J'ai nettiyé ène paire d'mètes carrés d'min gardin, et ch'matin, j'ai acaté au marché des poreaux à arpiquer.
C'mint qu'ché mieux ?
Avec un plantoir ou bin in lines presque couchés ?

Nosautes in les met avec un plantoir, après avoir un tiot peu racourchi les poils d'chés racines et l'vert et les avoir mis à trimper un tiot momint dins d' l'ieau additionnée d' un tiot peu d'ieau d'javel... (pou lutter conte l'ver du porion)
Valà ch'étot min consel... me v'la arvenue d'vagances et depis hier in fait du nettiache d'gardin. Qui qu'ch'est qui voudrot des courgettes et des tomates ?

Pour l'momint y fait d'l'orache, alorsse j'va attinte...

Te peux sais invoyer des courgettes et des tomates par MP ?

Hé les gars et le filles qui ont eune main verte, j'ai eune question sérieuse pour vousautes: quo qu'ch'est qu'in peut planter/arpiquer dins un potager à cheule périote?

Foque des poreaux? Cha va donner quand?

In fait j'ai armarqué ch't'aprème que min syndic chéri i avot passé s'tondeusse à gazon dins m'jachère fleurie. In fait dins cha qui me sert normalemint de potager. Min tiot coin de terre quo.

Et cha je l'ai in travers. Du coup demain je vas passer le motoculteur là-dedins et planter/arpiquer eune ou des séquos, histoire de dire que tant que j'habite ichi (cha ne devrot pus durer longtimps) je fais à m'mote.

Vous coperdez? Donc, vu le 15 août qui se pointe, il y eune sorte d'urgince pour l'réponse, vu que je devros faire tout cha demain. Après j'ai du monte à m'majon.....

D'avince je vous armercie mes gins!

A m'n'avis te d'vros vir à l'jardinerie quo qui proposen't, surmint des céleris, des choux mètes, et des rouches et des verts et des frisés....

Bin j'comprinds que té l'euche in travers Batisse, is pourottent prévenir quind même !..
Alors à tout cha qu'i a dit flersois té peux aussi arpiquer des salates, cha té vas pouvoir les minger rapidemint, in pus té pourros mette pusieurs variétés et faire ainsi un joli arringemint de forme et d'couleur, histoire d'leu faire vir à tin syndic que té sais aussi faire d'l'art (pas du lard, hein !)...
Pou éviter les caracoles et limaces dins tes salates, té gardes l'marc d'café que té mets su l'tierre, chés bêtes à cornes is n'ont pas querre cha et is détalent (infin façon d'parler )

Ouais, merci mes gins, je vas faire cha. Demain direction l'jardinerie....

J'in rigole d'avinche!

Pour l'marc de café, i va falloir que je démonte des capsules nespresso. Incore un rute chintier in vue!!!!

Citation :

surmint des céleris, des choux mètes, et des rouches et des verts et des frisés....

J'pinse que cha fait tard pour tout cha...
L'15 Aout,té peux s'mer du persil, té peux core mette des navets d'hiver,semer des épinards,arpiquer des porions....

Citation :

histoire de dire que tant que j'habite ichi (cha ne devrot pus durer longtimps) je fais à m'mote.

Pourquo,Té vas déménager?
si ch'est cha, ch'est nin la peine de s'mer ou d'arpiquer des légumes...
Té laboures et ché tout....et pis avec el main verte que t'as,j'pinse que cha sérot miux comme cha! nan...

Oh le chef... i se fout de mi... je t'in foutros mi!

Vètte in coup tout qu'te peux incore semer:


Les légumes
à semer en Août
- Carottes 1/2 longues
- Chicorée sauvage
- Chou pommé de printemps
- Epinards d'été
- Haricots
- Laitues d’hiver
- Mâches
- Mesclun
- Navets d’automne
- Oignons blancs
- Pourpier doré à larges feuilles
- Radis de printemps
- Radis d’hiver
- Roquette cultivée

Ouais mais tout cha ch'est à semer d'après cha que je comprinds.

Je préféreros des séquos à arpiquer, histoire qu'in voche tout de suite clairemint que ch'est un potager et nin eune friche.

A m'mote que l'salate ch'est bin. Cha dot pousser vite cha énon?

Citation :

A m'mote que l'salate ch'est bin. Cha dot pousser vite cha énon?

Ouais ch'est bin! mais avant d'l'arpiquer,faut l'semer,et je n'pinse pas que té vas core treuver de l'salate à arpiquer dins des jardineries... à moins d'avoir un maraîcher dins tin coin.

Et pis te d'vras rester à't maison pou donner d'ieau pindint ène paire d'semaines....

Continuez comme cha et je vas y mettre des fleurs in plastique!

