I faut que j'vos raconte cha qu'in a fait c'ouiquende, infin samedi pus exactemint..
Vos savez sins doute tertous que ch'étot l'arrivée du beaujolais nouvieau, jeudi derni, si vos l'savottent pas ch'est que vos lisez nin les journeaux ni acoutez l'radio...
Ichi dins l'région, d'ù qu'in est au coeur d'l'affaire, i a plein d'manifestations diverses et variées et l'samedi i a un marathon d'organisé, eune course officielle, répertoriée dins tous les marathons d'France et d'Navarre, cha rigole pas.... bin min homme et mi in l'a fait... infin j'vas pas vos raconter d'cacoules, in a fait l'12 kms... ouais pace qu'i a tros courses, l'marathon d'42 kms, l'semi marathon d'21 kms et eune course d'12 kms qui est bin sur l'pus festife, les coureurs n'sont nin là pou faire absolumint un "temps".. I avot 3400 coureurs d'inregistrés pour chés 12 kms.
Cheule année min homme et ses copains avottent décidé d'faire cheule courses là, is s'sont intrainés, is l'ont fait in 1 h 23 mn, is sont arrivés 1937ème.
Pis mi avec des collègues in s'a dit pouquo pas nosautes, ouais mais nosautes, l'course ch'est pas vraimint nous tasses d'thé (café pou mi, SVP ) alors in l'a fait in marchant vite... bin in a mis 2 h 12, cha qui est pas mal. Mais les temps n'étottent validésque jusqu'à 2 h maximum, bon is ont quind même mis les classemints jusqu'à 2 h 06, à 6 mn près in étot classées...
Cha qui est drôle ch'est qu'in a quind même nous photos dins l'journal ! pace que ch'étot l'première fos que certaines "nounous" et personnel de l'crèche d'min villache faisottent l'course, alors l'mairie nous a incouragé in nous faisant des maillots et in nos invoyant eune journaliste nous interviouvé, cha qui nos a bin fait rire !
Pis in est fierte pace qu'in est pas arrivées les dernières, ouais pace que nosautes in n'sa nin arrêtées, in a toudis marché, alors que certains coureurs s'arrêtottent à tous les stands au bord de l'route pou boire un tiot cop... d'beaujolais (ou d'ieau)
L'an prochain in va essayer d'faire miux, pet ête courir 500 m sur les 12 kms

J'pinse que j'aros fait comme vous autes, j'arros marché mais surmint pas couru ....ch'est nin m'tasse ed café à mi non pu !
J'marche tous les jours un' à deux heures ...sauf quind qu'i pleut !

Ch'est bin tiote, t'as du bin dormir tous les deux!

Effectivemint, in courint pindint 500 mètres à 8 km/h au lieu de 5.5 te pourras gagner 12 mineutes l'an prochain!

Allez, in est tertous derrière ti pour tin intrainemint.

Euh... t'as babellé tout le long du chemin? Quo qu'ch'est que t'as bu aux stands?

batisse a écrit:

Euh... t'as babellé tout le long du chemin? Quo qu'ch'est que t'as bu aux stands?

Marcher cha n'impêche nin d'parler, té m'connos !
In a rin bu au stand, in voulot pas perde d'temps in arpartant in zigzagant , pis méfiance avec l'beaujolais nouvieau, j'préfère goûter chti que nou copain qui travaille avec des vignerons nous apporte, au moins chtilal y est bon...
L'soir in avot eune soirée beaujolaise avec les copains qui ont courru, in s'a couqué à 2 h au matin et..... dimanche in est allé donné un cop d'main à nou file qui vient d'emmenager dins s'majon, alors in a attindu dimanche au soir pou bin dormir...

bin alors ti zautes deux vous z'etes toudis in forme!!!!!!!!!!Capieau.
bin mi aujourd'hui avec m'homme in est allé faire in tiot tour a Avignon in repérage pour les cadeaux Noel , bin c'soir j'ai d'maux a mes gambes.d'main séance gym parceque cha rouille.

mi aussi hier j'ai marché dins ché camps

m'n'incien collégue y vient d'ëte in r'traite et m'copine all étot pon disponible hier au matin.

min collégue ché un amateur d'photos, ché un viux garchon et tout l'monde sait que l'démarrage de l'retraite ché pon toudis facile pour tout l'monde...alors, un tiot coup d'bigophone et l'v'là qui arrive...in a marché pindint eune heure et d'mie, in a eu du vint, de l'pleufe...mais in étot fort contints

je m'sus dit: "j'l'ai dégouté à jamais...pauv' homme"....bin non non; in s'r'in allant y m'a dit : " j'pinsos pon qu'j'aros pu marcher autant ..bon bin ché quand te veux..."

mi j'y r'tourne à ch'matin aveuc m'copine...mais j'vas l'laicher li, s'arposer un tiot peu...pis j'vas l'laicher apeller li même.