TOUTES MES EXCUSSES A MIN MAIN, j'ai effacé s'présintation et chés autes messaches d'bienvenue in voulant trinsférer chés arcettes !!!!




bienvenue à ti min nain
t'es eune guernoule originaire du 59 ou bin du 62 ? armarque cha n'a pas d'importance, l'principal ch'est d'participer même si ch'est qu'eune fos d'timps in timps...
au fait comme t'es eune gernoule, j'vas parler popote, j'cache eune arcette d'salate d'pemmes tierre, t'aros pas cha dins tes archifes ? ch'est vrai qu'cha peut paraite bizarre comme deminde, surtout qu'i a des femmes qui n'ont pas querre faire l'cujine mais j'ai mingé eune salate d'pemmes tierre bin bonne l'semaine passée et j'arcache l'arcette, alors j'sus preneuse de toutes les arcettes d'salate d'pemme tierre...

mi j'in ai eune tiote belotte ej va peut ete passer pour un babache mais tant pis. té fait cuire des pétotes in robe des champs,té l'ai épluques, té mélanche cha avec des feules d' laitues ou d'el mâche avec du poife,du sel et un ail té met cha au frigo eune heure pour que cha arfroidit ché meilleur.
ché un plat d'été souvint accopagné avec eune tranque d' guimbon..

Salut min nain - cha serot bin que te nous expliques tin pseudo... - et bienvenue à ch'club;

T'as tchée direct au grind bain: in est déjà à vingt chinq kilomètres du sujet d'origine et, in prime, ch'est pour causer de bouffe!

Et ne t'avisses nin de rouspéter, ch'est l'cheftaine in chef qui a saqué chu l'manche de l'aiguillache.

Contre cha, i a rin à faire....

A part cha, je ne vos nin pourquo que t'argretteros de t'être inscrite et de babeller ichi-dessur. Ch'est vrai qu'i n'd'a des drôles mais ch'est partout parel énon? I ne faut nin tout printe au premi degré. Ch'est pour de rire hein....

Si jamais i a quelqu'un qui te fait des misères, dis le me et je vas aller in causer à s'mère!

In fait comme cha?

Allez, présinte-te un peu miux. Déjà, 59 ou bin boyau rouche?

Bon caractère? Te sais rire de ti et de tes misères? Alors t'es sauvée.

Allez, courache, t'es nin l'première à faire des tiotes menoules de coquetterie au départ. Ch'est d'ailleurs bon signe parce qu'in général in ne sait pus les arténir eune fos que le rodache i est passé.

A ch't'heure in attind de te lire.

In ne sait jamais, des fos que t'aros eune arcette de salate de pennes tierre au goût de l'cheftaine....

Citation :

Allez, présinte-te un peu miux. Déjà, 59 ou bin boyau rouche?

boyau rouche, ch'est sûr!!!

Mais d'ùche qu'is sortent tous ches boyaux rouches? T'as tché chu un nid ou quo?

min nain soit el bienvenue sur ech site à roger,et core in boyau rouche,in plus ch'est core eine maguette qui va in faire vire à batisse

A min nain .

Loconno a écrit:

A min nain .

Carla elle dot pinser parel énon?

Allez Min Nain, explique tin étringe pseudo.... siouplait.... Merci d'avinche...

dins l' 62 Batisse, in est plus procréatif que dins l' 59

ch'est bien cha, j'ai d'jà deux arcettes d'salate d'pemmestierre, merci messieurs les chefs cuistots, faudra les arcopier dins l'rubrique adéquate (ouais je sais, jamais continte pleumette ! j'vos intinds d'ichi)
par conte j'sais pas c'que ch'est de l'sauce andalouse (faudra que j'deminde à m'tiote bielle file, alle est espagnole, alle dot connaite cha)

Eul sauce andalouse té l'trouve au super market
dins l' rayon d'el mayonaiss', aïoli , rouille ,
américaine etc...
in bocal' eveuc un couverc in féral....

Kazimierz a écrit:

in bocal' eveuc un couverc in féral....

Ne va nin troubler nous cheftaine avec des détals ainsi ti...

Ch'est comme si que te dijos eune auto avec des portes in fier...

