Dins ch'gardin d'Théresse
Jean-Pierre s'in va à pronnes
Lundi après midi.
Comme all' sont vraimint bonnes,
Bien muché, bien blotti,
I n'n'amingé plus d'eun',
Ch'est mi qu'i vous l'dit !
Jean-Pierre s'in va à peimmes
Mardi après-midi.
"Scélérat !" li crie l'femme,
Bien muché, bien blotti,
Il a croqué quate peimmes,
Chés trognons aussi !
Jean-Pierre s'in va à pêches
Mercredi après-midi.
Et, tell'mint i s'dépêche,
Bien muché, bien blotti,
Il avale chinq pêches,
Chés noïaux aussi !
Jean-Pierre s'in va à poires,
Judi après-midi.
Oh ! ch'est à n'y pont croire,
Bien muché, bien blotti,
I dévore trinte poires,
Et trinte queues aussi !
Jean-Pierre s'in va à grogelles
Verdi après-midi.
Tant pis pour ses orelles,
Bien muché, bien blotti,
I cujit chés pus belles,
Mais chés vertes aussi !
Jean-Pierre s'in va à fraisses
Sam'di après midi.
Dins ch'gardin à Théresse,
Bien muché, bien blotti,
I ingloutit mille fraisses,
Chés fraisiers aussi !
Pou el' fête ed' grand-mères,
El' Diminche à midi,
Préparons plats et tourtières,
Ech' dessert, ech' rôti.
...Mais je n'vos pont Jean-Pierre,
Bien muché, bien tapi,
Ch'est eun' purche qu'i digère,
Couqué dins sin lit.
Pierre Sébert
Peimme = pomme
Judi = jeudi
Verdi = vendredi (se dit aussi vinderdi)
Poème découvert dins l'life d'Guy Dubois "commint qu' i dijot pépère"