c'matin in arvenant d'l'école maternelle j'me sus fait l'réflexion que pou chés prénoms donnés aux tiots y avot asteur eune profusion d'choix incroïapes... pace que sur les porte-manteaux d'ù qu'i y a chés prénoms d'affichés té lis : Philomène, Octave, Hector, Jules, Augustine (que ch'étot un des prénoms de m'grind mère paternelle) etc.... des viux prénoms qui apparemment arvienn'tent à l'mote mais té vos aussi Stanley, Dylan, Loan... bon in arrife cor à vir des Mathilde, Emma ou Pierre mais cha devient rare, cha dot ête trop commun !!!!
l'pus surprenant que j'ai intindu comme prénom, ch'est chti d'in tiot fieu d'in ami qui s'appelle, attintion tenez vous bin, Cheuncé, que je sais même pus commint cha s'écrit, bin pus compliqué que je vous l'ai marqué... quind l'copain m'a dit l'prénom j'y ai fait répété trop cops (i m'a dit que li aussi avot fait répéter à s'file pusieurs fos quind elle li a annoncé l'naissance).... y paraitrot que ch'est américain et que les parints ont intindu cha dins eune série...
vos savez à quo j'ai pinsé in intindant cha et pou m'in rappeler quind j'verrai l'tiot : je n'sais...
ah ouais j'oblios, à l'école y a aussi eune Marie-Emmanuelle que les parints ne veultent pas de diminutif, bon courache à l'tiote quind elle va commincher à écrire sin prénom

Ouais, in même timps, cha aide les prénoms modernes... T'arrifes dins un camping, te chaches eune plache, t'indinds "Kévin, viens ichi!", te caches loin de là...

Ch'est bin gintil de donner des prénoms autremint qu'ainsi à des bébés, mais i faut pinser qu'is vont grindir, essayer de draguer, essayer de trouver un boulot etc. alors les prénoms exotiques, à moins d'avoir des origines exotiques, je trouve ça plutôt dangereux. Disons à double tranchant.

J'ai un copain qui s'appelle Samuel, qui est français catholique et qui, à cause de son prénom a déjà eu pas mal de surprises...
https://www.youtube.com/watch?v=I2MIyBnIgoE

ah géniale Lynda Lemay.......

Ignace ch'est in nom charmant........
https://www.youtube.com/watch?v=_TTQImMAzFw

i n'd'a cor des Ignace ??

Ouai m'tiote soeur alle a deux garchons : FEN et ETWEN Quand alle etot enceinte m'marraine alle croîot que l'tiot i allot s'app'ler ZEN ,in a eu des rutes parties d'plaisir avec cha .

Fen et Etwen, ch'est l'premi cop que j'intind chés prénoms, ch'est quo comme origine ? bretonne ?

ch'est vrai que prononciation ch'est important, m'file s'appelle Aurore et min bieau père qui parlot français avec in fort accent italien, n'arrivot jamais à bin prononcer et in avot toudis l'impression qui disot horreur, c'qui a énervé m'file jusqu'à qu'elle seuche in âche d'comprinde qu'i faisot pas esprès.....
quind elle étot à l'école i a gramint d'copains qui l'ont appelé crépuscule pou la faire indever... ah chés gosses !

tiote bellotte a écrit:

quind elle étot à l'école i a gramint d'copains qui l'ont appelé crépuscule pou la faire indever... ah chés gosses !

Ouais, cha i faut aussi y pinser... parce que les afants is ont vite fait de comprinte de travers ou de déformer exprès pour faire mal.

J'ai eune file - eune seule, ch'est eune séquo les files par rapport aux garchons.... - que ch'est eune vraie file. Je veux dire que s'lingue elle ne s'arrête nin souvint. Tchand qu'elle étot tiote in avot l'habitude de dire "tcheue babelle" et elle se mettot in colère in répondint "si, je suis belle!"

Longtimps après elle demindot des expressions in patos pour les arsortir à ses copainpines à l'école (et s'arvinger un tiot peu de l'alsacien...)

Ah ouais, avint qu'i n'd'aiche des qui écrivtent des bêtisses... vu que m'file ch'est l'file à sin papa chéri, l'premiere allusion comme quo elle a parti avec un hindicap question bieauté, ch'est margnouffe majuscule.

In toute amitosité

té pinses bin qu'in n'oserot jamais....
d'toute manière elle a des caveux su sin crâne elle, donc déjà elle est forcémint miux lotie que sin papa chéri à sa fifile

Question origine Fen ch'est chinois obin japonnais je n'sus pus sure ed mi cha veux dire "saveur sucrée" quand à Etwen ch'est eune invintion de m'tiote soeur. In c'qui concerne l'méchinceté intre infants ouai cha fait minme peur des fos m'file ainée j'l'ai appelé : Céraphine mais comme alle est un surpoids d'puis s'jeune infance bin des vannes alle d'a eu (sera fine par eximple)...

