I m'est arrivé un drôle de séquo t'alheure. Comme j'étos nin là, j'ai nin fait mes courses mardi, jour d'ouqu'i a pas grind monte. J'aime nin l'foule, donc, j'chus allée au super market à l'ouverture ch't'au matin.
Pas incore du monte, j'chus avec min chariot dins l'allée cintrale et j'tombe sur un' imployée qui vint sur mi, qui m'dit bonjour avec un grand sourire et .....qui m'fait la bise !
M'tiète elle tourne à tout berzinc pour arconnaite el femme mais....j'l'arconnos pas ! Heureus'mint elle a s'n'étiquette et j'sais qu'elle s'appelle Christine.
"T'habites toudis derrière chez mi ?" qu'elle deminde in bon français. Bin non, j'chus partie in 99 ! J'chus arvenue que ch't'année !"
"Et les afants commint qui vont ?" ....ch'est donc quéqu'un qui connot vraimint pour poser ch'te question. Bref l'conversation continue incore comme si je l'connaissos bin. Comme elle devait printe sin poste, elle m'a arfait l'bise in m'quittant et in promettant que l'prochaine fos, in prindra plus el timps d'babeller.
In rintrant, j'ai appelé m'copine car j'ai finis par avoir un' tiote idée de qui elle pouvot ete. Cha doit ete cha : l'vosine d'une de mes anciennes collègues, vosine que j'ai nin fréquentée mais qui devot m'vire de s'majon quind j'étos dins l'gardin avec les afants !

j' pinsos qu't'allos dire :" all vient vers mi, all m'fait la bise pis all m'dit : vos êtes l'première cliente aujourd'hui, z'avez gangé vou poids in pates!!"

Cha qui proufe Matante que t'as toudis l'même tiête qu'in 1999, té vas pouvoir canter comme Roulio-les-essuies-glace : "Yé n'est pas cangée, yé suis toudis l'59 expatriée.."

Mi eune fois, y a bin 15 ans, j'étos dins Lyon avec eune copine, comme alle devot satisfaire un besoin naturel, in rintre dins un café et là l'patronne m'dit bonjour in m'appelant bin par min prénom et m'deminde des nouvielles de m'maman, in demindant si alle allot miux, comme m'maman venot de s'faire opérer j'me dis que ch'est quequ'un qui m'connot... Alors là parel que Matante j'arcache dins m'mémoire qui cha pourrot bin ête ! et surtout commint alle connot mes parints qui n'ont jamais habité dins Lyon, mais vraimint s'tiête ne m'disot rin !
Pis l'femme deminde des nouvielles de mes frères (bon j'in ai deux, donc j'me dis vraimint que j'ai des treus d'mémoire), mi j'reste toudis très évasife dins mes réponses et pis d'un cop l'femme continue in demindant si m'soeur habite toudis à Lyon dins l'rue derrière l'café... et j'ai nin d'soeur, alors là ch'étot clair, c'te femme m'avot confondu avec quequ'un d'aute, mais alle avot l'air tellemint continte de vir cheulle qu'alle croyot arconnaite que j'in nin osé la détromper, comme m'copine arvonot du tiot coin j'ai pris l'prétexte qu'in étot à l'presse pou nou rindez vos et partir.
L'femme m'demindant bin in partant d'donner l'bonjour à m'maman et d'li souhaiter un bon rétablissemint et in ardisant bin min prénom dins sin "au revoir".
Mi tout c'que j'ai souhaité dins m'tiête, ch'est que l'opération de l'femme dont alle parlot ch'étot nin trop grafe et qu'alle allot bin, pace que mi dins l'début d'nou conversation j'ai affirmé que l'opération de m'maman ch'étot bin passée et que tout roulot !...
A l'époque j'avos donc un sosie qui s'appelot comme mi dins Lyon !

Ouais ben à m'mote qu'in y a tertous eu drot à ch't'avinture-là...

Le pire ch'est tchand que ch'est des gins que te sais que te connos mais que t'es incapape de savoir où et tchand que te les as vus avint.... Les complets inconnus, in peut toudis avouer qu'in ne parvient pus à armettre lu nom chu lu tiête. I a bon dos Adenauer....

Mi j'étos commercial et j'ai souvint eu de l'misère à armettre un nom et eune fabrique chu eune tiête.... Ch'étot d'autint plus gênint que mi j'étos bin arconnu!

Deux cheftaines in même timps à Lyon... tcheue affaire. A l'occasion t'n'homme i arot pu faire des papoules à l'autre et se printe eune margnouffe. Ou pas. Cha vaut eune inquête énon?

Mi j'aimos bin ène séquo: quint j'avos mes cheveux très longs et m'barpe, i'n'da qui z'ont mis un bon momint pou m'arconnète...

In t'appelot Jésus?

batisse a écrit:

In t'appelot Jésus?

Non, Fidéle

I n'avot nin s'tignasse si longue que cha.... Bon, d'barpe d'accord, mais in haut à m'mote que te faijos puq hippie que li.

Si tous les zhippies is avaient des clochettes, des clochettes au .... ch'est qu'on ne s'entendrait pus (les Charlots, quelle époque!!!).