Au secours Roger, nous grind chef à pleumes, expert in bidouillaches infeurmatiques. Je veux dire VRAI expert in bidouillaches infeurmatiques, parce que je ne voudros nin démédire, mais i n'd'a des, hein, surtout vers in bas à gauche, que ch'est des bidouilleux avec option démolissache.

Bref, l'air d'arien t'es in train de m'énerver Roger. J'explique: j'ai l'radio chu internénette (te sais que cha existe Marcel? Te sais commint qu'i faut faire? Te me diras, dins tin cas, la radio, sins son, ch'est foque décoratif) et chu internénette j'ai l'possibilité d'inregistrer l'radio dins min lordi. Marcel, si te veux apprinte eune séquo à ch'sujet, deminte à un 59....

Alors de timps in timps i me prind de me mettre chu eune station qui passe grammint de musique et de buquer chu le tiot bouton "inregistremint" et j'inregistre in mp3 tout cha qui passe. Apparemmint tout cha qui passe dins l'carte son.

Après, avec un programme qui va bin, je fais le tri dins tout cha et je mets les quelques canchons qui me plaistent dins un fichier espécial. Tchand qu'i est plein je grave un CD, avec inviron 150 canchons par CD.

L'hic ch'est qu'à ch't'heure, à chaque cop que je me branche chu ch'sujet ichi, i a "joyeux anniversaire batisse" qui se met in route tout seu. A m'mote que cha inregistre in même timps que cha qu'i passe au poste.

Commint qu'i faut faire pour que l'air in question i ne se mette nin in route tout seu à l'ouverture du sujet?

Siouplait chef....

J'aros bin demindé à Marcel mais i arot été capable de me trouver un système qui détricote les canchons et les arpasse à l'invers in faijint sortir des funquées verte et rouche des haut parleurs....

Bon, oublie chef. Je viens de faire un test et l'canchon elle ne passe nin dins l'inregistremint de l'radio.

Ch'est un programme bin fait énon? Je chus épaté. Marcel, par pitié, n'y touche nin....

Bon, cha dit, si que ch'étot possipe de nin avoir l'canchon qui se met in route toute seule dès qu'in accède au sujet, cha serot bin quind même. Commint qu'i faut faire chef?

Citation :

Bon, cha dit, si que ch'étot possipe de nin avoir l'canchon qui se met
in route toute seule dès qu'in accède au sujet, cha serot bin quind
même.

Cha yé Batisse,l'son i n'est pu automatique...
j'ai mis un aut' lecteur non automatique

Merci grind chef. Ch'est ti le meilleur!

T'inregistres del musique Batisse, alors ch'est qu't'as du son à tin manicraque à ch't'heure. Ch'est bien j'va pouvoir t'rinvoïer des diaporamas avec del musique.

Si qu'i n'a pus d'son, invoye li d'l'avoine ....& ch'paufe viux ! ! !

I y a longtimps que j'y avos pinsé.

Gnagnagna.

J'ai nin de problème de son, à part tchand que ch'est chu des diaporamas invoyés par Marcel.

Un imminse mystère, qui dure depuis des ans... Intretimps j'ai chingé d'ordi et ch'est toudis parel. In va dire que ch'est à cause d'un problème de ligne intre in bas à gauche et in haut à droite.

Loin de mi l'idée que cha pourrot provenir des bidouillaches d'un boyau rouche qui passe sin timps à user les montagnes...

Avec gramin d'artard :Bon Anniversaire Batisse.

Je n'comprins toudis nin quo qui s'a passé, j'étos nin à m'maison ch'vékinde, et c'soir, à part que j'avos été déconnecté, tout i va bin.....

Merci garchon.

A m'mote que tin lordi i a été victime d'eune crisse de marcélite aigüe. Ch'est terripe... mais t'as eu de l'veine, elle s'a autoguérite. Ch'est rare!

Allez, eune bonne journée et ne cache nin trop à comprinte.

y m'arrife eune drôle d'sequo...j'ai du invoyer un messache d'bon laniversaire a batisse directement par email su s'boite pacheque: impossipe d'inscrire un message su ch'site.

j'm'a acaté eune tablette et à chaque cop que j'veux intervenir su ch'site: impossipe...cha saute pis in m'deminde si j'veux po acater eune masse d'sequos que je n'ai pon b'soin! et cha ne fait cha que quand que j'sus su l'site acoute ichi..

par contre de m'n'ordinateur pon d'problème: la preuve...

ché quand meme bizarre....comme j'étos pon à l'mason ch'week end (grandparintage oblige)j'ai du attinte d'être rintrée pou pouvoir l'faire ichi: alors garchon je récapépéte: bon anniversaire!

Là j'y sus pou rien, j'sint qu'Batisse i va dire que ch'est cor de m'faute.

Quo qu'j'ai fait su m'tablette, quint j'étos cor dins min lit bin au caud.....

Mi? Meeeeeuh non!

