Hier i a fait bieau, portes-ferniètes ouvertes, y in a qui ont mingé sur ches terrasses.
Aujourd'hui j'va quemincher à rassimbler mes pots d'fleurs sous ch'balcon pace que ch'timps là n'va tout d'même pas durer jusqu'au premier de l'an.
J'va essayer de départager des gauras -savez ches fleurs à la mote in ch'momint- bouquets d'fleurs très aériens, fleurs roses ou blanques, qu'in vot beaucoup dins ches massifs des ronds points des villes avec ches graminées.
Cha m'fait l'impression qu'ch'est comme du chiendent cha, mais cha a bien fleuri. Pis in a un citronnier à protéger aussi dins un gros pot, cha sérot dommache qui attrape un cop d'frod.

mi, des fleurs qui poustent comme du cruau, cha m'interesse. j'ai été vire à quo qu'cha arsonne des gauras... bin cha a l'air fin bieau! cha peut rester l'hiver dehors?

j'sus pas eune espécialiste in m'a dit que j'pouvos les garder d'eune année sur l'aute. Vlà ce que j'avos fait j'les avos mis dins des très grands pots sur m'terrasse avec des géraniums mi-retombants. J'coupos au fur et à mesure ches branques défleuries cha ardonnot de l'forche pour ches nouvelles fleurs. J'peux te dire qu'j'ai eu del misère à les saquer de ch'pot i z'étotent bien enracinés. J'ai arplanté cha dins l'pleine terre dins un massif ed fleurs. J'ai fait eune coupe d'un tiers ed ches branques et in verra bien si cha arprint au printemps.
J'n'in mettrai pus dins des pots ch'est invahissant pour ches zautes plantes.

J'connaissos pas nin pus chés fleurs, ch'est vrai qu'alles sont bielles.
Mi j'ai pas cor rintré mes fleurs. J'ai foque inlevé chés pétunias qui n'arsonnotent pus à rin, mais mes géraniums et mes bégonias sont cor potapes. Va quind même falloir que j'me décide pace que si cha gèle chés bégonias cha va ête de l'bouillie et beurk beurk pou les artirer de l'tierre, cha va faire schplock schplock.. Infin cha f'ra comme tous les ans, pourtint j'me dis toudis "l'an prochain té t'in occuperas pus tôt m'file !"

mi non pus j'ai nin rintré les fleurs... elles poussent tout partout. Dins 1 mos et dmi les jours y rallonchent , in a nin vu l'hiver et in a tout plein d'roses tremières qu'elles fleurissent cor à ch t'heure... même des roses qui n'sont pourtint pos des roses ed Noel....mamère!

Mi cha fait longtimps que j'ai passé l'dondeusse dins cha qui arot du être eune jachère fleurie. Je supposse que camanette elle a fait parel.

Ouais, parce qu'i faut dire qu'à nousautes deux in est les champions de l'floriculture....

Champion de l'ortie-culture?

Oh! Cheule-là je l'arplacherai. T'as trouvé cha toute seule? T'in seros bin capape avec t'manie comprinte tous les mots de travers, sacrée guernoule!

Mérilou a écrit:

Champion de l'ortie-culture?

Et pourquo nin la pichi-culture ?
Eh Batisse t'avos bu gramin d'vin D’Alsace ?

Ouais... depuis jeudi soir in n'a bu que cha... ch'est malin énon?

Pourtint ch'étot rin que du bon!

Infin bon, cha a l'air d'aller miux. Ch't'au midi j'aros nin su minger, mais ch't'au soir je sins que je vas me rattraper!

D'autint qu'i a des fonds de
boutelles à finir

batisse a écrit:

D'autint qu'i a des fonds de
boutelles à finir

Pac'que tout i a pas été bu ???? T'es pas un peu minteur tisaute !

I n'd'a pus? Oh les goulaffes!

In tous cas i reste du fromache puint... J'ai peur d'ouvrir min frigo!

arrête l'vin blanc....va vire dins l'aut' sujet

In d'sous des feulles mortes j'ai treuvé un bieau gros hérisson, et du qu'cha range c'te bestiole?

Cha hiberne, même que cha aime les tas de feules, de bos ou de séquos ainsi.

A m'mote que te ne l'as nin trouvé là sous les feules par hasard.

Arfais lui un bieau tas de feules et demindes i pardon!

bin mi ej viens ed tailler mes thuyas,et y avot in nid ed mulots,ej savos pas que cha pouvot faire lus nid dins des thuyas,ech serpent ed min voisin y s' régaler!!

Citation :

Arfais lui un bieau tas de feules et demindes i pardon!

I'a nin voulu réponte, i s'a mis in boule..

Alors ch't'eune fumelle!

tiote bellotte a écrit:

si cha gèle chés bégonias cha va ête de l'bouillie et beurk beurk pou les artirer de l'tierre, cha va faire schplock schplock..

eh bin cheule après midi, profitant qu'i avot un tiot rayon d'solel, pis surtout que j'avos l'temps, j'ai rintré chés géraniums et artiré chés bégonias, nananèèèèèère cha f'ra pas schplock schplock...
Et vos savez quoqu'i moute l'bout d'leu' nez ? chés CROCUS et NARCISSES !!! mais d'ù qu'in va ! va falloir que j'les protèche avec l'cindre de l'queminée pace que quind cha va g'ler, cha va ête un rude dallache !

crocus et narcisses !

mi j'ai des violettes sur un tiot talus

Chez mi i a des roses crémières qui arfleuristent.

A part cha, j'ai armarqué qu'i a eune séquo qui est mal faite dins l'nature: pourquo que tous les arpes is ne perdtent nin lus feules in même timps?

Te t'esquintes à ramasser les feules d'un et i n'd'a un autre i te nargue in ayint un air de dire "vas y min gamin, tchand que t'aras fini je vas t'in armettre eune couche..."

Pis comme un fait exprès, ch't'année i a nin de vint. Du coup cha quet à un rythme très "cha va durer longtimps". Et in puq cha n'est nin poussé chez le vijin...