Pardon le flamind d'avoir pourri tin sujet... Je chus désolé, d'autint que ch'est nin min ginre.

D'ùche que t'in es avec tes poreaux? T'as mis de l'ieau de javel et du café alintour, comme l'cheftaine elle a dit?

Te vas faire des rots qui ont un drôle de goût tchand que te vas faire de l'soupe ou de l'flamiche avec cha énon?

Et pour tes pennes tierre, t'as rajouté quo comme protections qui peuttent donner un drôle de goût?

batisse a écrit:

Pardon le flamind d'avoir pourri tin sujet... Je chus désolé, d'autint que ch'est nin min ginre.

Et pour tes pennes tierre, t'as rajouté quo comme protections qui peuttent donner un drôle de goût?

J'ai mis d'l'al,du persi et de l'crème fraîche du Jura !

Ah ouais, cha peut être bon. Avec un sauret un puq....

J'pinsos qu'chétot



eune pierre tombale pour défuntes salates

Citation :

Bon, comme promis, vlà ichi des imaches de min camp de salates.

Ch'est dins l'voyette d'tin gardin que t'as arpiqué tes salates?

Avant-----------Après................

Roger a écrit:

Citation :

Bon, comme promis, vlà ichi des imaches de min camp de salates.

Ch'est dins l'voyette d'tin gardin que t'as arpiqué tes salates?

M'dame, le chef i fait rin que de s'moquer de mi....

In fait, j'avos un tiot potager d'inviron 6x4 mètres avec, comme séparation avec l'rue, un grillache. J'habite dins eune copropriété. Et l'copropriété elle a voté in début d'année le rimplacemint/doublache du grillache par eune clôture végétale. Cha a été confié à un paysagisse qui, va savoir pourquo, a roulé in pelleteusse dins eune partie de jachère fleurie que j'avos semée ailleurs et qui sortot juste de tierre, et qui, in puq a fait comme eune influre dins l'épaisseur de s'clôture végétale, net au niveau de min potager. Te parles, le terrain i étot plus facile à travailler là.... d'autint que je l'avos attindri et que je l'avos aussi inseminsé in jachère fleurie, cha que le spécialisse i n'a nin vu et a bin massacré.

Du coup min potager qui faijot 6x4 i ne fait pus que 4x3, et incore, avec un arondi qui in bouffe un morcieau. Et ch'est ch'tiot bout-là qu'in m'a tondu!

Pour diverses raisons, je cache à vinte min lot de l'copropriété, mais pour cha aussi j'ai des misères...

Miux vaut in rire!

"Ch'est dins l'voyette d'tin gardin que t'as arpiqué tes salates?"'Roger)
. Ch'est drôle l'même réflexion alle m'a traversé l' esprit ! ! ! jé m'dijos i a un gardin in voyette.
..........
. Un camarate vient m'dire bonjour dins min gardin . I ravisse mes salates et in écartant les mains comme font les péqueux..."Mi, j'ai des salates comme cha....('.60 cm...)...J'dis rin.
. L'lind'main in étot d'vant tous les modélisses au terrain, j'li dis:" Alles sont commint tes salates Michel?". I écarte ses mains comme la vèle: "Comme cha". J'sors min mète qu' avos mis dins m'poche et jé m'précipite pour mesurer l'salate........i a rapproché ses mains vite fait et d' 60cm alles sont arvénues à l'tale normale d'eune honnête salate.

T'inquiète... les miennes elles vont faire au moins 60 cm.

In hauteur....

. Ch'est s'qui arrife quand qu'in les laiche "monter"......si qu'in in met trop.


Eune salate haute comme un "choumète"
.
.
In fait l"gardin à deux. Hier min camarate in a arpiqué pus d' quatre vingts.....I éra au moins 50 choumètes.
.....plus chelles qu'alles sont déja arpiquées ! ! ! !
1978... l'gardin


2012....l'gardin


........
Interlude..."Etes vous surs qu votre nettoyant habituel toilettes......Harpic lingette... et cha armet cha in bouque!!!!!...aveuc in prime eune musique d'sauvaches...."

Bon, après 4 jours d'absince (j'ai été in boyauroucherie, du côté mer, in a même passé nin loin de chez pépé mais in n'a nin voulu le déringer, même qu'in va se faire ingueuler) et que min vijin i a arrosé mes salates, j'ai été vir m'verdure ch't'au matin: i in reste incore 26 chu les 28. Je chus fier! J'ai poussé l'plaiji jusqu'à passer l'binette là d'ùche que le cruaud i pointe déjà s'tiête, ch'est à dire tout partout.