Merci mémère. Je confirme que j'avos déjà archu tes souhaits in direct. T'es t'eune brafe 62.

Vinguette, in a eune mémère moderne ichi, avec eune tablette. Mi que je ne chus nin toudis très vif, j'ai toudis nin compris à quo que cha sert. Mi, pour téléphoner et évintuellemint printe eune photo vite fait, j'ai un téléphone que je peux ringer dins m'poche. Pour le reste, j'ai un lordi avec un couverque.

J'ai vu des gins qui téléphontent avec eune tablette... ch'est impressionnint!

Blague dins le coin, à quo que cha sert eune tablette?

batisse a écrit:

Blague dins le coin, à quo que cha sert eune tablette?

Te fais comme mi, te prins ène paire d'lesson particulières avec ène belle Maîtresse,elle va tout t'espliquer ..

Viv'mint m'prochaine leçon, j'ai nin bin tout compris l'dernière fos..

Muillerd, te te fais bieau pour aller à l'école ti....

Avantache numéro un d'ène tablette, quint i'a pas gramin d'lumière, cha fait des photos floues.

J'va aller vir si gougol i va savir détecter qui qui est su ch'te photo...

pas la peine qu'in t'essplique...d'toutes façons té trouv'ras toudis quedcosse à r'dire

in dira qu'cha sert à rien... comme cha té s'ras contint...pis mi j'continuerai à pinser cha que j'veux

paréle que m'n 'homme: au début y disot:" gadget" aveuc un tiot sourire narquois (j'sais pon l'dire in patois ch'mot là) achteur, ché: bin t'as pon pris t'tablette? ché dommache, in arot fait chi..fait cha...

pis mi j'ai pon appris aveuc eune maîtresse mais aveuc un maître...vu de m'plache ché gramin miux!!

camanette a écrit:

pas la peine qu'in t'essplique...d'toutes façons té trouv'ras toudis quedcosse à r'dire

pis mi j'ai pon appris aveuc eune maîtresse mais aveuc un maître...vu de m'plache ché gramin miux!!

Cha m'étonnerot que mi je trouve toudis eune séquo à redire. A m'mote que t'es de mauvaise fo là.... mais bon, cha va, je te pardonne.

In ce qui concerne t'n'allusion au sujet du point de vue que t'as chu tin maître in tablette, j'ai rin compris. Ou alors t'as tin tiot tchoeur e dins l'o de midinette qui fait de l'artour à l'alleumache?

Quo qu'ch'est qu'i t'arrife mémère?

In tous les cas te pourras aller ardeminder eune leçon à tin prof pour qu'i t'explique pourquo que t'tablette à tout faire elle ne veut nin se connecter chu sin site au grind chef à pleumes.

Je me deminte si qu'i n'd'a eune li... et si qu'i n'd'a nin, pourquo.... je seros curieux de savoir.

Citation :

Je me deminte si qu'i n'd'a eune li...

T'as tout bon Batisse,té vos même ch'forum d'ssus!!
je l'ai pris in photo avec l'webcam d'min PC
mais ch'est nin mi qui sin sert,chez Jacqueline et min tiot garchon .

Ch't'au soir à "scènes de ménache" i a les viux terripes qui se demindotent aussi à quo que cha sert ch'bazar que lu file elle avot oblié chez eux.

Finalemint is ont trouvé: ch'est un miroir éleuctrique. Is allotent l'accrochi à l'salle de bains in attindint que lu file elle le récupère...

In tous les cas, le grind chef à pleumes i n'd'a un pour que s'femme et sin tiot garchon il le laichtent ouvrer trintchile chu sin vrai lordi. Ch'est un malin le grind chef à pleumes....

Citation :

Ch't'au soir à "scènes de ménache" i a les viux terripes qui se demindotent aussi à quo que cha sert ch'bazar que lu file elle avot oblié chez eux.

Te ravisses cha ti ? In l'a d'ja vu ène paire d'fos c'te séquence...Ene que j'aime bin, ché quint Raymond y donne sin cadeau d'Noël et qu'il essaye sin tensiomètre..

A propos d'tablette, mi aussi j'ai tout parel sur les deux écrans, mais au début, j'ai du mette :Voir la version ordinateur....

Ch'est bin... J'ai deux questions:

- commint qu'elle tient debout t'tablette?
- d'ùche qu'i est le clavier (qu'in vot très bien chu l'ordi....) pour intervenir chu le site?

batisse a écrit:

Ch'est bin... J'ai deux questions:

- commint qu'elle tient debout t'tablette?
- d'ùche qu'i est le clavier (qu'in vot très bien chu l'ordi....) pour intervenir chu le site?

Deux solutions, un clavier qui vient sur l'écran ou bin un clavier normal sur l'prise USB..

Cha y est l'pub elle est là...la nouvelle Chevrolet Spark à 6.999 €

Maintenant ché pour Dacia, l'réclame, conditions du salon, donc cha vint d'Belgique...

et après les deux guernoules américaines