Chés critiqueux
J'ai vu des critiqueux (el' critique ch'est facile)
I parlottent ed' min Nord, ed' ses gins, ed' min ciel
ln dijant : chelle province aIle est presque inutile
Puisqu'i n'y a rien d'bieau à moutrer au solel.

Mi chà m'a fait du mau, et sans ête malhonnête
J'ai dit à chés débiles (et ichi j'marque un point),
Nan, vous n'airez jamais assez d'yux dins vou tête
Pour raviser ichi chù qu'in garte aveuc soin:
Nou beffrois in premier, dù trouver leu parelle ?
Allez, répondez-me! vous n' n'avez jamais vu !
Ailleurs ch'est des cloquers. Ichi, ch'est des candelles !
Faites in caillaux d'mille ans, et nou lions par ed' su !
Et nou dunes, ah iah iah ! ravisez chelle couronne!
Cha vous in bouche in coin ed' vir tout chà in or
Et in n' s' ra jamais sans, car el' mer in personne
Toudis al' nous n' n' armet. .. et sans même nou accord !

Du blé in n' n'a aussi, et pis tout chà, chà cante
Par ed' zous des moulins qui brass' ent nou ciel noir
Et nou bras d'ouvriers dins nou plaines aguichantes
N'ont pas besoin de z'autes pour y semer l'espoir.
Et pis, veyez là-bas, la Dame de Lorette
Allez-y braire un coup. Y' a des milliers d' morts !
Mais ravisez les noms d'. chés régimints in tête.
Sur tros prêts à mourir, y' in avot deux du Nord !

Et alors là j'ai dit: Allez ripez galoches
Si min Nord n' vous plait pon, foutez-moi l' camp ailleurs.
Mais ichi, n' prénez rien dins l'fond d'vou sacoches
La France pourrot mourir, sans in morcieau d' sin coeur.
Anatole Guilbert

Ch'est très biau Roger ! j'ai querre d' lire votupatois ! j' sais mâ l'écrire, mais j'apprinds mi, par amour d' vote Pays

lyne6213 a écrit:

Ch'est très biau Roger ! j'ai querre d' lire votupatois ! j' sais mâ l'écrire, mais j'apprinds mi, par amour d' vote Pays

Ah bon? Ch'est nin le tien alors.

Et d'ùche que t'arrifes tisaute? T'es quind même nin eune parigotte de base?

Allez raconte, in va l'répéter à personne. Te nous connos hein, cha ne sortira nin d'ichi. Plus discrets que nousautes, t'aras de l'misère à trouver.

Infin, surtout les garchons bin sur. Parce qu'in sait bin que secret et guernoule ch'est deux mots qui ne vont nin bin insonne.... sacrées guernoules!

Allez, rin dire ch'est serrer s'guiffe... non mais des fos Batisse t'es un tiot peu à côté d'tes sorlets... T'as vu quo qu'ch'est l'titre du sujet que not grind chef à pleumes y a marqué? Et t'oses cor triquiter ches pauffs guernoules sins définche, toutes douches comme des agneaux qui vientent ed naître ?

Sins faire em fayotte, j'voudros foque faire un rond d'gampe à nou chef à pleumes et li tirer min capiau pour l'armercier d'avoir mis un si bieau texte.

Ouais ben te l'fais un tiot peu quind même l'fayotte.

Ch'est commint eune ronte guimpe? Ch'est nin cha qu'in appelle rétintion d'ieau ou un nom incore plus savint que j'ai oblié mais qu'in fait des piqûres dins sin vinte pour nin que cha dégénère?

Ch'est quind même nin de l'cellulite?

Infin bref, ch'est min avis et je le partache!