Te sais, ch'est eune guernoule et elle serot bin capabe de te croire. Elle serot donc capape d'aller deminder à l'marchante si qu'elle vind des bocaux avec un couverque in feralle!

Mi, si que j'étos l'marchante, je répondros qu'à part le nutella et des chucates ainsi, i n'a que l'imbarras du chox in ce qui concerne les couverques in feralle!

De l'salate de pennes tierre au nutella, cha ne dot nin être fameux...

Mi l'sauce andalouse j'el connos in flacon in plastique !

Messache pour l'cheftaine in chef: eh, t'as vu hein, j'ai nin dit que t'étos nunuche et que te croros n'importe quo.

Comme te peux le constater, je fais des efforts.

Allez un bon lundi à ti et à tous les ceusses qui ont lu ch'messache alors qu'i n'est nin pour eusautes.

Ch'est un tiot peu comme eune carte postale quo. Cha quet bin, aujord'hu ch'est vacinches!

Bon! Cha comminche ben!Figurez-vous qu'hier, j'ai passé 2 heures pour rin car min messache a disparu,J'ai caché après, j'étos désespérée, rin !Bref! si vous l'artrouvez, faites le me savoir!
Alors j'arcomminche: D'abord , J'armercie tout cheux qui m'ont souhaitée la bienvenue (J'n'écris pus tous ches noms, ch'est trop long)
Quant à Batisse, y veut tout savoir et rin payer, mais comme ej sus inn bonne nature, j'y explique pourquoi "min nain": Ca m'rappelle des souvenirs d'infants ; pour tout dire, j'sus l'tiote derne d'inn couvée. ej sus arrivée ben pus tard que les autes infants. j'étos miguerlotte et pour eusse qui étotent grands, j'étos l'attraction. Y m'disotent des "ninnin" tout en m'pouchinant pour que j'leur fasse des "areu" ou y m' cantotent "Dors m'in p'tit ninnin" pour m'faire taire (Ché comm' cha qu'on faisot dins m'in coron) Pis, quand j'a comminché à gambiller,le "ninnin", c'est trinsformé en "min nin" ou" min nain" Faut dire que j'lai jamais vu écrit!) Chétot plein d'tendresse ! D'ailleurs, min frère qui a 70 ans et m'tante qui a 80 ans m'appelle incor ainsi: c'est sympa,hein! faut dire que je suis loin d'êtr'inn géante. Voilà pour min pseudo,Batisse!
Et dis me à tin tour pourquo ,tin drôle ed pseudo: BATISSE? mason? édifice??????
Quant à ch'curieux concours d'arcettes ed pétotes lancées par Tiote Bellotte, y faudra attinte in peu car ej sus mate! Quo qui a à gagné? Bonne journée à tertous!

hé bé qu'ch'est eune belle histoire , in sint qui eu gramind d' amitosités dins t'famile...
Bienvenue min nain, même si qui n'd'a des grinds parmi nous z'aut, in n'va jomais t'raviser dsur nos grinds gevaux...
Qui qu'ch'est qui a gagné l'concours de salate ed peunn tierre? ch'est suremint el goulaffe qui l'a mingé

Ah, j'ai oublié, ej sus in boïau rouche donc du Pas d'Calais et fière ed l'être. J'a comme l'idée qui va falloir es définte car y en a qui non pos l'même lingache eq nous. J'espère qu'j'arrivras à ben les comprinte. A+

in va s'intinte et s'comprinte..... y'a foque un soyeux d'59 qui fait simblint de rin comprinte aux boyaux rouches, mais ch'est foque un moqueux d'gins et te va vite le repérer, hein Batisse?

surtout n'oublie pas d' m'invoyer d' cotisation min nain. comme té eune 62 ej t'é f'rai eune réduction

T'as un frère qui a 70 ins? Ch'est incore pire que Mérilou cha... (Mérilou ch'est m'tiote soeur, un tiot peu le même cas que ti, arrivée après le peloton et élevée par des "grinds", aussi avec grammint de tindresse. In li donnot, comme à ti, des tiots noms gintils comme tout. Je suppose que, toudis comme ti, elle s'in rappelle incore, avec des larmes qui perltent dins ses ys. Le premi qui me fait eune armarque comme quo ch'est rare qu'in a des larmes à ses orelles, i a eune margnouffe!)

