In rale toudis après ches téléphones partout, n'import du, l'nez toudis sur ch'l'ordi, pas vrai ?
Ben quand qu'in n'a pus rien bin in est bien imbêté, pour pas dire plusse.
In a eu eune surtension. J'connaichot rien à ch'phénomène, j'ai appris d'pis Beaucoup d'dommaches sur les appareils ménagers, l'cauffage au sol. Bon in est obligés d'faire avec comme dit l'aute, mais l'plus dur, surtout l'plus lent ch'est les dossiers à faire, les RV à obtenir.

Ben, veyez braves gens avec tous ches problèmes là
comme j'sus heureusse d'vous artrouver d'vant min nouvel ordi.

Bonne journée tertous

Waouh, t'as un nouvel ordi? Ch'est edf ou s'n'assurance qui te l'a payé suite à l'surtinsion?

In in viendrot presque à espérer que du côté du pic st loup i aiche aussi eune surtinsion, parce que sin lordi à Marcel cha fait un momint qu'i li fait des ruses. Marcel il buque avec s'caisse à otiles à côté de li. T'as qu'à vir.

Mi aussi i fut un timps j'avos de l'surtinsion. A ch't'heure je chuche des tiots  bonbons....

In tous les cas je chus contint de t'arvir ichi. Te ne trouves nin qu'i a comme de l'écho tellemint que ch'est calme?

Allez, eune grosse baisse et à plus tiote.

Bonsoir à vou"zautes !

Mi aussi, j'ai un nouveau ordi, ou plutôt ène nouvelle tablette, j'avos mis l'ancienne à charger sur l'plan d'traval de l'cuisine, in ouvrant ène armoire au d'sus, un tiot bocal y' a tché, in plein d'sus, y'avot pourtant grammin d'place à côté.....Et bis sur elle n'étot nin dins sa housse...

Bonjour à vous deux...deux...deux

J'trouffe aussi qu'cha résonne...zone...zone

Allez à + + +

Coucou Coucou [size=10]Coucou...[/size]

T'as vu, in est tros [size=10] [size=16]Ch'est presque bon pour eune belote [size=13][size=10]. [size=16]I minque tiote bellotte [size=13][size=10]. [size=16]Je rigole
[/size][/size][/size][/size][/size][/size][/size][/size]

[size=10][size=16][size=13][size=10][size=16][size=13][size=10][size=16][size=13][size=10]Le premi qui dit que je fais un fameux gogole i a eune margnouffe![/size][/size][/size][/size][/size][/size][/size][/size][/size][/size]

[size=10][size=16][size=13][size=10][size=16][size=13][size=10][size=16][size=13][size=10][size=13]Bon, alors, t'as nin dit à l'foule hébahite si que tin nouvieau lordi ch'est un cadieau d'edf.
[/size][/size][/size][/size][/size][/size][/size][/size][/size][/size][/size]

[size=10][size=16][size=13][size=10][size=16][size=13][size=10][size=16][size=13][size=10][size=13]Pour Flersois, je verseros bin eune tiote larme, mais comme elle arot dit m'mère: te l'as nin volé. Quo qu'ch'est que ch't'idée de mettre eune tablette à charger chu l'plan de traval de l'cuisine? Te vas mixer t'soupe au salon in arwetchint l'télé tisaute?
[/size][/size][/size][/size][/size][/size][/size][/size][/size][/size][/size]

A l'avenir, mets là à l'invers pour la charger. A m'mote que cha charge aussi bin et l'vrite elle est moins esposée aux chutes de séquos mal ringées au-dessur!


Te n'd'es un sacré tisaute! Quo qu'i avot dins le bocau? A ch't'heure t'es un windows combien? 10? Mi je reste accrotchi à min 7 vu que j'ai essayé 2 fos de charger le 10 tant que ch'étot gratuit et 2 fos, à l'fin, ch'est à dire après eune paire d'heures, j'ai eu un message qui me dijot que cha n'avot nin marché, pour eune raison inconnue. Heureusemint qu'i avot eune marche arrière!


A m'mote que cha écrit plus tiot qu'avint. Ou alors i a mes pupilles qu'elles sont mates...

Tcheu brun! J'avos mis des effets de taille de caractère pour faire l'écho et wette ichi l'dallache...

Ch'est à dégouter de faire des fioritures...

Allez, eune grosse baisse déçute

Je pinse à un truc: Marcel i ne serot nin passé vir l'chef pour li faire eune surprisse des fos? Parce que de là à ch'qu'i li aiche proposé de vérifier sin programme de mise in forme... (mise in forme du texte!).

Sacré Marcel.