Cheule nut in pourrot avoir de l'grêle.... in va vir si qu'elles survivtent à cha....

Je me deminde si que je vas in minger eune! Si que cha arrife, cha sera avec eune boutelle sortie de derrière les fagots, parce que cha serot un exploit!

Ou alors i va falloir in printe 5 pour faire l'talle d'eune normale. Suspence...

In combien de timps que cha pousse eune salate?

T'es culotté d'dire qu'ré passé à côté de m'mason et qu't'es pas vénu m'dire bonjour!!!

Personne m'dérinche, i suffit d' m'informer d'vote passache pour que j'seuche la qund qu vous passez.

T'es allé du ? ? ?

Aux deux caps et i avot un brouillard nin possipe!

I va falloir que j'y artourne....

Sinon in a fait eune masse d'affaires, dont eune visite au villache écomusée St Julien, près de guines. In a aussi visité le marais de st Omer. Ch'étot bin.

In a fait des zigs et des zags in mobylette chu des tiotes routes. I a de quo aussi dins ch'coin-là.

Cha dot ète cha qu't'as visité Batisse.
.
http://horizons.blog50.com/archive/2011/05/01/lundi-de-paques-a-saint-joseph-village-62.html

Ch'est fabuleux d'vire tout cha ! ! ! !
.
I a un tas d'séquos à visiter dins note coin.

Ouais, ch'est cha!

Bon, julien ou joseph, cha comminche parel...

Te ne vas quind même nin pinailler pour des séquos ainsi?

In tous les cas, avec un arportache parel, in n'a pus grammint de surprisses in y allint. Pratiquemint tout y a été pris in photo....

Cha qui n'a nin été pris in photo, ch'est l'accint de certains visiteurs. Je peux vous dire qu'i n'd'a des qui l'écrastent bin!

Ah ouais, pour les évintuels intéressés, i a un tarif pour les plus de 60 ins. In ne l'a vu qu'eune fos qu'in étot sortis.... D'un autre côté, is nous ont pris pour des jones!!!!

Eh, le flamind, d'ùche qu'is in sont tes poreaux?

Mes salates, grâce au marc de café, elles n'ont nin l'air d'être dévorées par les limaces.

Cha dit, elles meurtent d'eune autre séquo! I n'in reste pus que 21.

Pourtint je cruaude (de timps in timps....)

Les patates.




La cata ch't"année, alles pourritent dins l'cafe. In n'a jamais vu cha......

batisse a écrit:

Eh, le flamind, d'ùche qu'is in sont tes poreaux?

Ils vont incore vivants, mais y n'ont incore grossi...

Ah ah! Mi j'ai des mortes, mais elles grossistent!

Un tiot peu...

T'as vu un peu m'main verte? Hein?

Nous in a arpiqué des salates, i n'da qu'alles z'ont disparutes complét'mint comme si qu'alles avotent été avalées par in d"zous ? ?

. Les poraux is s'portent bin, I n'da déja des bieaux ! ! !

Par conte les céleris et l'persil plat y sont fin beaux...

I parait que le persil i faut bin l'arroser...

Aller comprinte l'jardinache, c'te plante d'tomate, elle a poussé tout seul , j'ai nin traité ni mis d'ingrais ....

Min homme hier a arpiqué des salates qu'in avot semé y a queques timps.... quind j'ai vu cha j'ai pinsé tout d'suite à certain (s)...

chez nosautes y avot un pid d'tomates qui avot poussé dins les rosiers... sin doute eune graine trinsportée pas les osieaux ou l'vint... ou bin ch'étot un pid d'tomates qui s'considérot comme eune fleur, un romintique quo !

nou persil y est aussi bin bieau cheule année, faut dire que comme i est à l'sortie de l'cujine dès que j'lafe des légeumes i arçoit toute l'ieau...

Si ch'est ti qui arroses l'persil, ch'est le monte à l'invers

J'ai pinsé à vousautes in allint vir mes salates à min gardin. I in reste eune vingtaine. I n'a nin eune limace qui n'd'a voulues. Ch'est nin normal....

Bref, les evlà, in groupe, pis deux bielles. I n'd'a aussi des moches.

In causint de moche, vlà m'jachère fleurie - l'plus bieau bout - dins sin état actuel
Cha ne pousse bien que là d'ùche que j'ai interré min cat ch't'au printimps. Cha ara été eune brave biête jusqu'à après le bout!