pépéPéBé a écrit:

J' avos comprind du pied d' vaque ! ! ! aveu l' chabot, à propos cha a des chabots eune vaque ? ?

Ché nin ti l'mète d'école non ?

pépé chez sin boucher .

-Monsieur l'boucher, vous avez des pis d'vaque ?
-Ouais;
-Vous d'vez avir du mal pour marcher...

mi j'deminde del queue d'boeuf et souvint dins min bouillon avec cha j'rajoute del joue d'boeuf.

Ch'est un bon tiot plat d'hiver mais cha n'plait pas à tertous ch'est del viande un peu gélatineusse. Mais pour ches connaisseurs ch'est'un plat d'roi.

In plus frod ch'est meilleux. J'ai trouvé dins un magasin des

cornichons polonais au sel, du cop j'ai mingé l'doube que j'aros du. Ch'est mi graffe je m'sus régalée.

Hmmm de l'joue, de boeuf ou de pourcheau, que ch'est bon!

In comminche à in trouver plus facilemint, que cha soche dins les boucheries ou dins les restos. L'semaine passée i n'd'avot in plat du jour dins un routier. Vinguette, je m'a pourléqué!

Par contre, de l'tcheue de vaque, je n'd'ai jamais vue, ou alors ch'est que j'ai nin cachi assez. Eune fos in intrée dins un autre routier i avot du pid de vieau. Ch'est très spécial, ginre gélatine et compagnie, mais avec eune bonne sauce, cha passe. I faut juste nin trop compter les calories!

Cha y est nous vlà arpartis dins l'bouffe.

L'joue d'boeuf copée in tiots morceaux, mélingée à des cuisses d'pintades ou d'poulet à l'sauce tomate (savez l'sauce tomate italienne qu'in oublie su ch'coin du feu et qui fait des tiotes bulles ed cuisson pindint des heures, cha fait, bouuff..... bouuff, et qu'in survelle pour pas qu'cha colle in y rajoutant un tiot peu d'ieau) quanque arriffe l'momint de minger eune bonne platrée d'pâtes in baffe rien qu'in s'mettant à tape et l'viande après cha d'cuisson in a pas besoin d'coutieaux pour l'coper, ch'est du miel.

Cha y est mi m'sauce tomate ale cuit déjà depuis au moins 1/2 heure.

Bon, ch'est un sujet de bouffe aussi hein... faut nin s'étonner qu'in y cause de bouffe hein tiote.

Mais ch'est vrai qu'in partint de l'tcheue de vaque in in est à ch't'heure aux cuisses de poulet et à l'sauce tomate.

Et avec cha, te minges des nouilles, comme l'cheftaine?

bien vu ; sauce tomate mais avec des gnocchis.

Comme in est dins ches sujets d'cuisine, ti qui est là haut dins l'est, te dos connaîte cha : je m'sus mise à essayer d'faire des spaetzle, la pâte cha va mais quanqu'in a pas les ustensiles voulus je m'sus lancée à les tailler d'sur eune planque et j'cope l'pâte au couteau.
L'premier cop ch'étot pas trop réussi, mais pétit à pétit j'y arrife.
Ch'est l'même genre qu'les nouilles, spaghettis et cie.

i existe un ustensile à spaetzle comme eune râpe ; in intique l'pâte au dessus et in râpe .... ches tiotes creu-creules ale tombent dins l'ieau bouillante et au moinse ale sont régulières.

Des creu creules? T'as fait option lingues exotiques à t'n'école du 62?

A part cha, ouais, les spaetzle, je connos. Ch'est bon. Ch'est riche in z'oeufs...

Ichi in in trouve de deux sortes:
- les sèches toutes in longueur, comme les nouilles ordinaires, à part qu'au lieu d'être bin droites comme des spaghetti ou des macaroni, elles sont toutes tordues et nin lisses. A faire bouillir 20 minutes et à assaisonner comme in veut.
- les "fraiches" qu'elles se présintent sous forme de tiotes boules allongées, toutes tordues aussi. I n'd'a des avec des herpes dedins. Cha, cha se fait rissoler à l'poêle, du coup cha roussit un tiot peu, ch'est fameux. Pour le peu que t'y rajoutes des tiots lardons ou/et de l'al... hmmmm te sais pourquo que t'es chu tierre!