Sacré Marcel cel [size=10]cel
[size=24]Armets nous cha comme avint vains diousses!
[/size][/size]

Ch'est compliqué à lire. Té peux arvenir in arrière et pis corriger, l'texte
Min ordi, ch'est min ordi à mi. J'ai Windows 10 cha m'a paru bizarre à ch'début et pétit à pétit ch'trouffe cha bien. Mais i m'faut du temps du calme pas m'énerver. qui va duchemint va loin.
J'dis cha j'dis rien y a des fos j'balancheros tout dins l'rivière

Te l'as dit, ch'est dur à lire. I faut décoder. Décoder sec comme is dijotent Léon et Gérard.

Commint que te fais ti pour écrire plus grind ou plus tiot?

Mi, jusqu'ichi je buquos ichi au-dessur chu le A avec eune toise rouche à côté et je prenos eune des hauteurs de caractères proposées.

A ch't'heure cha ne marche pus! Infin si, au brouillon ch'est impec, mais eune fos qu'in fait prévisualiser ou invoyer, ch'est du codache. Chef! au secours, i a du brun dins t'tale comme is distent in boyauroucherie....

Allez, bon ap'

Ben zut alors, vlà qu'cha a armarché.... J'arferai des espériinces à l'occasion. Pour l'instint, tambouille!

"Flersois, je verseros bin eune tiote larme, mais comme elle arot dit m'mère: te l'as nin volé. Quo qu'ch'est que ch't'idée de mettre eune tablette à charger chu l'plan de traval de l'cuisine? "

Si que j'mets à  charger là, ché passqu'il ya ène prise de libre...et cha d'vint rare des prises libres, quint j'pinse que dins l'temps in n'avot quène prise par pièce et incore !



J'me d'minte c'mint qui font dins la jungle de Calais pou charger leux smartphones et aïe phones, et c'mint qui arrivent à parler à l'aut bout du monte alors que mi, quint j'sus au bout du couloir de m'maison, j'ai pu d'réseau....

Flersois posse des questions...:"J'me d'minte c'mint qui font dins la jungle de Calais pou  qui arrivent à parler à l'aut bout du monte "  
........" L' téléphone arape té sais pas qu'cha existe ? ?   t'artarge fiux ! ! ! "
pépéPéBé......

n'm'in parle pas des téléphones, j'ai racaté des tél duo xxxx
mi l'as d'l'électronique avant qui sochent tous les 2 bien initialisés
cha a été dur, énervant, j'comprinds pas quanque ch'est trop sophistiqué
N'rigolez pas, ch'est pas drole, quanque j'ai cangé min tél portape j'ai d'mindé
à l'vendeusse un tél qui téléphone pas qui férot tout.

j'pinsos un tiot boujour in passant
ch'est facile à faire, cha n'coute rien, mais cha fait plaisir,
j'aros querre d'vire des tiots bonjours, saluts  d'ceusses qui venottent plus régulièremint dins l'temps

Allez,  chiche

Bonjour tiote, l'asse du téléphone! A m'mote que je ne chus nin miux te sais. Misère, tchand que je vos mes tiots afants, is savotent juer à cha avint de savoir parler! Ch'est nin des cacoules!

Je suppose que nous parints et grinds parints is s'ont aussi sintis nonoches pour des séquos modernes qu'in dominot dins nous jonesse. Armarquez, je dis cha, mais pour mi le téléphone ch'étot un bazar un tiot peu effrayint quind même. In ne l'avot nin à l'majon du timps que j'y habitos. Et tchand qu'i fallot absolumint téléphoner, et donc aller chez quelqu'un qui nous prétot le sien, ch'étot la panique.

Au plus vite in pouvot arlacher ch'bazar au puq qu'in étot contint. Je me souviens que je chus eune fos allé cachi min mopère à sin boulot (j'avos donc min permis) et i m'avot donné le numéro à faire à l'acceul pour l'avoir direct. Eune fos chu plache, j'ai pris min courache à deux mains et j'ai fait le numéro. Min père que ch'étot un pince sins rire i a décrochi et tchand que j'ai demindé si que ch'étot bin Monsi X i m'a dit que cha devot être eune erreur parce que là d'ùche qu'i étot i n'i avot nin le téléphone. A m'mote que j'ai raccrochi in m'excusint, avint de réfléchir... Je l'imagine bin in train de rire tout seu in arlévint ses épaules. Sacré père...

Finalemint, quo qu'in savot faire miux que nous viux, à part cha qu'in apprenot à l'école et qu'is n'avotent nin eu l'occasion d'apprinte de lu timps? Conduire inprudemmint? Minger des séquos exotiques comme des pizzas ou du chinetoque? A part cha? A vous avis?

