J'ai arconnu le bistrot de Godewarsvelde. Ch'est aussi un resto et j'y ai eune fos mingé l'an passé. Des carbonates!

Ch'est vrai qu'i a eune décoration typique.

mi aussi j'connos ch'l'estiminet à Godewarsvelde...in y a fait l'anniversaire de m'n'homme y a eune paire d'années...typique!
in veyant ché ustinsiles su ch'poele su l'photo d'Roger, cha m'a fait sourire, j'viens d'ram'ner eune cafetière idintique pou préparer m'mise in scéne d'not' prochain pestaque à Montenescourt
cha s'passe dins un intérieur d'mason d'ouvérier, l' féme all sert l' café à s'n'homme et in essaye d'artreuver des objets d'époque pou que che soche pus "véridique"

Avec min homme in vient d'raviser l'arportache et chez nosautes deux, quind in étot jonnes, in avot aussi c'ginre de "cuisinière" à carbon, chez mes grinds parints aussi bin sur... i avot toudis l'bouilloire posée d'sus.
Par conte quoqu'alles sont devenues ?? mystère...
Pis in avot aussi ch'convecteur à carbon dins l'salle à minger.
J'intinds cor le bruit du carbon qui débaroullot dins l'cafe par l'soupirail aussi bin chez mes parints que chez mes grinds parints.
J'ai cor l'séau à carbon de m'grind mère, in décoration devint m'queminée qui nos sert d'cauffache dins nou majon, mais asteur ch'est du bos et nin du carbon qu'in met d'dins...

In métot les pieds d' sur l' porte du four et in prenot un bon life.

.....A l' majon i avot aussi eune Prussienne à carbon, aveuc l' four au d'zeur. M' mère qui n' in faijot jamais d' autes, l' été, comme ch'fu n' étot pas alleumé, alle avot eu l' bonne idée d' ringer dins l' four ses photos mais alle s' in est pus rapp'lé quand qu' alle la ralleumé l' hiver ! ! !

... Ch' est quand qu' cha a sintu l' guerzi qu' cha li est arvénu à l' esprit ! ! ! ! '

... Sacrée grand mère alle nous a bin core fait rigoler c' jour la......et elle, alle riot core pus fort qu' nous autes

Mi aussi mes parints is avotent un "feu flament" comme in dit, un triangulaire comme chti qui y a au musée d'Léwarde, avec un foyer tout rond in fonte.
Ch'est vrai qu'au matin in attindant que ch'café i seuche fait in pouvot mète ses pieds sus ches portes ed fpur ou sus l'bas au d'sus de ch'bac à "chinnes".
Mi j'ai gardé que des pelles et un "tigeon"

Nous, les ovriers du jour, in faijot des tijons, des pinches à dégroger,in n' in aussi pour un tiot peu d' sous.

. Quest c' qu'in n' a pas fait....surtout min père.