J'ai déjà foui comme is distent les boyaux rouches. Tout à l'incienne, au louchet. J'ai sué au moins chinq litres. Pour min dos in verra ce soir. Mais vous savez quo qu'ch'est, tchand qu'in a la rage, in ne sint pus ses forces....

Je m'in vas arprinte eune douche et direction jardinerie. Je vous tiens au courint.....

batisse a écrit:

Continuez comme cha et je vas y mettre des fleurs in plastique!
....

In treufe des bieaux chrisanthèmes in plastique pour pas cher !

J'ai trouvé 28 plants de salate (3 ou 4 sortes) pour 7 roros.

I n'd'a nin assez pour écrire eune séquo avec dins le gardin, mais je dos dire que cha m'a traversé m'n'esprit....

A ch't'heure je décafote des capsules de nespresso. Cha quet bin, je devos n'd'aller in porter deux sacs au chintre d'arcyclache.

. Té fais des sous aveuc tout ! ! ! !

Mi? Cha m'étonnerot....

Tchand que t'amènes les capsules au point de collecte exprès, tout cha que t'as in échinge ch'est un merci.

. Nous, sans blaguer, in récupérot au super marché des dijaines d' apparels photos jetapes qu"is avotent été dévl'oppés, pour printe l"pile qu'i a la dins..
. .Faut faire gaffe, i a un condensateur "qui mord" sec. Les piles sont général'mint comme neufes.
. Pour mète dins les juets des éfants ou dins....les notes d"apparels ch'est super.

Bon, mes salates elles sont toutes arpiquées.

Je vous aros bin mis eune photo mais je vas un tiot peu attinte qu'elles arlèvtent lus tiêtes. I fait eune caleur bin estivale, j'ai arrosé incore ch't'au matin bonne heure, mais i a l'air qu'elles ont caud.

Infin, quelques eunes....

In tous cas, ch'est nin impossipe que si qu'elles finistent par pousser elles aichtent un arrière goût de café. In tous cas i n'a nin de traces de limaces alintour.

Vu qu'i est prévu de l'pleufe cheule nut, l'nature elle va armettre tout cha d'aplomb. A moins qu'i grêle....

In dira cha qu'in veut, un arrosage à l'arrosoir sins pomme, ch'est limite destructeur!

Bin j'espère qu'i va pas faire aussi caud que chez nosautes pace que tes salates alles vont souffrir.. mais té sais des salates cha reste d'l'herpe, comme dit min homme, et l'herpe ch'est résistant !
Alors, j'sus d'allée cacher dins mes archifes et j'ai artreuvé cheule photo, té peux t'in servir pou l'imprimer et mette l'photo in plain mitan d'tes salates, question d'bien faire vir qu'ichi ch'est nin du cruaud mais un gardin, et un gardin cha s'respecte !


ou bin si tin syndic à l'd'l'humour (mais cha m'surprindrot fort !) té peux aussi mette cha

flersois a écrit:

batisse a écrit:

Continuez comme cha et je vas y mettre des fleurs in plastique!
....

In treufe des bieaux chrisanthèmes in plastique pour pas cher !

.Et des salates in plastique i n'd'a pas ?

Quo qu't'as fait avec t'pomme d'arrosache ?

J'in sais rin. Elle dot être bin camuchée quelque part....

Bon, comme promis, vlà ichi des imaches de min camp de salates.

Le camp dins sin insimpe:Pis vlà ichi l'plus grosse:pis à ch't'heure l'plus tiote: et infin l'plus fierte et heureusse d'vivre: Vu que je chus passé à côté de mes jachères fleuries rescapées, j'in ai tiré des portraits. Ichi l'tiote, chu l'tombe de mes cats: pis ichi l'autre, que je chus d'accord avec les purisses que les machins les plus hauts ch'est du cruaud, mais si je veux les inlever j'écrase tout cha qu'i a de bieau....

L'partie qu'elle a été tondue par un qui n'y connot rin à l'culture florale, elle n'étot nin aussi bielle, je dos avouer. Mais de là à passer l'tondeusse dedins, surtout dins un coin d'ùche qu'i ne va jamais avec s'tondeusse.... hein...

J'ai vu sin nez tchand qu'i a découvert qu'i avot des salates à l'plache... rin que pour cha je n'argrette nin min investissemint dins 7 euros de salates! D'autint que j'in ai profité pour arracher d'autres séquos qui me gênottent l'vue de min gardin depuis l'cassis de m'cuisine.

Pardon le flamind d'avoir pourri tin sujet... Je chus désolé, d'autint que ch'est nin min ginre.

D'ùche que t'in es avec tes poreaux? T'as mis de l'ieau de javel et du café alintour, comme l'cheftaine elle a dit?

Te vas faire des rots qui ont un drôle de goût tchand que te vas faire de l'soupe ou de l'flamiche avec cha énon?

Et pour tes pennes tierre, t'as rajouté quo comme protections qui peuttent donner un drôle de goût?