Ches prénoms estrangers cha m'fait pinser à monmère. Quind in étot p'tit, l'voisin d'à côté i avot un quien qui s'appelot "Linda", prénom qu'in connaissot nin dins les années 50. Monmère, dins s'résidince in fin d'vie, elle a eu un' aide-soignante. Bin polie elle li d'minde sin prénom, et la jeune file ed réponde " Linda". Tout de go m'monmère elle li dit :"Mais ch'est un nom d'quien cha !" J'imagine el tiete d'el file.....

avec eune histoire du même ginre, m'grind mère a faillit avoir eune crisse cardiaque.....
un jour, deux d'mes nièches étottent in vagances chez mes parints, elles avottent l'habitute d'juer avec l'quienne des vojins qui s'appelot comme m'nièche :"Anaïs", malheureusemint l'pauf liche est décédée pindint l'séjour d'mes nièches, et v'la ti pas que m'grind mère téléphone l'même jour du décès de ch'quienne pou prinde des nouvielles de l'famille, ch'est l'aînée d'mes nièches qui répond et qui dit tout de go à m'grind mère "Anaïs elle est morte", j'vos dit pas l'choc qu'alle a eu, heureusemint m'maman a bin vite pris l'apparel et rapagé m'grind mère...
comme quo i vaut miux éviter d'donner des prénoms humains à des biêtes

Min tchien i s'appelle Fox ! ! ! Heureus'mint qui n'a pas un qui a eu l'idaïe lumineusse d'app'ler sin garchon Fox...... Min tchien i sérot génaïe ! ! ! Vous pouvez pas vous in faire eune idaïe , l'paufe biète .
....... .......
( A Boulonne in dit aïe pour é final , l'même aïe que quand qu'in marche d'sur tes ortèles ! ! )

Mes garchons ont eu inne tortue baptisée Zoé
In habitot à l'époque in appartemint, avec inne grande terrasse, pas d'problème pour l'bestiole Zoé.
In déménache in arrife à l'campagne, Zoé a profité des champs et des vignes à côté del'mason.
Ches tiots in larmes ... in cache partout.
Un matin j'intinds in voix d'homme, Madame, Madame, j'vais vire ch'étot l'sincier d'à côté qui m'dit C'est à vous ? in m'tindant l'tortue.
Mi toute continte : "Oh Zoé"
Ch'bonhomme i faisot inne drôle ed'tiête et me répond :
Vous l'avez appelée comme ma mère !
j'ai eu l'bec cloué pindant queques instants ....

c'matin su l'trottoir, in allant à l'école, j'sus dépassée par in tiot qui courrot à toute berzingue suivie pas s'maman, caveux au vent, qui criot :
"Séraphin, Séraphin, attend moi !!"........
Séraphin ! bin quind j'disos que les viux prénoms arvenottent à la mote !!!
in tous cas cha avot l'air d'ête in sacré numéro c'Séraphin

Ignace.
. Fernandel avot un succés fou. Ses viux films n'sont pas aussi tartignoles que cha.
. Un humorisse , j'sais pus qui ch'est , avot dit: "Fernandel a eu eune fièfe ed cheval. L'fièfe alle est partie mais l' cheval i est resté!"
....... ..........

Au sujet de Fernandel: Ches prénoms
.
.... Simplet.
.
https://www.dailymotion.com/video/x2r8x9_fernandel-simplet_music
.
...... Barnabé
.
https://www.youtube.com/watch?v=WogSywb9c7M
.
. L'inoubliape Fernandel ! ! ! ! !
.

Mi m'file ainée (16 ans) alle s'appelle Céraphine (un C à l'plache du S pour nos initiales sinon cha faisot SS ) . Ichi à l'école i a un tiot i s'appel Cybio l'jour dusse sins pere i m'deminda vous n'avez pas vu Cybio . Su l'cop je m'demindos c'qui m'voulos heureus'mint que m'voisine alle savot qu'chétot sin fils à ce monsieur ...

...I n'da is zont l'chic pour choisir ches prénoms. Cha plaît pas toudis aux infants. Mi, j' 'savos pas que m'grand'mère paternelle alle avot comme prénom Euphrasie. Jé n'l'ai su que ch't'année quand qu' min cousin i m'a invoyé eune photocopie d'sin livret d'famile à m'grand mère...in l'app'lot d'sin deuxième prénom: Zora ! ! !
. J'avos un élèfe qui avot comme prénom Youri, ch'ti la j'savos pour qui qu'sin père i avot voté ! ! !
. Eune file, Ulrika, s'mère, file mère, alle avot du rapporter s'file au cours d'un voyache in All'mane ! ! !
. J'sus in artraite d'pus 20 ans, à ch'époque la i n'avot pas core trop d'prénoms exotiques! ! !

aujourd'hui j'ai eté faire min dopler, et yà einne femme qui s'appellot nicoline ch'est amusant comme prénom...

J'avos dins l'timps eune nièche qui s'app'lot Mitzy, s'mère alle a du péquer cha dins Dallas ! ! ! !

Cha pourrot être un nom de cat...

Ouais, in pourrot app'ler sin cat comme cha! ! !

Bin j'ai bin failli min cat infin un d'mes cats ch'est Mizty

Ah, dins le désordre cha paye moins...

Vous rigolez, vous rigolez, l'nom d'min tchien ch'est bien Shirley, eun' femelle bin sûr.
In connaîchot pas cor Shirley et Dino.
Mais sin vrai nom d'naissance déclaré au L.O.F. ch'est : Loreleï de la combe d'Opale.