Dimanche in est allé visiter le musée et l'site minier de st Pierre la Palud qui s'troufe à 25 kms de chez nosautes, toudis dins l'départemint du Rhône.
Tout cha c'est parti d'eune information que j'avos eu par l'blog d'André de Marles que certains d'intre vos connais'tent ou du moins sin blog. (vos buquez l'nom si vos voulez découvrir l'blog)
J'avos lu que pou l'première fos étot organisé un salon minier avec exposition et vente d'objets de la mine, et in s'est dit que ch'étot l'occasion d'aller vir cha et de visiter l'musée que cha faisot belle lurette qu'in s'disot qu'i fallot y aller.
In est contints d'voir fait l'visite car in a découvert quette cosse de très interessant.
Bin sur ichi dins l'région, ch'étot pas eune mine de carbon mais ch'étot de l'exploitation de pyrite de fer et de cuivre. L'mine a fonctionné du XVème sièque à 1972
vl'a chi le lien du site pou ceusses que cha pourrot interesser.
http://www.musee-de-la-mine.com/fr_FR/

Ch'est moins grind que l'musée de Lewarde mais ch'est égalemint des passionnés qui ont fait c'musée là et qui font visiter les arconstitutions de galeries, et l'traval de chés mineurs.
Y a égalemenit une bielle collection d'lampes d'mineurs d'tertoutes régions, donc celles de ch'nord-pas de calais.
La mine descendot à 325 m de profondeur et faisot 5 kms de long. Ch'est comme vos veyez gramint moins grind que nous mines.
Is utilisottent des lampes à carbure.
j'vas vos mette queques photos.

v'la chi l'intrée du musée


les galeries faisottent 3X3 m et étottent étayées avec du pin.


les buttons étottent espacés de 20 cm et étottent mis en "gueule de loup"


à suivre.....

Y avot aussi des g'vaux au fond, et chaque g'val tirot 15 wagonnets -paraitrot que l'g'val "devinot" l'nompe de wagonnets car à 14 i démarrot pas et à 16 nin pus, ch'étot 15 et pis ch'est toute !).

Ste Barbe est toudis fêtée - (j'iros bin y faire un tour l'prochaine fos)


Les mineurs travaillottent par équipe d'tros, infin quate si in compte l'canarien qui étot dins eune gaïolle, chaque équipe étot responsape d'sin canarien, dès qu'chés hommes veyottent ch'canarien su l'daine, cha voulot dire qu'i avot des émanations de monoxyde de carbone. L'soir tous les canariens étottent armis dins eune volière. Nou guide gardot l'souvenir d'tous chés osieaux qui piaillottent quind i allot vir sin père à l'sortie de l'mine.

eune lampe à carbure


L'contremaître s'appelot aussi un PORION.
et les vêtemints étottent aussi suspindus dins "l'salle des pendus"

l'cité des mines, maisons d'chés mineurs

les ingénieurs avottent des pus bielles majons et l'directeur de l'mine habitot dins un câtieau.

bonsoir tiote béllotte ,
cha pas etait facil pour e m'connecter su l'forum , mais l'principal ché que que j'iais arrivé quand mème ,, l'photo d'ché corons que t'a mis ché vraimein un bio coin , ouais c'eto des porion les chefs al fosse , ché un drole de noms ? MAIS TIN Ché comme cha qu'on l'ai appello, bein ch'fais min p'etit tour su l'forum , j'ai pu gramin l'habitude et j'fais min mieu
e'te souhaite un'e bonne nut et j'te fais des grosses baisses
Mady

nous v'la chi à l'fin min tiot arportache avec l'chevalement



le "puit Perret" que l'musée a conservé a été creusé in 1892, i fait 28 m de haut et l'molette fait 4 M de diamètre

et ichi ch'est les cages d'extraction d'ù qu'arrivot l'minerai



Valà ch'est fini, j'espère in avoir intéressé au moins quequ'uns
j'ai cor d'autes photos mais j'pinse que cheules que j'ai mises donne eune bonne idée du fonctionnemint de cheule mine de St Pierre la Palud.

In s'y crorot!

Pour l'cheftaine hip hip hip...

Houra !

Bravo Tiote, très beau reportage