J'ai acaté des fraises, j'ai acaté du pain et, in mingint mes fraises i m'a venu l'idée de faire comme tchand que j'étos tiot.

Du coup, j'ai machucré quelques fraises chu eune grosse tartine, avec eune fourchette, j'ai rajouté du chuc in poute et j'ai mingé cha avec mes ys qui faijottent roue libre.

Ch'est bon! Et le pain rose de jus, ch'est comme du gâtieau.

Ch'est vrai qu'in faisot cha avint ! Cha m'donne eune idée vue qu'hier au soir j'ai ramassé un gros saladier d'fraisses, hum ch'est bon chés fraisses du gardin.
Té devros in mette dins tin rond d'tierre qui a été labouré, cha cha n'deminde pas trop d'traval, faut juste pinser à donner à minger à chés limaces si té veux in récolter
T'as nin sali tin maillot in faisant cha, pace que cha a du guiler ?

mi aussi je n'ai mingé sur eune tartine l'aut' jour....cha m'est arvenu in apprenant un texte pou ch'théâtre . y avot eune phrase qui disot:" in étot fin hureux aveuc eune tartine d'saindoux du poif et du sé, un cantiau d'pain aveuc eune éclette, eune pentière su l'plaque du fu o bin à l'plure aveuc un sauret...pis eune tartine d'bure aveuc des fraises et de l'castonate...je n'ai cor l'sintimint au bord d'min nez pis dins m'bouque...." vingt diousse...j'ai arrêté là aussi sec m'n'apprintissage d'texte et j'ai fait un sort à m'baguette min burre salé pis mes fraises....j'sus prête à r'commincher!

Y'est bieau tin texte Camanette... y'a des droits d'auteurs? Sinon, te pouros l'partager chu l'coin des artisses.

Rin qu'à lire cha, j'berlaffe ou j'befelle.. cmint qui faut dire?.

Pour mi, les tartines aux fraisses et au chuc que cha guille chu l'minton ch'a ne s'minge pos assis à l'taff mais chu l'perron du gardin...mmmm, mi aussi j'serre mes ys d'bonheur.

Cha n'fait pos chinquante ins que j'ai nin mingé les fraisses comme cha.. tous les ins j'arcominche comme tchin qu'j'étos tiote.
M'n'homme y'a appris à minger les bananes aveuc du pain et du burre et à ch't'heure, même in retraite y continue.

Gamin va!

J'ai eune soeur qui minge l'fromache de biquette frais sur du pain et aveuc du chuc, parque elle a appris comme cha toute tiote en vacances in Touraine...

Ah ouais... j'avos oblié cha!

Elle le fait incore? Ch'est la brune énon?

Et ch'est la brune qui s'balladot dins l'parc à fraises avec es tartine toute prête pour printe les fraises....commint qu't'as fait Mérilou pour arriver à avoir des fraises sur tin pain et à l'minger su' perron du gardin ? Bin ouais, la brune elle habitot pus à l'majon j'pinse !

Min mononque, l'carrieux d'carbon, avot défindu à m'tiote cousine, d'cueuilir les fraisses. Alle n' les cueuilot pus, alle les mingeot directemint, à plat vinte dins ch'parc à fraisses..véridique...in a core bin rigoler aveuc cha. . . '

I faut dire que les invies de fraises, ch'est eune espécialité de guernoules contre laquelle i n'y a nin grind cosse à faire!