Bienvenue à ch'clup des malheureux qui ont lu messache confisqué avalé digéré par des électrons gloutons. Cha m'a déjà arrivé souvint te sais matante et je comprinds t'déception.

Etint donnée l'loi de l'immerdemint maximum, ch'est in général des messaches copliqués, d'ùche qu'in a bin pesé ses mots ou bin mis des fioritures ou imaches ou tout cha.

I suffit que t'appuies chu "invoyer" in même timps que quelqu'un d'autre et patatrac, i a un des deux messages qui disparait pour toudis. Dins min cas, ch'est souvint le mien...

In tous les cas, merci pour tes fleurs et tout cha que t'avos mis. In va faire comme si que ch'étot bin arrivé.

Si que mononque i t'avot donné des consels chu commint qu'i fallot faire et pis tout cha, je comprinds que te ne veuches nin arcomminchi!

Fais i eune baisse quind même à ch'garchon qui t'as béatifiée de tin vivint! Et passez un bon diminche à l'cauyette. Ne le laiches nin juer dins les escaliers surtout....

Attention ATTENTION j'écris à la place de Flersois : sin l'ordi i est attaqué, quands i a voulu mette un message pour ti Batisse, i a eu une alerte de grosse attaque par google et tout s'a arrêté. Donc de sa part : "Bon anniversaire du flaminque" i t'fait une grosse baisse amiteuse.

In tous les cas, je peux jurer craché au flamind que ch'est nin mi qui a attaqué sin lordi.

Je ne sais nin commint qu'i faut faire. Déjà mettre un film chu youmachin ou fabriquer eune carte de voeux - avec normalemint un e dins l'o - je ne sais nin.

I n'avot nin écrit à Marcel avint des fos nous flamind national (i a eune séquo qui ne va nin là....) parce que ch'est nin pour dire, mais question fouteux de brun dins un lordi, Marcel ch'est "champion du moooonte"!

D'ailleurs, je trouve que cha fait un momint qu'in n'intind pus causer de li. Je me deminte si qu'i va oser avouer qu'i avot incore eune fos fait funquer sin manicraque ch'boyau rouche là.

Ch"est des chrysanthèmes qu'alle t'a invoyés matante ?

batisse a écrit:

A m'mote que même mononque i n'arot nin osé.

Ch'est vrai quej'auros jamais osé....

faire pire, ouais , peut-êt', mais dingo, jamais, mais mi j'auros putôt vu "Plutot", nan ? J'dis cha ch'est nin pour défint' tiote Belotte, mais ch'est m'vision des choses...( bon, y'ara des mauvaises gins qui diront que Plutot y'est dingo.... question d'point d'vue...)

N'impêche que j'arjoins tous les autres pour t'invoyer, dins m'tiête, un biau bouquet d'quit'cose ed'pu biau que des fleurs, ch'est un bouquet d'amitié, d'voeux et d'plein d'pinsées amiteuses pour tes ins, que cha seuche 46, 101 ou 64,

j'ai dit dins m'tiête, passe que mi, j'veux même pon essyer d'joindre un bazar parel sur ch'site...



Au fait y'avot pon déjà quiqu'un qui s'appelot " Pierrafeu" dins l'équipe ? Bonjour, cousin...

Ch'est plutôt Pluto que Dingo? Je m'incline devint autint de culture générale, mononque. Mi je ne chus nin un grind expert in dessins alleumés.

In tous les cas, merci pour tes mots amiteux mononque. Je chus un tiot peu saisi par t'crise de modestie infeurmatique. T'es nin malate au moins, ti qui donnos des cours à toute l'jonesse de tin départemint.

Même que Marcel i avot pinsé printe des cours de dépannache des causes perdues. Te l'as écapée bielle parce que l'avoir li comme élèfe, cha ne dot nin être eune sinécure!

Té veux dingo Batisse ? bin le v'la, ch'est vrai que ti in train d'guincher cha devrot donner cha.... j'comprinds que té n'danses nin !

" Bon Anniversaire " Batisse
Mi j'avos trouvé eine belle carte avec des fleurs et del musique qui cantot eine canchon d'anniversaire, mais comme ej'sais que d'pis qu'a bidouille en dins bin qu't'as pus jamais d'son sus tin manicraque, j'l'ai pas mise in PJ.
Ch'est pas graff' d'ichi l'année prochinne t'aura p'tète du son sus tin ordi, té devros invertir et in racater un aut'.