Bon, allez, bonjour à tertous et si effectivemint vous pouvez faire eune séquo pour qu'i vienche du monte ichi, cha serot bin.

Un tiot bonjour in passant à tertoutes et tertousses et ène bonne fin d'semaine !

Un tiot bonjour in particulier à ché femmes, c'est leurs fête aujourd'hui!


                                                          

Ene bonne semaine à tertousses!

J'cros qu'in d'vrot savir aujourd'hui l'nouveau nom d'not région "élargie"

hauts de France

Bonjour Tertous,
m'in r'vlà, min ordi i fonctionne quand i veut mais i fonctionne et souvint j'peux pon m'connecter alors j'fais avec. Ichi i a cor draché ch'te nuit et tout l'matinée s'qui m'a fait annuler m'rando, j'ar'mettrai au programme pus tard.
Bref qu'mint qu'cha va pou vous aut' ?

Bonjour .
Loumarcel, j'sais nin si qu'tin ordi i va pos bien ou bin qu'ch'est l'mien, mais j'vos que tin messache est de "Hier à 4:14" ou bin alorsse c'est l'décalache horaire ou que t'sais nin dormir !

Bonjour flersois, mi ichi ch'est inscrit : jeudi 17 mars 16h14.
T'as pas dû mète t'n'horloch' sus 24h i dot parler inglais tin ordi ou alors t'ar'tardes ed 12h.

Ché vrai que j'artarte de 12 heures, (Tin commentaire i est marqué hier à 20h37 ) c'est foque sur ce forum ichi , mais pos sur m'tablette, bizarre!
Ché pos graffe..

Bon week-end tertousses.

Ne t'in fais nin, ch'est bétôt le chingemint d'heure!

Marcel, dis me, tin ordi qui a l'soglou, i marche sous windows 3.1 ou t'as déjà passé au 95?

Nan, je m'moque min garchon. Je sais que depuis que je te connos t'as des misères avec cha. Pauf tiot père.

Bonjour TERTOUS
Ouais ouais, ch'est bin mi, m'arvas là
Vos savez quoi mes gins, bin mi j'dis vivemint l'artraite, j'arrfie pus à venir vos vir aussi souvint que j'voudros, mais j'pinse à vostautes, nin doutez pas...
Armarquez j'dis vivemint l'artraite mais y a plein d'forumeux qu'in n'vot pus depis qu'is sont à l'artraite, is ont l'air incore pus débordés... ah non i paraitrot qu'is pren'tent leu timps pour faire les cosses. Cha dot ête bin, cha, j'attinds d'vir si que j'arrife à m'calmer.
Bon à part cha, mi aussi j'ai cangé d'ordinateur, mais ch'est nin eune castrole qui a quéhue d'sus, nin i est mort de s'bielle mort, infin i n' étot pas cor mort mais i agonisot sec.... et bin sur y a aussi windows 10 dessus, bon cha va, in s'y fait vite.
Y'a juste pour l'logiciel de messagerie que ch'est le brun, i n'est nin aussi bin que su les anciennes versions, pis in peut nin faire d'liste de noms et comme in est dins gramint d'associations in a besoin d'chés listes pour éviter d'buquer su tous les noms à chaque cop qu'in veut faire un messache groupé...... du coup in in a réinstallé un aute mais bin chur cha n'a pas été tout seu pour récupérer chés adresses mails, min homme i a passé un rude momint et chés noms ne veul'tent nin s'mette par orde alphabétique avec l'Nom in premi, mais i range l'bazar par chés prénoms, quind té sais que j'connos 5 Martine, 5 Véronique et j'in passe, que brun pou sélectionner chés noms... Mais in a nin dit nous derni mot, in l'ara un jour in l'ara !!!
Bon ch'est pas l'tout, mais faut faire l'popote, car c'soir ch'est chorale et faut nin souper trop tard
Eune baisse à tertous et à bétôt

Bonjour Tiote Bellotte

Contint ed' t'arvire

Mi j'utilise Thunderbird depuis ine dizaune d'années jamais imbété

J'avos aussi des listes d'diape à invoyé et j'ai ine pile ed'mails  de 7/8 ans toudis là

Au plaisir ed'tarlir

Cauchette

Mi aussi j'utilisse  d'pis des années Mozilla Thunderbird, ch'est Batisse qui m'l'avot conseillé et j'ai jamais eu d'problinme, j'fais les listes que j'veux, j'classe par noms etc...j'peux classer ché mails intrants par assos etc etc... pas de PB cha tourne.
J'te consèle Tiote