Bon, alors, finalemint t'es nin tout à fait l'tiote guernoule toute jeunotte in mimi jupe qu'in imaginot. Cha fait rin: bienvenue au clup des tamalous, ou plutôt des gédumauméjsermguifs...

Bon, à part cha, tchand que te verras tin grind frère de 70 ins, te li diras que je trouve qu'i n'est nin particulièremint observateur. Pourquo qu'i t'a appelé min nain, alors que t'es eune guernoule? Cha arot du être m'naine énon?

Infin bon, in n'arfera nin le monte.

Te sais quo, pour eune qui dit qu'elle ne sait nin écrire le patos, te m'in rappelles quelques eunes avint ti. Si que t'es comme elles, cha promet! Bravo, te te débroules comme eune grinte. Ch'est bin pour eune naine...

Bon, tin premi messache, i est toudis là. Je suppose que te causes d'un messache que t'avos écrit et qu'après avoir buqué chu eune touche que te ne sais nin laquelle, tout i s'a effacé.

Incore eune fos, binvenue au clup! Et t'armarqueras bétôt que ch'est toudis à des longs messages que cha arrife! Même des fos tchand qu'in a mis des photos et tout cha... Au puq que t'as de l'misère, au puq que t'lingue elle est sèque d'avoir été saquée déhiors pindint tes efforts de rédaction, au puq que tin messache i disparait vite.

Et au puq que te dis un gros mot et que t'arwettes l'distinche qui sépare l'ordi du cassis, surtout tchand qu'i est ouvert!

Voilà. Pour finir, je m'appelle batisse parce que je chus un 59. Yesssssss! Et in puq un 59 de Tourcoing. Reyessssss! Et dins l'histoire locale i a eu des écrivains qui ont écrit des piches de théâtre et des garlousettes et des canchons, dins lesquelles i avot souvint un batisse.

Et à m'fabrique, min chef qui étot li aussi de Tourcoing, i m'a arbaptisé batisse pour rire, et ch'est resté. Grammint de copains à l'fabrique is m'appelottent ainsi.

Min chef je l'avos arbaptisé mononque et i a aussi des copains qui l'appelottent ainsi.

Même qu'un jour i n'd'a un qui a dit matante à s'femme à min chef. Pauf guernoule - eune alsacienne - elle se demindot cha qui li arrivot!

Bon, allez, à plus, je vas aller préparer m'gamelle!

Batisse cha veut dire Baptiste .. cha a rin à vir aveuc les vielles majons qui z'ont besoin ed de s'refaire l'facate... quo que....

In parlint d'mes ys qui brilltent in m'ramintuvint mes viux surnoms, ch'est nin ed tindresse zémue mais ed désespoir devint l'imincité sins fond ed férocité du grind frérot face à m'anochince ( wette eune fos min lavatar... j'ai à peine chingé!)
D'habitute tchin qu'in donne des ptits noms ch'est des raccourcis pleins d'amitosités mais li pour faire court y m'appelot '' ptit machin ridicule'' ou bin '' micrope'' ou '' moustique'' ou '' bidule'' et '' Marie Louisse'' que cha a devenu Mérilou ( pour les intimes)

Ch'est vrai?

Ch'est nin ti qui avos dit à tes neveux de t'appeler tante Bidule?

I me simblot.

Pauvre tiote, in in brairot presque.

Bon va falloir que j'cache à mon Edouard, un pot in verre avec un couvercle d'ù qu'ch'est écrit "sauce andalouse" ou bin un flacon in plastique pace que j'sus toudis dins l'potache.
J'connos l'sauce armoricaine, l'sauce tartare, l'sauce béarnaise mais pas l'sauce andalouse (olé !)...
In c'momint j'sus dins l'famile du côté d'Perpignan, pas loin de l'frontière Espagnole donc, j'devros pouvoir treuver cha incore pus facilemint ichi 

te m'l'aros dit.....

Par ichi chez l'mousquetaire in l'touve aussi su l'présentoire d' eul viante in lipe service ...