Ah, ben les grinds esprits is se rincontrent. J'avos justemint écrit eune séquo au sujet de tin avatar.

Je laisse min texte tel que parce que j'ai faim et la flemme d'arcommincher min texte. D'ac?

Min nain, i a eune question qu'i faut que je te pose quind même... je m'artiens, je m'artiens, mais ch'est plus fort que mi, i faut que je sache: ch'est ti chu l'photo?

T'aros du printe du Absorba. Cha grindit avec l'afant à ch'qui parait. Te t'habiles incore avec des ropes qu'i a grammint trop de berlouffe in largeur mais nin in hauteur?

T'aros nin eune photo de ti arnéquée ainsi mais eune quinzaine d'ins plus tard? A m'mote que cha in intéressetot eune paire...

Ch'est pour de rire hein... j'espère que t'in as nin voulu à tes parints de t'avoir arringie ainsi.

Dis, avec l'cheftaine te devros faire un clup des plus bielles photos d'infince. I n'd'a eune d'elle dins un sujet qui a grammint de pages. Je te l'arcomminde... Si te ne le trouves nin, dis le et in va t'aider. Si que t'as nin vu cheule photo-là, t'as vécu pour rin. Véridique!

flersois a écrit:

min nain a écrit:

Lou avatar! Que drole ed mot! Y dot y avoir in coup fourré in-d'ssous mais quo????Pourtint in joue pas aux 1000 bornes!

Fais toudis bin attintion à c'que te mets, y'a des moqueux d'gins ichi.

Si te m'invoie ène photo d'ti, j'peux t'faire ène séquo ainsi:

J'ai eune question: cha fait plusieurs messaches de Flersois que je vos avec ch'tiot carré tinypics d'ùche que ch'est écrit qu'i a rin à vir, que l'photo ou l'vidéo elle a été inlevée.

Cha fait parel chez vousautes ou foque chez mi? Marcel, fais bin attintion à cha que te pourros réponte hein, ch'est un consel d'ami....

In tous les cas, i simblerot qu'i n'd'a un qui prind un malin plaiji à me ridiculiser in face de mes copainpines et cha me rind trisse et dépité.

De nin vir quo qu'i a mis, parce que du cop je ne sais nin commint que je pourros m'arvinger de ch'voyou.

Ch'est vrai Batisse in n'voit pu l'motache ed Flersois. I avot pris t'giffe sur t'catte du club des bons garchons, i t'avot mis des couettes ed traviole, un capiau un' robe du ginre ed l'avatar à min nain, t'étos fin bin arringé ! Deminde li de l'invoyere c'te montache photo, j'dis cha, j'dis rin te sais bin

Citation :

Cha fait parel chez vousautes ou foque chez mi?

ouais pour mi aussi i n'a plus d'photo...
il l'a sur'mint inl'vé!
t'étos biau pourtant avec tes couettes!

biau ou belle? j'avoue que j'i perd min latin

Avis d'archerche!

In cache après sin latin à nounours.

I l'a perdu in arwetchint eune photo trafiquée d'un 59. Photo qu'elle est perdue aussi, cha qui complique le traval des inspecteurs.

Récompinse à ch'ti qui fout eune margnouffe au bandit dénommé "Flersois", à l'origine de tout ch'bazar.

batisse a écrit:

Récompinse à ch'ti qui fout eune margnouffe au bandit dénommé "Flersois", à l'origine de tout ch'bazar.

.....et qui fait l'mouchon, in l'vot pus chu l'forum !

J'espère qu'i a honte ch'voyou!

Bin ouais qu'j'ai honte....

Ou alors i a profité que l'météo elle a dit qu'i ferot bieau - je ne vous raconte nin l'flotte qu'in a déjà eue par ichi ch't'au matin - et i a parti à la mer avec s'nouvielle mobylette qu'elle li fait du mau à sin tchul.

L'semaine prochaine in l'appellera Lucky Luke.

Je me deminte si qu'i met des Santiags

flersois a écrit:

Bin ouais qu'j'ai honte....

Ah ben t'es là Lucky Luke! Et d'ùche que t'étos passé incore eune fos?

Bon, dins min rôle de rechintreux de sujets - ch'est normal, vu que j'ai un sins inné de l'ordre et des séquos bin à lu plache - je voudros présinter à min nain les excusses du chef et de l'cheftaine et de tous les autres qui font lu sieste.

Le premi qui fait eune allusion à min nain à mi (hein le flamind...) i a eune margnouffe qui l'attind au frigo!

Oui min nain, déjà que l'cheftaine in chef elle t'a foutu toute t'présintation à luche, alors qu'avec t'tiote main à un seul dogt t'avos eu eune masse de misère à tout buquer.

In puq i a nounours qui cache dins tin sujet après sin latin qu'i a perdu et, in repuq, le flamind - flersois - qui disparait après d'infâmes travaux de trucaches de photos et qui réapparait avec ses guimpes arquées et ses santiags pleines de sable.

