Comme je l'ai déjà dit ailleurs, j'ai archu pour la noël l'intégrale des pestaques de François Pirette. Ch'est un belge que si qu'i n'd'a qui ne le connochtent nin, is ont qu'à aller cachi chu internénette pour se faire eune idée du personnache.

Mi j'aime bin. Ch'est un clown déconneur avec un tchoeur sinsipe, comme souvint ches gins-là.

Bref, parmi les pestaques in question i n'd'a des dont j'avos jamais intindu causer avint. Dont un que je viens de vir qui m'a fait pinser à mes camarates d'origine minière. I s'appelle chaleur charbon.

In fait, je ne sais nin vousautes, mais mi tchand que je mets un dvd, je le mets dins le manicraque et j'ai incore le timps de faire eune séquo avint de m'assir pour arwetcher, vu qu'i faut laichi passer les avis d'interdiction de location, les utilisations exclusives in milieu familial (à condition d'avoir des bonnes pupilles pour savoir lire parce que ch'est écrit tout tiot) et pis tout cha que l'avinche rapite de l'télécomminte elle a aucun effet dessur.

Et chu ch'dvd que je viens de vir, in m'approchint à la fin du défilé des textes, je n'd'ai vu un qui n'arsonnot nin aux ceusses que j'ai l'habitute de vir. Du coup j'ai lu un tiot peu.

Et j'ai appuyé chu pause pour bin le lire.

Et à la fin du pestaque, j'ai arcomminchi au début, j'ai rappui chu pause et j'ai noté cha qui avot d'écrit:

"Notre grand-mère est partie. C'était l'année dernière, parce qu'elle était fatiguée.
Il faut dire qu'elle était restée longtemps, bien plus longtemps que notre grand-père. Donc, pour elle c'était déjà trop longtemps. Alors l'année dernière elle est partie.

Depuis, les charbonnières ne remontent plus de la cave jusqu'à la cuisine, l'arrière cuisine et la pièce du devant.
Ainsi les feux des poêles se sont éteints, comme nos soupirs d'enfants gâtés qui se plaignaient à chaque visite que chez elle il faisait décidément beaucoup trop chaud.

Nous n'entendrons donc plus jamais Bobonne nous répondre amusée: gardez l'mazout pour votre maison, pour moi rien ne vaut la chaleur charbon.

Ce spectacle lui est dédié."

Et il a fait très fort pour sa grand mère... i finit in mineur de carbon!

mi comme souvenir de m'grind mère, j'ai aussi s'carbonnière, alle est à côté de l'queminée, bin sur alle trinsporte pus d'carbon, mais alle garde l'papi journal qui sert à allumer l'queminée...