pindant not séjour à l'océan in a eu in jour d'pleufe et comme in rintrot à l'hôtel pace qu'in comminchot à ête mouillé (bin sur c'jour là in étot partis sins l'parapluie ni l'wayka, bin ringés dins l'champe), l'gérante elle proposse à min homme d'prinde des revues si jamais i avot invie d'les lire et min homme i li répond "je vous remercie mais j'ai un livre sur le feu" et l'gérante aussi sec li deminde si i est pompier !!! min homme a répondu que non mais i a pas osé li dire que ch'étot pas in life su l'feu mais qu'i utilisot l'espression qui voulot dire qu'in life comminché l'attindot su l'tape d'nuit....
alors j'vos deminde : avoir quette cosse su l'fu, ch'est eune espression qu'in dit que dins l'nord ? mi i sanne que non...

Tiens, l'modérateusse verte elle a arvenue... Production d'hule ou nin de production d'hule in route?

In ce qui concerne t'question, dins m'tiête à mi, avoir eune séquo chu le feu, ch'est avoir eune séquo in préparation. Du cop, avoir un life chu le fu cha voudrot dire que Toni i est in train d'in écrire un. Si qu'i se met à écrire toutes tes histoires autremint qu'ainsi, cha va être un life d'au moins 1000 paches.

J'in réserfe un!

A m'mote que Toni i voulot dire qu'i avot un life au caud... Te dos l'épuiser ch'paufe garchon avec t'babelle! Le reste cha ne vous arwette nin...

Allez, eune bonne arprisse à ti et à tertous qui oeufe.

batisse a écrit:

Tiens, l'modérateusse verte elle a arvenue...
1)Production d'hule ou nin de production d'hule in route?

2) Si qu'i se met à écrire toutes tes histoires autremint qu'ainsi, cha va être un life d'au moins 1000 paches.

3)J'in réserfe un!

1) pas un MML !!! cheule route là ch'est moins stressant que l'autoroute du sute surtout sous un arnu

2) eune encyclopédie té veux dire ! in vingt volumes au moinse, "les mémoires d'eune guernoulle" cha va s'appeler ou bin "elle a toudis quette cosse à raconter".....

3) promis, l'premi ch'est pou ti, eune édition espéciale dédicacée...

pour toute préinscription prière d'invoïer vos coordonnées (in accepte aussi les chèques )