Si ch'est ti qui arroses l'persil, ch'est le monte à l'invers

J'ai pinsé à vousautes in allint vir mes salates à min gardin. I in reste eune vingtaine. I n'a nin eune limace qui n'd'a voulues. Ch'est nin normal....

Bref, les evlà, in groupe, pis deux bielles. I n'd'a aussi des moches.

In causint de moche, vlà m'jachère fleurie - l'plus bieau bout - dins sin état actuel
Cha ne pousse bien que là d'ùche que j'ai interré min cat ch't'au printimps. Cha ara été eune brave biête jusqu'à après le bout!

J'vos que t'as de belles salades frisées,té devros les armonter et i mette eun' fichelle autour pour les faire blanquir
vlà chi un exemple in photo

Combien de timps avint de les minger?

Cha tient in tierre jusque quand cha? Je les feros bin incore grindir mi, pour eune fos qu'i a eune séquo qui pousse dins min gardin....

Bin té sais pas Batisse ? mi j'te dis BRAVO !!! pace que chez nosautes les salates que min homme i a arpiquées, bin in in mingera AUCUNE !!! ch'est les caracoles et les limaces qui s'sont régalés ! sales biêtes ! les salates alles n'ont nin eu l'temps d'grossir, in aurot dit que chés caracoles surveillottent cha in commando et s'jettottent d'sus dès qu'in avot l'dos tourné... bon, in peut s'consoler in disant que ch'est pace qu'alles étottent délicieusses....
(faut dire que min homme n'avot nin mis d'marc d'café, i n'a pas voulu m'acouter... eh ouais !)

Sinon i vaut miux que té minges les tiennes avint qui gèle, sinon cha va ête de l'bouillie gluante...

Bin après les salates, ch'est les porieaux !!!!!!
Hier au soir j'étos in train d'préparer eune soupe avec des porieaux acatés et j'dis à min homme :
- "au fait quind est-ce qu'in pourra commincher à aller querre les porieaux dins l'gardin ?"
- "ah ouais, j'ai oblié de t'dire, qu'i m'répond, bin in fait i reste foque qu'un porieau, je n'sais nin c'qui s'a passé mais in n'vot pus trace des 300 porieaux que j'ai arpiqué, c'est bizarre l'sol i est tout net, foque un porieau au mitan, j'te dis, j'y perd min latin (ouais c'est un italien, alors sin latin ch'est normal ).
- "bin cha alors !"
Ouais c'est l'première fos qu'in a c'tour là !!!
Alors mi j'me pose des questions, vos croyez que les écureuils cha mingent des salates et des porieaux ? Pace que dins l'propriété derrère nou mur du gardin, i a gramint d'arpes centenaires qui sont rimplis d'écureuils.... in les vot souvent sauter d'branques in branques... alors ch'et pet ête des écureuils herbivores ? énon ?

j'ai semé des baskets ché lachets queminchent à pousser

Citation :

Alors mi j'me pose des questions, vos croyez que les écureuils cha mingent des salates et des porieaux ?

J'sais nin si cha minge de poreaux!
té cros que cha iros mingé l'poreau jusqu'à l'racine? à 10cm sous l'terre!
Parce que mi quand j'ai des viers dins chés poreaux,j'coupe chés feulles à raz du sol,et peu d'timps après l'verdure est rev'nu...

J'aro bin aimé d'vir cha, un écureul avec des poros dins ses bajoues !

Roger a écrit:

Parce que mi quand j'ai des viers dins chés poreaux,j'coupe chés feulles à raz du sol,et peu d'timps après l'verdure est rev'nu...

J'pinse que tes écureuils is marchottent su 2 pattes arrières......ou alors i a tellemint pleu qu'tes poreaux is s'sont couqués et is ont été arcouvert ed terre mais.....is aroent arpoussés d'traviole ! Ch'est c'que j'pinse : un seul poreaux sur 300.....

300 poreaux??????

Te nourris un régimint qui aime bin l'flamiche?

L'flamiche au bain marie cha ne dot nin être terripe quind même....

Ch'est peut-être pour les punis!

. M'locomotif d'camarate gardinier nous fait arpiquer prés d' 3000 poreaux.(1500 chacun) L'année passée in a tout mingé. Ch't'année i n' da pas un d'mort. I n'a pas d'écureuls ! ! !
. Par conte, les 180 salates d'hiver sont tertousses pourrites.....
. Quand qu'i est in route in peut pus l'arrêter min copain. J'li avos d'mandé :
. "Vous êts sur qu'i n'da pas d'trop, alles vont monter , nan -
. - Nan I vot miux d' avoir!" In in a pas mingé eune seule, d'salates d'hiver.
. Ch't'année ch'est la cata aveuc l'gardin....in ch'momint l'gardin est gorgé d'ieau à mort. In arrachant des porions, min pied i s'est infoncé dins l'berdoule, min chabot i est resté dins l'berdoule. In pus dins l'cafe i a chinquante chintimètes d'ieau, j'ai du installer eune pompe,un vite cafe ! ! ! I n'arrête pas d'pleuvoir ! ! !

In brairot.

Avec 50 cm d'ieau dins l'cafe, te vas t'artrouver avec des boutelles sins étiquettes.... cha va faire des surprisses!

J'ai rin dins l'cafe, ch'est pas l'première fos qu'cha arrife.

pépéPéBé a écrit:

J'ai rin dins l'cafe, ch'est pas l'première fos qu'cha arrife.

Te pourros faire des chicons d'hidroculture ..

J"pourros faire d''l'aquaculture in effet.

Nos porions.




I n'da core deux autes parcs, d'quo aliminter tout l'coron.