Au fait sus tin Androïte t'as pas d'son non pus, combien qu'té l'as payé? cor un qui est quéu de ch'camion?

Quo qu'ch'est que min indroïte i vint faire là-dedins?

Des fos t'es dur à suife ti te sais.... Je me deminte comme cha si que t'femme elle ne devrot nin aussi être canonisée de sin vivint, comme ste Théresse de Normindie.

Déjà qu'elle a un prénom qui fait pinser à un anche du paradis cheule paufe femme. Quo que t'in pinses?

Mi aussi j'étos in panne de PC,j'ai du l'reformater,que brun!!!
J'peux core t'souhaiter un Joyeux Anniversaire Batisse pour tes 101 ans, que minteu chti lal...
in espérant que t'as passé eun' bonne journée
Jacqueline te fais eun' grosse baisse sur tin front.
j't'armets tin morciau préféré!

Alors Batisse t'arriff' pas à avoir tes mèles sus tin nouviau téléphone, t'es comme mi t'as pas cor tout lu ch'mote d'imploi.

Euh.... attinds le boyau rouche.... te m'as l'air bin copliqué dins t'tiête avec tin téléphone en druide.

Bin sur que j'arrife à accéder à mes émiles chu min téléphone, mais je ne sais nin ti, mais in ce qui me concerne, ch'est vraimint nin un plaiji de buquer chu ches toutes tiotes lettres avec mes grosses mains pleines de dogts.

Donc, tchand que je ne peux nin faire autremint (in déplacemint in particulier) j'y vais. Et je bertonne chu l'talle de mes dogts. Mais tchand que je chus à m'majon, avec un ordi avec un vrai clavier à m'dispostion, vu que ch'est pour accéder aux mêmes émiles, je ne me sers que de l'ordi.

Tchand que j'ai un vrai ordi à m'dispostion, min téléphone i ne sert qu'à téléphoner.

Et te vas rire, des fos i ne le fait même nin vu que ses batteries elles sont à plat. In fait j'ai découvert à mes dépins que de juer à internet avec un téléphone, cha saque rudemint dins ses piles.

Curieusemint i simblerot qu'i a qu'à mi que cha arrife. Bante de minteux....

Au secours Roger, nous grind chef à pleumes, expert in bidouillaches infeurmatiques. Je veux dire VRAI expert in bidouillaches infeurmatiques, parce que je ne voudros nin démédire, mais i n'd'a des, hein, surtout vers in bas à gauche, que ch'est des bidouilleux avec option démolissache.

Bref, l'air d'arien t'es in train de m'énerver Roger. J'explique: j'ai l'radio chu internénette (te sais que cha existe Marcel? Te sais commint qu'i faut faire? Te me diras, dins tin cas, la radio, sins son, ch'est foque décoratif) et chu internénette j'ai l'possibilité d'inregistrer l'radio dins min lordi. Marcel, si te veux apprinte eune séquo à ch'sujet, deminte à un 59....

Alors de timps in timps i me prind de me mettre chu eune station qui passe grammint de musique et de buquer chu le tiot bouton "inregistremint" et j'inregistre in mp3 tout cha qui passe. Apparemmint tout cha qui passe dins l'carte son.

Après, avec un programme qui va bin, je fais le tri dins tout cha et je mets les quelques canchons qui me plaistent dins un fichier espécial. Tchand qu'i est plein je grave un CD, avec inviron 150 canchons par CD.

L'hic ch'est qu'à ch't'heure, à chaque cop que je me branche chu ch'sujet ichi, i a "joyeux anniversaire batisse" qui se met in route tout seu. A m'mote que cha inregistre in même timps que cha qu'i passe au poste.

Commint qu'i faut faire pour que l'air in question i ne se mette nin in route tout seu à l'ouverture du sujet?

Siouplait chef....

J'aros bin demindé à Marcel mais i arot été capable de me trouver un système qui détricote les canchons et les arpasse à l'invers in faijint sortir des funquées verte et rouche des haut parleurs....