Te vas pinser que ch'est des maboules ichi dessur énon?

Bienvenue à ch'clup tiote!!!!

batisse a écrit:

flersois a écrit:

Bin ouais qu'j'ai honte....

Ah ben t'es là Lucky Luke! Et d'ùche que t'étos passé incore eune fos?

A Roubaix:

EH! ouais! batisse, ché ben mis, plein d'papier crépon,et m'bouque in cul poule. Que veux-tu? ché m'mère!. j'a toudis connu cha, in coup in clown, in coup in mendiant, et tous ches infants croyotent qu'ch'étot vrai et y m'insultotent. ( C'est sympa des jones!), unne aute fos, chétot in Yvanohé, avec armure tout in carton, peint in argint et m'in drapiau! Tout l'monte disot: "Arvisse, v'là Jeanne d'Arc!" M'mère étot in tiot vexée! Pet- ête si elle m'avait montée sur un bidet même in roulettes, j'auros eu plus fière allure et y m'aurote arconnue! Bref, tout cha pour dire à Batisse, cha n'aurot pas été miux!! même quéqu's années après!
Par contre, ej 't'ai vu avec tes couettes et t'raie toute travers! Final'mint, jé t'préfère avec t'in capiau, t'as l'air in peu moins nikdoule!
BON DIMINCHE!

Dins le 59? T'es pardonné!

Roubaix, ch'est là que j'ai vu le jour. A m'mote qu'à ch't'indrot-là, à
ch't'heure ch'est eune autoroute. Ch'est nin pratique pour mettre eune
plaque.

Pour t'n'abscince t'es pardonné. Par contre, pour tin affreux montache tout de guingois, laisse me réfléchir. Voyou!

J'avos pas fait attintion mais ch'est vtai que t'belle photo avec tes couettes alle est pus sus l'site, t'avos vraimint l'air d'un innochint avec cha.
J'in rigole cor.

j'a toudis connu cha, in coup in clown, in coup in mendiant, et tous ches infants croyotent qu'ch'étot vrai et y m'insultotent.
jcompatis, mi jéto eine tiote souris fallait canter : mini petite souris sors dé tin tro lalalala, et yavo derriere mi un gros cat (pas Cat Batisse, un cat un matou quoi, el Batisse va cor perdre ech nord).Eche cat y peso au moins 40 kg mi jétos eine frele souris, au lieu d'canter el refrain j'crio "au 'scours, au scours" com chul estrad' personne ya bouger, j y ai foutu ueine margnouffe sus'gamelle au cat. Bin t'em croro cha a été el dram' d'em vie, ché cats qui coro

Le drame de t'vie?

Te ne seros nin un tiot peu du sud de l'boyauroucherie tisaute?

- Le médecin: Quel est à vos yeux le drame de votre vie?

- La patiente: "j'ai foutu eune margnouffe chu s'guiffe à un cat de 40 kilos et ch'est li qui s'a sauvé"

- Le médecin: hmmm hmmm... camisole....

Boyau rouche mi ? pi cor quoi ? jchu du Nord mi Msieur, dé D'nain. D'apres em n'ab du coté dem mère éd pu 1600 eine est du Nord, eine bouche po. Ché du coté dmin père kiéto pas du nord kion l'bougeotte, comme mi.

El cat (el matou) y s'applo David et jme sinto pas Goliath, chéto où j'lassomo ou j éto mingé, el meilleur définse ? l'attaque !, j'a fait tayo

Euh... cheftaine in chef... elle est de tin coin cheule-là?

Armarque, ch'est possipe. Avec tin air tout douche, à m'mote qu'i ne faut nin te contrarier non pus tisaute...

Te cros qu'elle cuisine au bain marie? J'ose nin li deminder. Te me connos, je chus plutôt du ginre gros matou bin douche (à nin confonte avec bain douche)

cha y est ch'voyou i a ar'mis sin montach', t'as vu comme t'avos l'air bin intelligent affublé comme cha.

Pour eune fos je chus d'accord avec un 62: flersois ch'est un voyou.

A t'mote Marcel, commint qu'in peut faire pour avoir un portrait de li? A l'police is dottent avoir cha...

Ti que te sais faire des bieaux diaporamas (tint pisse si qu'i a nin de musique...) in pourrot li arringi sin cas à ch'voyou.

Quo que t'in pinses?

qu'est ce que "montach" ?

T'es surte que t'es nin du 62 tisaute?

Bon, i minque un e à la fin, mais ch'est quind même simple énon. Pinse à fromache, parlache, essuyache, marchindache (d'ailleurs un marchind d'haches qui fait du marchindache...) bricolache, pleumache, rasache, rassaquache, artourdache etc.

"Rassaquache"...pliée!! j'avo oublié c'nom là
jme vla arparti à braire!