Mais je vas deminder à min marchind si qu'i n'd'a des in creucreules, pour l'export. Je te dirai quo. D'ac?

rien qu'in parlant ichi j'va grossir d'eune liffe.



des creu creules, ch'est des tiots restes d'pâtes, d'beignets d'in l'friture ou bien des tiots bouts d'frites bien cuites.



J'traine pus, bon diminche mes gins in est invités dins le Lot -46 - (bieau départemint, j'adorrre aller dins ches coins là) à plus.

Citation :

Pour le peu que t'y rajoutes des tiots lardons ou/et de l'al...

Et gramin d'crème aussi bin sur...

Pfffft

Avec de l'bonne crème du Jura bin fraîche quo qu'cha dot ète, bon, Hummmmmmmmmmmm !

Tais-te, cha fait un momint que j'ai nin été in tcherre.

I faut dire qu'in est in hiver et que les vaques elles ne sont nin dins les prés (incore que... vu qu'in n'a incore nin eu d'hiver, i faudrot vérifier). Bref, tchand que les vaques elles ne mingtent nin de l'herbe verte, l'crême elle est blanque. Elle est bonne, mais blanque.

Alors qu'eune quinzaine de jours après qu'elles sont artournées au pré, l'crême elle vire au djaune, et là... hmmmmmmm... t'in mingeros chu l'tiête d'un pouilleux.

Ch' est parèle pour eule bure ! ! !

pépéPéBé a écrit:

Ch' est parèle pour eule bure ! ! !

A part que maint'nant l'bure qu'in acate i'est coloré avec du E 307 béta caroténe, cha fait qu'il est toudis un peu jaune

Nous in prind du bure qui vient d' eune ferme du coin. L' fermier i dot pas connaîte l' E 307, i est tout blanc in ch' momint, l' bure pas l' fermier, les vaques alles dotent pas core daller in pâture, et in pusse l' date limite de consommation alle est marquée d' sure.

. Ch' est vrai qu'i a des saloperies dins tout ch' qu'in acate,colorants, conservateurs etc... I n' a pas d' danger qu' cha moisisse.

Non Pébé, Ch'est pas gras si té laisse arfroidir tun bouillon ,té l'dégraisse en inl'vant tout l'gras gélifié qui s'trofe par d'zeur et in risque rien por la santé

De quo que te causes min nain?

D'ùche que te t'as arrêtée dins ch'sujet?

Ch'pauf émile i va nous printe tertous pour des balous, vu le bouvaque qu'in a mis dins sin sujet.

Te n'd'es des sacrés tisautes....

ouais, ch'est vrai, quand in veut vous suife, ch'est plutôt dur dur J'avos oublié qu'i avot plusieurs paches; J'vas essayer d'suife si ch'est possipe!
J'artourne à mes fourniaux! A+

ej comprind pus rien..

mi non plus!

ya rin d'cra dins tou cha si,comme dis si bin min nain,y faut laicher r'frodire et dégraisser ya rin d'milleux . yavot aussi du pi d'vaque quind metot d'un eug'bouillon un mingeot cha frod aveuc du sé,du pov et del'moutarde,ché milleux que du gimbon! cha aveuc un'n pime terre al' plure et des cornichons,un vrai régal

min père y preferos mius ech pis que l' viande et n'oche à moelle, et dins sin bouillon y mettos in tiot verre ed vin

Min pére y fageot l'même,y métot du vin dins eug'bouillon et y mingeot eul'moelle sur un'n tartine aveuc du sé et du pof

Ché vrai que cha d'vint dur à suif,in est loin del'queue d'vac,y sro temps d'canger d'sujet ,allez,bonne semone à tisot tertous

Infin bon, ch'est nin de tout cha... mi j'ai mingé de l'cuisse de dinde!

Et i in reste!

Ah? Cha n'a rin à vir?

mi j'ai mingé du rôti d'porc avec des brocolis, acaté au marqué hier au matin par min homme pindant que mi j'étos à l'musique...
c'rôti d'porc venot d'un producteur du coin et i étot fin bon !
D'pis qu'i est in pré-artraite min homme va faire l'marqué (mi cha m'énerfe cha va pas assez vite, sauf in vagances, là j'prinds l'temps) et in découfe plein d'producteurs locaux qu'in n'connaissot pas cor !